Dagblaðið Vísir - DV - 03.06.2014, Blaðsíða 19

Vikublað 3.–5. júní 2014 Skrýtið 19
Látnir ferðast á fyrsta farrými
Heimildarmynd varpar ljósi á hvernig lík eru falin í flugi
F
lugfélagið British Airways
viðurkenndi loksins á dögun-
um, eftir áratuga þögn, fyrir
heimildamyndagerðarmönn-
um frá BBC hvert verklag flug-
þjóna sé ef einn farþega skyldi deyja
í miðju flugi. Í heimildamyndinni
segir leiðbeinandi flugþjóna að rétt
meðhöndlun látins farþega sé á gráu
svæði enn þann dag í dag. Að færa
látna farþegann inn á klósettið segir
hann þó stranglega bannað. „Það er
bæði ókurteisi og svo er líkið ekki fest
með belti þegar flugvélin lendir. Það
er engin reisn yfir því. Látni farþeg-
inn gæti runnið af klósettinu og end-
að úti á gangi,“ segir leiðbeinandinn.
Þar að auki hafa komið upp tilvik í
löngum flugferðum þar sem dauða-
stirðnun hefur hafist og taka hefur
þurft klósettið í sundur við lendingu
til að komast inn.
Önnur algeng aðferð á árum áður
hjá British Airways var að hreyfa
einfaldlega ekki við látna farþegan-
um og dulbúa hann svo hann virtist
sofa. „Þetta er eitthvað sem við gerð-
um einu sinni; við settum vodka og
tónik á borðið, dagblað í hendurnar
og sólgleraugu á nefið. Þá var eins og
viðkomandi væri sofandi. Við gerum
þetta samt ekki lengur,“ segir leið-
beinandinn. Í dag er hins vegar al-
gengast að látni farþeginn sé færður
í sæti á fyrsta farrými, helst ekki við
hliðina á lifandi farþega. Líkið er svo
vandlega hulið með teppum og fest
kirfilega með belti. Sé setið í öllum
sætum flugvélarinnar þá er líkinu
komið fyrir fremst í vélinni og það
vafið sem múmía með teppum. „Það
er ekkert skemmtilegt fyrir flugþjóna
að lenda í þessu. Ég þekki einn sem
þurfti að sitja við hliðina á líki alla
flugferðina til að tryggja að það færi
ekki á flug,“ segir leiðbeinandinn. n
British Airways Í heimildamynd BBC
kemur fram hvernig lík í háloftum hafa
verið meðhöndluð af flugfélaginu.
Endurheimtur
35 árum síðar
Bóndi í Norður-Noregi datt í
lukkupottinn á dögunum þegar
hann fann trúlofunarhring
sem hann týndi fyrir 35 árum.
Hringurinn týndist þegar
bóndinn, Jan Kristian Kristiansen,
var að dreifa áburði á akur við býli
sitt árið 1979. „Við leituðum og
leituðum en fundum hann ekki,“
segir Jan við norska fjölmiðla.
Hann segir að eiginkona hans,
Britt, hafi grínast með það að það
yrði verkefni fornleifafræðinga
framtíðarinnar að finna hringinn.
Ótrúleg er að hringurinn hafi
fundist því hann var á fimmtán
sentímetra dýpi undir jarðvegin-
um. Eftir að Jan áttaði sig á því að
hringurinn hefði týnst fór hann
og keypti annan, alveg eins, og
gengur hann nú með þá báða.
Aðdáendur
Frozen hópast
til Noregs
Norsk ferðamálayfirvöld þakka
Disney-teiknimyndinni Frozen
að hluta fyrir mikla fjölgun ferða-
manna frá Bandaríkjunum til Nor-
egs á fyrstu mánuðum ársins. Fjölg-
unin fyrstu þrjá mánuðina nam 37
prósentum miðað við sama tímabil
í fyrra. Frozen, sem frumsýnd
var í fyrra, naut mikilla vinsælda.
Hún er að hluta til byggð á ævin-
týri eftir H. C. Andersen og gerist
í ævin týraheiminum Arendelle
sem byggður er á norskri náttúru.
Á vefnum Visit Norway er sérstök
undirsíða sem heitir Frozen og hef-
ur hún verið heimsótt tæplega 300
þúsund sinnum. Þá má geta þess
að Disney og Innovation Norway
gerðu með sér samning áður en
myndin var frumsýnd sem kvað á
um að Noregur fengi sérstaka kynn-
ingu í kynningarefni fyrir myndina.
Afinn skilaði
milljónunum
Bandaríkjamaðurinn Joe Corn-
ell, 52 ára afi og fyrrverandi
hermaður, gerði það eina rétta
þegar poki stútfullur af pen-
ingum féll út úr peningaflutn-
ingabíl í Fresno á dögunum.
Cornell var í sjálfboðastarfi
hjá Hjálpræðishernum þegar
hann tók eftir pokanum á göt-
unni og ákvað að kanna hvað
hann innihéldi. Í ljós kom að í
honum voru 125 þúsund dalir,
eða rúmar 14 milljónir króna.
