Dagblaðið Vísir - DV - 09.05.2014, Page 33

Helgarblað 9.–12. maí 2014 Fólk Viðtal 33
öðrum og dönsuðum saman breik-
dans saman sem pollar. Svo kynnumst
við á fyrsta ári í Flensborgarskólan-
um í Hafnarfirði. Þá fórum við að fara
heim í skólann til mín að spila á hljóð-
færi. Við kynnumst þannig og það er
undanfari Botnleðju,“ segir hann en
hljómsveitin var ein sú vinsælasta
um árabil og hitaði meðal annars upp
fyrir bresku hljómsveitina Blur með
Damon Albarn í fararbroddi.
Sama hvað öðrum finnst
Eru Botnleðja og Eurovision ekki dá-
lítið ólík fyrirbæri? „Nei, í rauninni
ekki. Þetta er bara annar vettvang-
ur, það er bara eitt ferðalag og það
er hingað. En ég meina, það sem er
kannski ólíkast er að við erum ekki
að spila á hljóðfæri hérna. Það er nýtt
fyrir okkur. Addi bróðir var einmitt
að tala um það að þetta sé í fyrsta
skipti sem hann fer í tónleikaferðalag
og þarf að taka trommusettið með
sér, það er vanalega leigt, og það er til
þess að „mæma“ á það. Það er mjög
skrýtin tilfinning.“
Mörgum hefur þótt Eurovision
Strítt fyrir að
vera lágvaxinn
fremur hallærislegur vettvangur
meðan aðrir dýrka og dá keppnina.
„Það er bara í hausnum á fólki, mað-
ur hafði sjálfur á ákveðnu tímabili
fordóma fyrir þessu en svo er þetta
bara ótrúlega mikil skemmtun og
mikið „show“. Svo er mér bara alveg
sama þó að einhverjum finnist þetta
ekki „cool“, það skiptir mig engu
máli,“ segir Halli.
Tónlistin á að sameina kynslóðir
Hann segir músík Pollapönkaranna
ekki bara vera gerð fyrir börn. „Það
hefur alltaf verið yfirlýst markmið
okkar að búa til músík sem höfðar til
allra aldurshópa og sameinar kyn-
slóðir. Það er flókið að reyna
gera það. En það hef-
ur oft tekist. Ég held að
það sé þannig í þessu
tilviki,“ segir hann um
lagið Enga fordóma.
Pollapönk varð til út
frá lokaverkefni þeirra
Heiðars í Kennarahá-
skóla Íslands þar sem
þeir lögðu stund á
nám í leikskólafræð-
um. „Pollapönk er hluti
lokaverkefnis okkar. Við
vildum gera eitthvað
skapandi og skemmti-
legt og ákváðum því
að gera það sem við
kunnum að gera, tón-
list. Að sjálfsögðu þurft-
um við að gera fræði-
lega hlutann líka þannig
að platan var bara svona
auka með,“ segir hann. „Þannig byrj-
aði þetta. Platan varð síðan vinsæl.
Við fórum í Kastljósið og þurftum
að fá einhvern til að spila með okkur
því við spiluðum nánast sjálfir á öll
hljóðfærin á plötunni. Ég hringdi því
í Adda bróður og Guðna vin okkar og
þeir urðu hluti af þessu.“
Leið fyrir að vera lágvaxinn
Lag Pollapönkaranna, Enga
fordóma, hefur vakið mikla athygli
en þar syngja þeir um að allir eigi
að fá að vera eins og þeir eru. Sjálfur
segist Halli hafa verið báðum megin
borðsins. Hann geti sjálfur verið for-
dómafullur og hefur líka lent í því að
vera strítt því hann þótti öðruvísi að
einhverju leyti. „Ég var mjög smávax-
inn en ég er „fighter“ og beit á jaxl-
inn. Ég hafði þann eiginleika og náði
þannig að verða ekki undir,“ segir
hann.
„Hluti af því að gera þessi lög er
að horfast í augu við eigin fordóma
og láta fólk hugsa um eigin fordóma.
Ég hef oft verið fordómafullur og
þarf reglulega að skoða sjálfan mig
og spegla mig til að skoða eigin for-
dóma.
Ég held, en ég veit ekki hvort
það sé rétt eða ekki, en ég held að
börn fæðist fordómalaus, svo gerist
eitthvað á leiðinni og samfélagið
smitar það af sumum fordómum
og það er okkar hlutverk sem full-
orðinna og foreldra að rjúfa þenn-
an hring með því að hugsa okkar
gang sjálf,“ segir Halli og fær sér sopa
af kaffinu. „Það er enginn það full-
kominn að hafa ekki fordóma og ég
get líka verið fordómafullur. Ég verð
líklega seint alveg fordómalaus, en
grunnurinn að því er að vera reiðu-
búinn að skoða það og geta fattað
það,“ segir hann.
Vill meiri tíma með fjölskyldunni
Málefnið er honum hugleikið enda
er hann sjálfur þriggja barna faðir
og svo leikskólakennari. „Ég á einn
fimmtán ára strák af fyrra sambandi
og svo eigum við núverandi konan
mín, Sigríður Eir Guðmundsdóttir,
tvær stelpur saman sem eru tveggja
og fimm ára.“ Halli segir það magn-
að að vera faðir. „Líklega bara eins og
öllum finnst. Það breytir mörgu í líf-
inu að bera ekki lengur bara ábyrgð á
sjálfum sér,“ segir hann. Halli og Sig-
ríður kynntust í Kennaraháskólan-
um og segir hann það hafa verið ást
við fyrstu sýn. „Svo sannarlega.“
Það er búið að vera mjög mikið að
gera hjá honum undanfarið og því
hefur ekki verið mikill tími fyrir fjöl-
skyldulífið. „Þetta Eurovision-ævin-
týri hefur gert það að verkum að
tíminn með fjölskyldunni hefur ver-
ið minni, svo er ég líka í mjög krefj-
andi starfi þannig að það kemur ofan
á það. Undanfarið hefur verið minni
tími með fjölskyldunni en ég hefði
viljað en þetta er bara tímabil,“ segir
hann.
