Dagblaðið Vísir - DV - 09.05.2014, Qupperneq 21

Helgarblað 9.–12. maí 2014 Fréttir 21
Tveir milljarðar afskrifaðir
eftir yfirtöku Jóns Ásgeir
n Fyrirtæki Pálma Haraldssonar var skráð fyrir 80 prósentum í Norðurljósum n Fengu lán fyrir Frétt ehf.
„Það hefur aldrei
neitt verið afskrifað“
Hlutafjáraukning og afborganir skulda 365 hafa gert fjölmiðlafyrirtækið „söluvænlegra“
leynigögn úr Landsbankanum– 4. hluti –
Þ
að hefur aldrei neitt verið af­
skrifað af skuldum félagsins
og hefur ekki staðið til,“ seg­
ir Ari Edwald, forstjóri fjöl­
miðlafyrirtækisins 365, um
hlutafjáraukningu upp á milljarð
sem fyrirtækið stendur í um þessar
mundir. Hlutafjáraukningin er hluti
af endurfjármögnun á skuldum 365
sem fyrirtækið hefur farið í hjá Lands­
bankanum.
Að sögn Ara er því ekki um að ræða
neinar skuldaniðurfellingar hjá fyrir­
tækinu en hins vegar er lengt í lánum
þess þannig að greiðslubyrði þeirra
verði þægilegri fyrir félagið. Ari segir
að 365 hafi á síðustu árum greitt um
milljarð króna í afborganir og vexti af
lánum félagsins hjá Landsbankanum.
Eftir endurskipulagninguna lækkar
greiðslubyrðin um 30 til 40 prósent á
ársgrundvelli að sögn Ara. Því er um
að ræða lækkaða greiðslubyrði upp á
nokkur hundruð milljónir króna á ári.
Annar lögaðili
Þó hér á opnunni sé vísað til fréttar
þess efnis að afskrifað hafi verið hjá
Norðurljósum eftir kaup Jóns Ásgeirs
á fjölmiðlafyrirtækinu árið 2003 þá er
það vitanlega þannig að það var ann­
ar lögaðili en sá sem Ari vísar til.
Þessi endurfjármögnun á skuldum
365 er einn anginn af nánast ótrúlegri
eigendasögu Jóns Ásgeirs Jóhannes­
sonar, og tengdra aðila, á fjölmiðla­
fyrirtækinu sem hófst með kaupum á
því af Jóni Ólafssyni árið 2003.
Síðan þá hefur Jón Ásgeir einu
sinni selt fjölmiðlamiðlarekstur fyrir­
tækisins á milli félaga í sinni eigu.
Þetta var haustið 2008 í svokölluð­
um Rauðsólarviðskiptum. Þá hefur
félagið endurfjármagnað lán sín við
Landsbankann nokkrum sinnum eft­
ir hrunið 2008.
Nýir hluthafar taka þátt
Nýir hluthafar munu taka þátt í hluta­
fjáraukningunni auk þess sem núver­
andi eigendur félagsins, meðal annars
Ingibjörg Pálmadóttir, eigin kona Jóns
Ásgeirs Jóhannessonar, fyrrverandi
aðaleiganda þess, munu leggja frek­
ari fjármuni inn í félagið að sögn Ara.
„Hlutafjáraukningin er að minni hluta
frá núverandi eigendum, meirihlut­
inn er ekki kominn frá þeim.“
Ari neitar að gefa upp hvaða hlut­
hafar þetta eru. Hann segir að þetta
verði gefið upp í júní þegar búið verð­
ur að ganga frá endurfjármögnun fé­
lagsins. „Við munum skýra nánar frá
því þegar búið verður að klára þetta,
í lok júní.“
500 milljónir greiddar niður
Ari segir að um helmingurinn af þeim
milljarði sem félagið fær í nýtt hluta­
fé verði notaður til að greiða nið­
ur skuldir 365 hjá Landsbankanum.