Cornell segist hafa hugsað
hvað hann ætti að gera; hvort
hann ætti að taka peningana
eða skila þeim. Sjálfur segir
hann að hann hafi lítið milli
handanna og raunar aðeins
verið með einn Bandaríkjadal
á sér og því hafi þetta hvarfl-
að að honum. Peningaflutn-
ingafyrirtækið þakkaði Cornell
fyrir heiðarleika hans og verð-
launaði hann með því að gefa
honum fimm þúsund dali, 570
þúsund krónur. Þá lét fyrir-
tækið sömu upphæð renna
til Hjálpræðishersins þar sem
Cornell var í sjálfboðastarfi.
Bronson smyr
sig enn smjöri
n Þekktasti fangi Bretlands trylltist þegar Hull tapaði fyrir Arsenal
Þ
ekktasti fangi Bretlands,
Charles Bronson, missti
stjórn á skapi sínu enn eina
ferðina á dögunum er fót-
boltaliðið Hull tapaði gegn
Arsenal í úrslitaleik ensku bikar-
keppninnar. Smurði hann sig með
smjöri, líkt og hann hefur oft áður
gert, og lúskraði á tólf fangavörð-
um áður en tókst að koma á hann
böndum. Hefur Bronson verið
meira og minna í fangelsi alla sína
ævi og er oft titlaður hættulegasti
fangi Bretlands. Skrautlegri ævi
hans var gefin skil árið 2008 í kvik-
myndinni Bronson, en hinn geð-
þekki leikari Tom Hardy túlkaði
fangann. Bronson, sem er sextíu og
eins árs, er eindreginn stuðnings-
maður Hull.
Sleipur eins og áll
Breska dagblaðið The Mirror hefur
undir höndum bréf frá Bronson
sjálfum til vinkonu hans utan
veggja fangelsisins þar sem hann
skýrir betur frá atvikinu með sín-
um eigin orðum. „Vondar fréttir.
Ég lenti í öðru skrölti. Í þetta skipti
gegn óeirðasveit. Þetta var sólríkur
dagur. Arsenal var að keppa á móti
Hull og að sjálfsögðu vildi ég að
mínir menn hefðu betur. Ég kyngi
þó fyrr tönnunum en stoltinu svo
ég smurði mig með smjöri,“ skrifar
Bronson. því fer fjarri að þetta sé í
fyrsta skipti sem Bronson smyr sig
með smjöri, en að hans sögn ger-
ir hann það til að fangaverðir geti
síður tekið hann föstum tökum.
Að sögn breskra fjölmiðla brotnaði
rifbein í Bronson í bröltinu. Hann
smurði sig seinast með smjöri fyrir
fjórum árum og náði hann þá að
yfirbuga fjóra fangaverði áður en
hann var klófestur.
Frjáls í 122 daga
Bronson var fyrst fangelsaður árið
1974 fyrir ýmsa minniháttar glæpi.
Var hann þá dæmdur í aðeins sjö
ára fangelsisvist en vegna sífellds
vandræðagangs var sú vist fram-
lengd í fjórtán ár. Í heildina hefur
hann verið færður milli fangelsa
alls hundrað og tuttugu sinnum og
hefur hann því á einhverjum tíma-
punkti verið í hverju einasta fang-
elsi Bretlands. Honum var hleypt
út úr fangelsi árið 1988, en þá liðu
aðeins sextíu og níu dagar þar til
hann var handtekinn á ný. Honum
var aftur hleypt út árið 1992, en þá
var handtekinn aftur aðeins fimm-
tíu og þremur dögum síðar.
Líkamsræktarfrömuður
og listamaður
Í gegnum árin hefur Bronson
ítrekað stundað nokkurs konar eins
manns uppþot. Hefur hann barið
samfanga og tekið fangelsisstarfs-
fólk í gíslingu. Telja slík atvik tugi.
Hefur Bronson vegna þessa verið í
einangrun meira og minna síðast-
liðin tuttugu ár. Árið 1999 var hann
dæmdur í lífstíðarfangelsisvist fyrir
að taka bókasafnsvörð í fangelsi sem
gísl. Úr því varð umsátursástand sem
varði í fjörutíu og fjóra klukkutíma. Í
kjölfar þess sagði Bronson sjálfur að
ástæðan fyrir því uppþoti hafi ver-
ið gagnrýni bókasafnsvarðarins á
teikningar hans. Þrátt fyrir áratuga
fangelsisvist hefur Bronson ekki
setið auðum höndum. Árið 2002 gaf
hann út líkamsræktarbók þar sem
lýst er hvernig hægt sé að koma sér
í form í lokuðu rými. Í seinni tíð hef-
ur hann þó einna helst einbeitt sér
að myndlist og ljóðagerð, með nokk-
uð góðum árangri. Málverk hans
voru meðal annars sýnd um tíma
í neðanjarðarlestakerfi London og
hefur hann unnið listaverðlaun
fanga, kennd við Koestler, alls ellefu
sinnum. n
Hjálmar Friðriksson
hjalmar@dv.is Lífstíðarfangi Bronson
er oft nefndur hættulegasti
fangi Bretlands. Þrátt fyrir
að vera kominn á sjötugs-
aldur nær hann ítrekað að
yfirbuga fangaverði.
„Ég kyngi þó fyrr
tönnunum en
stoltinu svo ég smurði
mig með smjöri