Heillaðist af leikskólastarfinu
Halli er leikskólakennari og hefur ver-
ið ötull í hagsmunabaráttu þeirra sem
formaður Félags leikskólakennara.
Hvað kom til að hann valdi sér þenn-
an starfsvettvang? „Ég var alveg við að
verða frægur með hljómsveitinni
H
alli er rosadrífandi gaur,
fylginn sér, mjög metnað-
arfullur og fastur á sínu
en skemmtilegur og mikill
húmoristi,“ segir Valgeir Magnús-
son, eða betur þekktur sem Valli
sport, umboðsmaður Pollapönks.
Valli var á leið í upphitun-
arpartí Eurovision-aðdáenda fyrir
seinni undanúrslitin þegar blaða-
maður náði af honum tali. Þar ætl-
uðu Pollapönkarar að taka lagið
í rólegri útsendingu og eitthvað
meira til. Þetta hefur verið mik-
ið ævintýri og Valli rifjar upp eft-
irminnilegustu stundirnar: „Halli
henti míkrófóninum óvart nið-
ur í undanúrslitunum og varð al-
veg brjálaður en þegar hann kom
baksviðs og var búinn að jafna
sig kom þessi líka prakkarahlát-
ur. Svo eru allir búnir að heyra
gálgasöguna af því þegar hann
hoppaði svo svakalega á Heið-
ar að hann tók hann úr kjálkalið.
Það var fyndið að það skyldi ger-
ast en gott að það varð ekki verra.
Það var líka svolítið smart hvern-
ig hann nýtti tækifærið á 1. maí til
að tala um kjarabaráttu leikskóla-
kennara og endaði í aðalfrétt RÚV
þá um kvöldið. Hann er fljótur að
finna þessi móment.
Það má líka segja frá því að í
undirbúningsferlinu fór mikil hug-
myndavinna af stað á milli manna
sem springur út í þessu ævintýri
hér, með fjögur búningasett og
handrit fyrir heilar tvær vikur, um
það hvernig við ætlum að vinna
dag frá degi, sem þróast auðvit-
að og breytist, en við vorum með
ákveðnar hugmyndir um að taka
morgunmatinn á baðsloppunum,
mæta í þessum dressum á rauða
dregilinn og annað sem miðaði að
því að nýta „platformið“ sem við
fengum.“ ingibjorg@dv.is
„Fljótur að finna
þessi móment“
Halli kann að nota tækifærin þegar þau gefast
„Er ekki í lagi
með Heiðar,
hvað er að gerast?
„Hann var svolítill grallari
en alltaf ljúfur drengur“
H
ann var svolítið uppfinn-
ingasamur. Einu sinni
kom hann heim með all-
ar sessurnar af stólun-
um í skólanum og bað mig að að-
stoða sig við að sauma þær saman.
Hann hafði nefnilega klippt þær
í sundur,“ segir Erna Björnsdóttir,
mamma Halla. „Hann var svolítill
grallari en alltaf ljúfur drengur.“
Erna segist nú ekki hafa búist
því því að sonur hennar yrði jafn
hrifinn af leikskólakennarastarfinu
og raun bar vitni en þau störfuðu
saman á leikskólanum Hörðuvöll-
um í mörg ár.
„Já, hann bað mig að aðstoða
sig við að fá vinnu á leikskólan-
um. Hann ætlaði að fá fasta vinnu
og meika það svo í tónlistinni. Ég
sagði honum að sækja um og svo
fór að við vorum að vinna saman í
mörg ár, eða þangað til að hann fór
að vinna fyrir leikskólakennara,“
segir hún. Hún segir að honum
hafi ofboðið þau launakjör sem
kennurum var boðið upp á og vilj-
að breyta því. „Hann sá að það
varð að gera eitthvað til að bæta
kjör þessa hóps,“ segir hún en seg-
ist telja að sonur hennar vilji frekar
vera að vinna með börnunum en í
kjarabaráttunni en hann geri það
af hugsjón. Erna er í þeirri einstöku
stöðu að eiga tvo syni í Eurovision-
keppninni, en Arnar Gíslason er
bróðir Halla. „Ég er mjög stolt af
þeim báðum. Þetta var ótrúlega
spennandi þarna á þriðjudaginn
og þetta verður flott hjá þeim í úr-
slitunum.“
Kristján Rafn Gíslason, stóri
bróðir Haralds, segir hann einstak-
lega skemmtilegan karakter. „Har-
aldur er líka fyndinn og uppá-
tækjasamur. Hann hefur alltaf
verið þannig, hann er svona léttur
og kátur og það hentar honum vel
þessi tónlist,“ segir Kristján.
„Léttleikinn kemur fram í tón-
listinni. Það hefur alltaf verið stutt
í grínið. Hann er líka gefandi, hann
gefur mikið af sér,“ bætir Kristján
við. astasigrun@dv.is
Halli og mamma hans unnu saman á leikskóla
Bræðurnir Addi og Halli eru bræður og
móðir þeirra er ótrúlega stolt af þeim.
Leið fyrir að
vera smávaxinn
Halli segist sjálfur
hafa verið fordóma-
fullur en leið líka
fyrir það þegar hann
var yngri að vera
smávaxinn og var
strítt vegna þess.