Í fréttatilkynningu frá 365 í vikunni
kom fram að eftir endurskipulagn­
inguna yrðu vaxtaberandi skuld­
ir þess 2,3 milljarðar króna. „Þetta
er ekkert flókið. Það er bara verið að
greiða niður skuldir þannig að þær
lækka. Það er annars vegar þetta
og svo er verið að breyta greiðslu­
skipulaginu á upphæðinni sem er eft­
ir, bara lengra niðurgreiðsluferli.“
Ari segir að eftir endurskipulagn­
inguna verði skuldir 365 „hóflegar“ og
„eðlilegar“. „Skuldir félagsins – höf­
uðstóllinn – hafa lækkað um meira
en helming á liðnum árum. Við þetta
lækkar árleg greiðslubyrði um svona
30 til 40 prósent.“
Eftirstöðvarnar af hlutafjáraukn­
ingunni verða notaðar til að styrkja
rekstur 365.
„Allir hlutir til sölu fyrir rétt verð“
En hvað segir Ari um áhuga eigenda
365 á að selja félagið? Er félagið til
sölu fyrir „rétt verð“ eins og hann
hefur sjálfur sagt? Ýmsir áhugasamir
aðilar hafa þefað af 365, meðal
annars Sigmar Vilhjálmsson og aðil­
ar tengdir honum, og hafa fjármála­
fyrirtæki verið milliliðir í því að finna
hugsanlega kaupendur að félaginu,
meðal annars verðbréfafyrirtækið
Arev.
Um þetta segir Ari: „Ég reikna
með að í viðskiptum séu allir hlut­
ir til sölu fyrir rétt verð. Eigendur fé­
lagsins verða sjálfir að svara því. En
allir geta séð það að félagið hefur
orðið söluvænlegra síðustu misserin
og heldur bara áfram að styrkja stöðu
sína í þeim efnum.“ n
Ingi Freyr Vilhjálmsson
ingi@dv.is
„Ég reikna með
að í viðskiptum
séu allir hlutir til sölu
fyrir rétt verð
Ekkert afskrifað Ari
Edwald, forstjóri 365, seg-
ir að fyrirtækið hafi aldrei
fengið skuldaafskrift.
eignarhaldi sínu í Norðurljósum.
Þarna, loksins, kom fram í
gögnum lánanefndar Lands­
bankans að Baugur ætti sannar­
lega hlut í Norðurljósum.
Eignarhald Fons var hins vegar
miklu minna en það hafði verið
sagt skömmu áður.
Landsbankinn hluthafi
Í yfirliti yfir eigendur Norður­
ljósa sem fylgdi þessari beiðni
um milljarðs króna skammtíma­
lán til að greiða eigendum Frétt­
ar ehf. fyrir félagið kom fram að
Baugur ætti að greiða langmest
af láninu til baka eða sem nam
476 milljónum króna, þá átti
dótturfélag Landsbanka Íslands,
Hömlur hf., að greiða næstmest
eða nærri 227 milljónir króna,
Bókaútgáfan Dægradvöl átti að
greiða nærri 137 milljónir, fé­
lag í eigu Árna Haukssonar átti
að greiða 80 milljónir, Fons átti
að greiða rúmar 50 milljónir og
eignarhaldsfélagið Reykjahlíð
átti að greiða rúmar 28 milljónir
til baka.
Þarna var því loksins kom­
ið fram hvernig hluthafalisti
Norðurljósa liti út. Peningarnir
sem hluthafar Fréttar ehf., sem
að öllum líkindum voru þeir
sömu og hluthafar Norðurljósa,
fengu fyrir söluna til Norðurljósa
runnu þannig í að greiða upp lán
við Landsbankann sem notað
hafði verið til að kaupa Frétt ehf.
af þeim sjálfum. n
Taktu stjórn á vinnutíma
og launakostnaði
Tímon
Fáðu tilboð!
Tímon tímaskráningarkerfi
Einfaldar launavinnslu
Eykur áreiðanleika í gagnavinnslu
Bætir yfirsýn stjórnenda yfir nýtingu mannauðs
Hringdu í síma 5 100 600 eða sendu okkur póst á
timon@trackwell.is og fáðu tilboð fyrir þinn rekstur.
www.trackwell.is