Dagblaðið Vísir - DV - 03.06.2014, Blaðsíða 2
Vikublað 3.–5. júní 20142 Fréttir
„Enginn tekið ákvörðun
um það nema Alþingi“
Gengið út frá Hvammsvirkjun án aðkomu umhverfisnefndar
M
eðan Alþingi hefur ekki
samþykkt að Hvamms-
virkjun sé í nýtingar-
flokki, þá er hún það
ekki. Punktur.“ Þetta segir
Stefán Gíslason, formaður verk-
efnisstjórnar rammaáætlunar og
umhverfisstjórnunarfræðingur, í
samtali við DV.
Hann er ósammála Jóni Gunnars-
syni, formanni atvinnuveg-anefnd-
ar Alþingis, sem fullyrt hefur í sam-
tali við RÚV að Landsvirkjun geti
einfaldlega gengið út frá því að
Hvammsvirkjun verði færð úr bið-
flokki í nýtingarflokk. Sú staðreynd
að Alþingi hafi ekki samþykkt til-
lögu verkefnisstjórnar þess efnis fyr-
ir þinglok eigi ekki að tefja fyrir virkj-
anaframkvæmdunum.
„Það getur enginn tekið ákvörðun
um það nema Alþingi að Hvamms-
virkjun sé í nýtingarflokki. Menn
geta dundað sér við að undirbúa ein-
hver verk en þeir geta ekki gengið út
frá neinu,“ segir Stefán.
Heppilegasti kosturinn
Verkefnisstjórn þriðja áfanga
rammaáætlunar kynnti drög að til-
lögu sinni um flokkun virkjunar-
kosta í neðri hluta Þjórsár í desem-
ber síðastliðinn, þar sem lagt var
til að Hvammsvirkjun yrði flutt í
orkunýtingarflokk. Þykir sú virkjun
heppilegasti kosturinn til að tryggja
rafmagn til kísilverksmiðja sem til
stendur að reisa á næstu árum, með-
al annars í Helguvík og á Grundar-
tanga. Landeigendur við Þjórsá og
náttúruverndarsamtök hafa hins
vegar varað við virkjanaframkvæmd-
um í neðri hluta árinnar um árabil.
Reyndu atvinnuveganefnd
Talið er að Hvammsvirkjun hafi
minni áhrif á náttúrulega stofna lax-
fiska en aðrir virkjanakostir. Land-
eigendur óttast þó ýmis önnur um-
hverfisáhrif virkjunarinnar, svo sem
á litla friðlýsta eyju í Þjórsá þar sem
fundist hafa sjaldhæfar plöntu-
tegundir, meðal annars tvær sem
eru sjaldgæfar á landsvísu. „Líf-
ríki áhrifasvæðis Hvammsvirkjun-
ar hefur að mati undirritaðrar ekki
verið kannað nægilega vel og áhrif
virkjunar á lífríki ekki ljóst til að rétt-
læta slíkar framkvæmdir,“ sagði Anna
Sigríður Valdimarsdóttir, landeig-
andi og náttúrufræðingur, í umsögn
sinni við rammaáætlun, en á með-
al annarra afleiðinga virkjanafram-
kvæmda eru áhrif á fuglalíf. Ætla má
að um 200 pör fugla tapi hreiður-
stæðum sínum, meðal annars fugla-
tegundir sem eru á válista.
Ferðaþjónustuaðilar hafa varað
við virkjuninni og telja hana draga
úr möguleikum til nýsköpunar í
ferðaþjónustu. Þá hefur verið bent
á sjónræn áhrif virkjunarinnar og
tengivirkja auk áhrifa á gróðurlíf og
vatnafar.
Katrín Jakobsdóttir, formaður
Vinstri grænna, varaði við því í sam-
tali við RÚV á dögunum að Alþingi
yrði breytt í afgreiðslustofnun fram-
kvæmdavaldsins þegar kæmi að
virkjanaframkvæmdum. Rammaá-
ætlun heyrir undir umhverfisnefnd
en Katrín segir stjórnarflokkanna
hafa strandað á tilraun sinni til að
keyra tillögur verkefnisstjórnarinn-
ar í gegnum atvinnuveganefnd í vor.
