Dagblaðið Vísir - DV - 03.06.2014, Blaðsíða 21
Vikublað 3.–5. júní 2014 Umræða 21
Í
kjölfar sveitarstjórnarkosning-
anna um helgina er ljóst að staða
Sjálfstæðisflokksins og reyndar
stjórnarflokkanna er sterkari en
áður. Sjálfstæðisflokkurinn vann
glæsta sigra eins og í Vestmannaeyj-
um þar sem sjálfstæðismenn bættu
við sig manni og fengu um 73% fylgi
sem eru fátíðir yfirburðir og segja
allt um stöðu flokksins í Eyjum. Þar
er löng hefð fyrir góðum árangri en
þessi árangur slær öll fyrri met. Þá
mætti flokkurinn einnig mótlæti
eins og í Reykjanesbæ þar sem hann
gekk klofinn til kosninga og þungbær
ósigur staðreynd. Víðast hvar bætti
Sjálfstæðisflokkurinn við sig fylgi og
er í meirihluta í fjölda sveitarfélaga
stærri og smærri eða er stærsti flokk-
urinn eins og í sveitarfélögunum í
Kraganum, Akranesi, Akureyri, Ár-
borg, Grindavík og fleiri stöðum þar
sem glæstir sigrar litu dagsins ljós.
Höfuðborgin sker sig úr hvað ár-
angur flokksins varðar en þar hefur
flaggskip hans verið margar undan-
farnar kosningar og Sjálfstæðisflokk-
urinn í raun óvinnandi vígi í áratugi.
Það vígi ætlum við sjálfstæðismenn
að endurheimta.
Það er ekki minn háttur að leita
sökudólga þegar vandræði eða sárir
ósigrar blasa við þó okkur öllum sé
hollt að fara í naflaskoðun. Þannig
verða þeir sem telja sig bera sök á
stöðu flokksins í Reykjavík að líta í
eigin barm og skoða stöðuna með
köldu mati og taka þær ákvarðanir
sem eru flokknum fyrir bestu. Ég hef
fyrir löngu bent á það að unga fólk-
ið er að ganga okkur úr greipum og
hef lagt fram hugmynd um hvern-
ig við gætum aftur ná til unga fólks-
ins. Þetta er allt spurning um vinnu
og aftur vinnu að fá unga fólkið til
liðs við okkur og gera það á opinn
og umfram allt skemmtilegan hátt.
Upplestur úr hagtölum mánaðarins
eru t.d. ekki árangursrík leið til að fá
ungt fólk til liðs við okkur. Við verð-
um að sækja unga fólkið til okk-
ar á þeirra forsendum með áhuga-
verðum málum og stefnu sem það
vill aðhyllast sjálft. Bjóða upp á
spennandi og áhugaverða kosti og
að unga fólkið fái tækifæri til að taka
þátt í að móta sína eigin lífsstefnu
fyrir framtíðina í landinu okkar þar
sem tækifærin eru á hverju strái og
okkar að nýta þau. Unga fólkið á Ís-
landi hugsar ekki mest um það hvort
hægt verði að kaupa áfengi í mat-
vöruverslunum. Það vill tækifæri til
að mennta sig og að það geti geng-
ið að fjölbreyttum og vel launuðum
störfum að loknu námi.
Í fjölmörgum heimsóknum
mínum á kosningaskrifstofur
Sjálfstæðis flokksins fyrir
sveitarstjórnar kosningarnar sagði
ég öllum að kosningar vinnist á
tvennu, gleði og dugnaði. Kosn-
ingar eru eins og hver annar kapp-
leikur þar sem síðasti kjósandinn
getur verið það atkvæði sem ræður
úrslitum eins og markið sem skor-
að er á síðustu mínútu í kappleik.
Þannig vinna sjálfstæðismenn í Eyj-
um og um land allt. Það er ekki hætt
fyrr en síðasti maðurinn sleppur inn
í kjörklefann því stefna Sjálfstæð-
isflokksins á greiða leið að hjörtum
fólks um allt land. Nálægðin í sveit-
arstjórnunum segir mér að við sem
flokkur verðum að huga meira að
grunngildum þjóðlegs íhalds eins
og ég kýs að kalla það. Hlusta á takt-
inn í samfélaginu þegar við mótum
stefnuna. Um leið og við mótum
frjálsræði og jákvætt skattaumhverfi
fyrir einstaklinga og einkarekstur
verðum við að huga að heildarhags-
munum þar sem einkavæðing er
ekki alltaf besti kosturinn hjá þjóð
sem telur 330 þúsund manns.
