Dagblaðið Vísir - DV - 03.06.2014, Blaðsíða 13

Vikublað 3.–5. júní 2014 Fréttir 13
Uppsögn kostaði
ríkið 30 milljónir
n Málskostnaður ríkinu dýr lögmæt n Uppsögn Hannesar ólögmæt
H
eildarkostnaður Heilbrigðis-
stofnunar Austurlands vegna
málsóknar Hannesar Sig-
marssonar, fyrrverandi yfir-
læknis, gegn henni nemur
rúmum 28 milljónum króna. Hannes
höfðaði tvö mál á hendur HSA vegna
ólögmætrar uppsagnar, en kostnaður
við fyrra dómsmálið liggur ekki fyrir.
Því er ljóst að kostnaður við málin fer
vel yfir 30 milljónir króna.
Í fyrra málinu gagnstefndi HSA
Hannesi vegna ofreiknaðra launa.
Samkvæmt dómsniðurstöðum í báð-
um málum var Hannes saklaus af
ásökunum þáverandi forstjóra HSA,
Einars Rafns Haraldssonar, um fjár-
drátt. Hannes viðurkenndi sjálfur að
hafa ofreiknað sér laun sem hann
endurgreiddi. Hann hefur hins vegar
ekki snúið aftur til starfa hjá stofn-
uninni og var í raun hrakinn úr sínu
starfi, þrátt fyrir að njóta mikilla vin-
sælda á Austfjörðum. Meðal annars
var hundruðum undirskrifta safnað
honum til stuðnings.
Excel-villa sem fleiri gerðu
Í niðurstöðu dómsins í fyrra mál-
inu var Hannesi gert að endurgreiða
stofnuninni laun sem hann hafði of-
reiknað, en hann viðurkenndi það
fyrir dómi og kenndi villu í Excel-
skjali um. Í því máli fékk hann einnig
bætur vegna meiðyrða sem þáver-
andi forstjóri HSA, Einar Rafn Har-
aldsson, hafði uppi um Hannes bæði
í fjölmiðlum og tölvupósti til stuðn-
ingsmanns Hannesar. „Í fyrri rétt-
arhöldunum var því haldið fram að
það hefði bara verið ég sem gerði
þessa villu. Í þeim seinni kom svo
í ljós að það voru fleiri en ég sem
gerðu sömu villuna. Þetta var bara
illa hannað skjal,“ segir Hannes í
samtali við DV.
Rannsökuðu fjárdrátt tvisvar
Í seinna dómsmálinu var stofnunin
dæmd til að greiða Hannesi 15 millj-
ónir króna í vangoldin laun, þar sem
henni hefði ekki verið heimilt að
taka Hannes einhliða af launaskrá
í júlí 2009, en honum var sagt upp
í desember sama ár. Sem fyrr segir
var heildarkostnaður við málið rúm-
ar 28 milljónir króna, sem er mun
meira en ef Hannesi hefði verið sagt
upp störfum í júlí en ekki desember.
Hann hafði áður, í mars 2009, verið
leystur frá störfum sem yfirlæknir
vegna gruns um fjárdrátt og var mál-
ið kært til lögreglu. Hún felldi það
niður að lokinni rannsókn en rann-
sakaði málið aftur síðar, og komst að
sömu niðurstöðu.
„Enginn vafi á því að Hannes
hefur brotið af sér“
„Ef þetta verður endanleg niður-
staða, þá er þetta auðvitað mik-
ill sigur fyrir Hannes, en um leið
áfellis dómur yfir vinnubrögðum
Heilbrigðisstofnunar Austurlands,“
sagði Guðjón Ármannsson, lögmað-
ur Hannesar, í samtali við DV í jan-
úar á þessu ári eftir að dómurinn
var kveðinn upp. Um páskana rann
frestur til áfrýjunar út og ákvað ríkis-
lögmaður, sem tók við málinu eftir
dóm héraðsdóms, að áfrýja málinu
ekki.