Ekki undir þrýstingi
Í samtölum við fjölmiðla hefur Stef-
án Gíslason verið ósmeykur við
að leiðrétta ýmiss konar misskiln-
ing sem áberandi hefur verið í um-
ræðunni um rammaáætlun og
ákvarðana ferlið er snýr að virkjana-
framkvæmdum. Þá hafa svör hans
og ummæli oft stangast á við yfir-
lýsingar þeirra stjórnmálamanna
sem vilja keyra í gegn breytingar á
rammaáætlun og færa svæði hratt
og örugglega úr biðflokki í nýtingar-
flokk. DV spurði Stefán hvort hann
yrði fyrir þrýstingi að ofan. „Nei, ég
upplifi það ekki,“ svaraði hann. „Ég
er bara að vinna mína vinnu.“
Skemmst er að minnast þess
þegar Stefán Thors, fyrrverandi
ráðuneytisstjóri umhverfisráðuneyt-
isins, ákvað eftir að ágreiningsmál
komu upp milli hans og ráðherra,
að taka sér námsleyfi. Þeir sem DV
hefur rætt við telja ólíklegt að hann
snúi aftur til starfa með ráðherran-
um. Stefán hefur það orð á sér að
vera vandaður embættismaður sem
starfar í samræmi við lög frekar en
duttlunga stjórnmálamanna. Sem
skipulagsstjóri ríkisins á sínum
tíma hafnaði hann umhverfismati
Kárahnjúkavirkjunar. Sú ákvörðun
var ekki vinsæl hjá Siv Friðleifs-
dóttur, þáverandi umhverfisráð-
herra og flokkssystur þess sem nú
situr í embætti. Hún sneri úrskurði
Skipulagsstofnunar við og í kjölfarið
var lögum breytt til að draga úr vægi
stofnunarinnar. n
Þrýstir á virkjun Formaður atvinnu-
veganefndar segir Landsvirkjun geta gengið
út frá því að Hvammsvirkjun verði að veruleika
þótt Alþingi hafi ekki samþykkt hana.
Jóhann Páll Jóhannsson
johannp@dv.is
Áherslubreyting Sigurður Ingi er
ráðherra umhverfismála, landbúnaðar og
sjávarútvegs. Hann er hlynntari virkjana-
framkvæmdum en fyrri ríkisstjórn var.
Alþingi ræður Stefán Gíslason, formaður
verkefnisstjórnar rammaáætlunar, bendir á
að enginn geti tekið ákvörðun um Hvamms-
virkjun nema löggjafarsamkundan.
„Þeir geta
ekki gengið
út frá neinu
Þjórsá Virkjanaframkvæmdir
munu hafa áhrif á lífríkið.
Mynd Af vEf LAndsviRkJunAR
Hyggst kæra
kosningarnar
Formaður Dögunar í Reykjavík,
Björgvin E. Vídalín, hyggst kæra
framboð Framsóknarflokksins
í Reykjavík vegna ólögmæts
lögheimilis Sveinbjargar Birnu
Sveinbjörnsdóttur. Sveinbjörg
sagði frá því fyrir kosningar að
hún væri búsett í Kópavogi þar
sem hún væri í leiguhúsnæði.
Þjóðskrá barst ábending frá
yfirkjörstjórn Reykjavíkur þess
efnis að lögheimili hennar væri
skráð í Reykjavík þótt hún byggi
sannarlega í Kópavogi. Kjör-
stjórnin taldi hins vegar að
Sveinbjörg uppfyllti kjörgeng-
isskilyrði í Reykjavík, eftir að
hafa kallað hana á fund til sín til
að fá útskýringar.
Aldrei fleiri skip
Von er á fleiri skemmtiferða-
skipum en nokkurn tíma hafa
komið til Grundarfjarðar í sum-
ar. Skessuhorn greinir frá þessu.
Munu skipin sem leggja leið sína
til Grundarfjarðar í sumar vera í
heildina ellefu talsins. Koma þó
sum þeirra oftar en einu sinni
og því munu skip hafa alls nítján
sinnum viðkomu þetta ferðasum-
arið. Svo vill til að skemmtiferða-
skipið Fram er bæði það fyrsta
og síðasta sem leggst að bryggju
í sumar, það kom fyrst þann 26.
maí en kemur næst 5. september.