Þeir sem hugsa í alvöru um næstu
kosningar byrjuðu á því sl. sunnu-
dag. Það er ekki eftir neinu að bíða.
Ef við ætlum að tryggja stöðu Sjálf-
stæðisflokksins til framtíðar og ná
til okkar unga fólkinu í næstu kosn-
ingum þá ætti sú vinna nú þegar að
vera hafin. n
Sterk staða Sjálfstæðisflokksins
„Ég hef fyrir
löngu bent á það
að unga fólkið er að
ganga okkur úr greipum.
Ásmundur Friðriksson
alþingismaður
Kjallari
Myndin Í höfn Það var engu líkara en að allir sem vettlingi gátu valdið væru á dekki þegar skemmtiferðaskipið Adventure Of The Seas kom til hafnar í Reykjavík á mánudag. Mynd Sigtryggur Ari
1 Prestur vildi sitja einn að dúntekju Til að standa
straum af hærri fasteignagjöldum
ákvað presturinn á Melstað, sr. Guðni
Þór Ólafsson, að hann myndi einn njóta
góðs af dúntekju í Hrútey, sem er í eigu
prestsetursins á Melstað. Hefð var fyrir
því að bændur í Eyjanesi, sem er skammt
frá Hrútey, nýttu helming dúntekjunnar.
14.357 hafa lesið
2 Leiðarahöfundur Morgunblaðsins rífur í
sig Jón Gnarr og Dag Davíð Odds-
son segir Besta flokkinn hafa beðið afhroð
í sveitarstjórnarkosningunum um helgina.
Þá sagði hann Jón Gnarr sprellara sem
hafi verið komið fyrir í borgarstjórastóln-
um á sínum tíma. Loks kallaði hann Dag B.
Eggertsson, oddvita Samfylkingarinnar,
klækjastjórnmálamann.
12.230 hafa lesið
3 Konan sem felldi Donald Sterling varð fyrir grófri
líkamsárás V. Stiviano, konan sem
er sögð hafa staðið að baki hljóðupp-
tökunni sem felldi eiganda bandaríska
körfuknattleiksliðsins Los Angeles
Clippers, Donald Sterling, varð að sögn
bandarískra fjölmiðla fyrir líkamsárás
tveggja manna í New York á sunnudag.
10.303 hafa lesið
4 Guðbjörg samdi um Glitnismál Guðbjörg Matthí-
asdóttir, fjárfestir og eigandi Ísfélagsins
í Vestmannaeyjum, hefur komist að
samkomulagi við slitastjórn Glitnis
um uppgjör vegna mála sem hún átti
útistandandi við bankann. Málið varðar
hlutabréfaviðskipti Guðbjargar við Glitni
þann 26. september 2008, örfáum dög-
um fyrir fall bankans. Í þeim viðskiptum
greiddi Glitnir tæplega fjóra milljarða
króna fyrir 1,7 prósenta hlut hennar í
bankanum. Glitnir höfðaði málið til að
rifta umræddum viðskiptum.
8.046 hafa lesið
5 Skíðaleiga á vonarvöl Um þrjátíu ár eru liðin frá því stórhuga
frumkvöðull frá Níger kom auga á
viðskiptatækifæri.
Hann ákvað að
koma upp skíðaleigu
í Sahara-eyðimörk-
inni. Hann hefur
ekki beinlínis orðið
ríkur af uppátækinu
en heldur enn úti starfseminni, þótt
viðskiptavinir séu fáir sem engir.
6.458 hafa lesið
Mest lesið
á DV.is
Þetta er
siðferðilegt próf
Ólafur ragnar grímsson um norðurslóðir. – DV
Ég er mjög
spennt
Edda Sif Pálsdóttir gerist þáttastjórnandi í Íslandi í dag. – Séð og heyrt
Við unnum ekki en kláruðum
keppni sem er býsna gott
Malín Brand keppti í ralli. – DV