Sagði Guðjón jafnframt að Hann-
es hefði þurft að „sitja undir linnu-
lausum ásökunum þáverandi
forstjóra Heilbrigðisstofnunar Aust-
urlands um fjárdrátt.“ Í tölvupóstin-
um, sem Einar Rafn sendi til stuðn-
ingsmanns Hannesar sagði: „Ef
stolið er frá þér, þú stendur þjófinn
að verki og kærir hann til lögreglu,
átt þú þá að skammast þín og hverfa
af vettvangi? Jafn veraldarvanur
maður og þú veist að þegar opinber
starfsmaður í yfirmannsstöðu eins
og Hannes fremur auðgunarbrot þá
er hann leystur frá störfum meðan
lögregla rannsakar málsatvik og birt
tilkynning þar um. Það leikur enginn
vafi á því að Hannes hefur brotið af
sér og ég hef ekkert umboð til að
hylma yfir það. Að lokinni rannsókn
tekur saksóknari ákvörðun um fram-
haldið. Sé Hannes saklaus fær hann
uppreisn æru.“
Sneri ekki aftur
Þessa uppreisn æru fékk Hannes
aldrei, því stuttu síðar var hann
tekinn af launaskrá og nokkrum
mánuðum síðar var honum sagt
upp. Hann sneri því aldrei aftur til
starfa hjá stofnuninni, þrátt fyrir að
hafa aldrei verið sakfelldur fyrir fjár-
drátt og að hafa viðurkennt að hann
þyrfti að endurgreiða 1,3 milljón-
ir króna vegna villu í Excel-skjali
sem læknar stofnunarinnar notuðu
til útreikninga. Hann starfar nú að
miklu leyti erlendis, en kemur þess
á milli til Íslands og dvelst á Aust-
fjörðum. n
Rögnvaldur Már Helgason
rognvaldur@dv.is
„Ef stolið er frá þér,
þú stendur þjófinn
að verki og kærir hann
til lögreglu, átt þú þá að
skammast þín og hverfa
af vettvangi?
Fylktu sér að baki lækninum Hundruð skrifuðu undir stuðningslista við Hannes Sigmarsson.
Einar Rafn Sakaði Hannes um fjárdrátt og
þurfti að greiða honum bætur vegna meið-
yrða. Hann sagði að Hannes fengi uppreisn
æru ef ekkert saknæmt kæmi í ljós, en þá
uppreisn hefur Hannes ekki hlotið enn.
Hannes Var sakaður um fjárdrátt og
sagt upp störfum hjá HSA vegna málsins.
Hann var aldrei fundinn sekur um slíkt og
HSA þurfti að greiða honum vangoldin
laun. Heildarkostnaður ríkisins vegna upp-
sagnarinnar er yfir 30 milljónum króna.
„Þetta var
bara illa
hannað skjal Tveir stútar
stoppaðir
Lögreglan á Suðurnesjum hafði
um helgina afskipti af tveimur
ökumönnum sem voru ölvaðir
undir stýri. Þetta kemur fram
í tilkynningu frá lögreglunni.
„Annar þeirra viðurkenndi
akstur undir áhrifum áfengis og
einnig að hafa ekið á kyrrstæða
bifreið og stungið af.“
Þá segir frá því að tveir til við-
bótar hafi verið kærðir fyrir of
hraðan akstur. „Annar þeirra
mældist á 122 km. hraða á Garð-
vegi, þar sem hámarkshraði er
90 km. á klukkustund. Hinn ók
á 82 km. hraða eftir Ægisgötu í
Reykjanesbæ þar sem hámarks-
hraði er 50 km. á klukkustund.“
Köstuðust
á loft
Tveir bílfarþegar voru fluttir á
Heilbrigðisstofnun Suðurnesja
eftir að þeir höfðu kastast upp
í loft bifreiðar sem ekið var yfir
hraðahindrun á fimmtíu kíló-
metra hraða. Báðir sátu í aftur-
sæti bifreiðarinnar. Samkvæmt
tilkynningu frá lögreglunni á
Suðurnesjum kvörtuðu farþegarn-
ir yfir eymslum í hálsi og höfði
voru þeir fluttir með sjúkrabifreið
á Heilbrigðisstofnun Suðurnesja.
Þá urðu tvö umferðaróhöpp þar
sem fjórhjól komu við sögu. Ann-
að þeirra hafnaði utan vegar og
slasaðist ökumaðurinn lítillega.
Ökumaður hins hjólsins var að
taka beygju þegar hann missti
stjórn á því með þeim afleiðing-
um að annað framhjól þess lenti á
afturbretti bifreiðar.
Innkalla
fæðubótarefni
Matvælastofnun segir í tilkynn-
ingu að Heilbrigðiseftirlit Reykja-
víkur hafi ákveðið að innkalla
fæðubótarefnið NAC Solaray sem
inniheldur efnið N-Acetyl-Cy-
steine. Frestur hafi verið gefinn
til dagsins í dag, þriðjudags, til að
fjarlægja vörur með þessu efni úr
hillum verslana. Efnið er flokkað
sem lyf á Íslandi. Lyfið hefur ver-
ið selt í Heilsuhúsinu á Akureyri,
Smáratorgi, Laugavegi, Selfossi,
Lágmúla, Kringlunni og á Lifandi
Markaði í Fákafeni og Borgartúni.