Dagblaðið Vísir - DV - 03.06.2014, Blaðsíða 10

Vikublað 3.–5. júní 201410 Fréttir
StærStu Sigrarnir
og verSta útreiðin
n Sjálfstæðisflokkurinn minni í Reykjavík en nokkru sinni fyrr n Gjá milli Reykjavíkur og landsbyggðar
S
jálfstæðisflokkurinn styrkti
stöðu sína á landvísu í
sveitar stjórnarkosningunum
á laugardaginn. Þetta sætir
tíðindum í ljósi þess að
flokkurinn situr í ríkisstjórn, en líkt
og Hannes Hólmsteinn Gissurarson
stjórnmálafræðiprófessor við Há-
skóla Íslands bendir á í pistli á Press-
unni er venjan frekar sú að ríkjandi
öflum sé refsað í byggðakosningum
á milli þingkosninga. Sú var ekki
raunin á laugardaginn, hvorki hvað
viðkemur Sjálfstæðisflokknum né
Framsóknarflokknum sem vann
óvæntan kosningasigur í Reykjavík.
Tap nýju framboðanna
Píratar náðu inn manni í Reykjavík
en hvergi annars staðar sem hlýtur
að teljast nokkuð áfall ef miðað er við
fylgi flokksins í síðustu þingkosning-
um. Björt framtíð virðist hafa stimpl-
að sig inn víða um land en fékk mun
minna fylgi í Reykjavík en stuðnings-
menn flokksins vonuðust eftir. Fylgi
flokksins var engan veginn sambæri-
legt við þær vinsældir sem Jón Gnarr
naut þegar hann bauð fram undir
merkjum Besta flokksins árið 2010
og rúllaði upp höfuðborginni.
Ný framboð á borð við Dögun og
Alþýðufylkinguna áttu ekki upp á
pallborðið í Reykjavík. Sá byltingar-
andi sem gaf nýjum framboðum
byr undir báða vængi á árunum
eftir bús áhaldabyltinguna virðist að
mestu leyti hafa fjarað út. Þetta lýsir
sér ekki einvörðungu í ósigri Bjartrar
framtíðar í Reykjavík og áhugaleysi
kjósenda á nýjum stjórnmálaflokk-
um, heldur einnig á Akureyri þar
sem L-listinn grúttapaði og Sjálf-
stæðisflokkurinn rauk úr 13 prósent-
um upp í 25,8 prósent og fékk þrjá
bæjarfulltrúa.
Rússnesk kosning í
Vestmannaeyjum
Sjálfstæðisflokkurinn vann sigur
í bæjarfélögum á borð við Kópa-
vog, Hafnarfjörð, Mosfellsbæ og
Seltjarnarnes. Hann er enn stærsti
flokkurinn í Garðabæ. Flokkurinn
fékk hreinan meirihluta á Akranesi
og vann stórkostlegan kosningasig-
ur í Vestmannaeyjum þar sem hann
fékk, eins og Egill Helgason orðar
það á bloggi sínu, „tölur sem sjaldn-
ast sjást í vestrænum lýðræðisríkj-
um“.
Mikilvæg frávik eru þó frá stór-
sókn Sjálfstæðisflokksins á lands-
vísu. Í Ísafjarðarbæ rúllaði Í-listinn
upp kosningunum og fékk hreinan
meirihluta á kostnað Sjálfstæðis-
flokksins, en leita þarf áratugi aftur
í tímann til að finna sambærileg úr-
slit í bænum. Í Reykjanesbæ féll
meirihluti Sjálfstæðisflokksins, sem
stýrt hefur bænum samfellt í 24 ár.
Þar af hefur Árni Sigfússon verið
bæjarstjóri um tólf ára skeið en nú
lætur hann af störfum.
Stóra mótsögnin
Í Reykjavík fékk Sjálfstæðisflokk-
urinn jafnframt minna fylgi en
hann hefur nokkurn tímann fengið
í borgarstjórnarkosningum. Aðeins
25,7 prósent atkvæða féllu flokkn-
um í skaut og náði hann inn fjórum
borgar fulltrúum. Til samanburðar
má nefna að í síðustu borgarstjórnar-
kosningum, aðeins tveimur árum
eftir bankahrun, fékk flokkurinn 33,6
prósent atkvæða og fimm borgar-
fulltrúa. Flokkurinn fékk hins vegar
hreinan meirihluta í flestum þeim
borgarstjórnarkosningum sem fram
fóru á síðustu öld. Þannig er ljóst að
stjórnmálalandslagið í Reykjavík hef-
ur tekið stórkostlegum stakkaskipt-
um. Kjósendur í höfuðborginni halla
sér þannig í auknum mæli til vinstri
og inn á miðjuna, um leið og lands-
byggðin kýs fremur íhaldsöflin. n
Sjálfstæðisflokkurinn
í Vestmannaeyjum
Sjálfstæðisflokkurinn vann stór-
kostlegan sigur í Vestmannaeyjum
og hlaut 1632 atkvæði eða rúm
73 prósent atkvæða undir forystu
Elliða Vignissonar bæjarstjóra.
„Þetta er auðvitað mikil virðing
fyrir störf meirihlutans sein-
ustu átta ár,“ segir Elliði aðspurð-
ur hverju hann þakki sigurinn
og bætir við að farið hafi saman
sterkur framboðslisti og að fólk
hafi dæmt meirihlutann af verk-
um sínum undanfarin átta ár. En
er enginn hugmyndafræðilegur
ágreiningur í Vestmannaeyjum?
Kjósa bara allir sjálfstæðisflokk-
inn? „Jú, vissulega er málefna-
legur ágreiningur til staðar, til að
mynda þegar rætt er um sjávar-
útvegsmál og hvernig best sé að
haga rekstri. Við gleymum ekki
hugmyndafræðinni hér í bæjar-
pólitíkinni í Vestmannaeyjum, og
það er ef til vill þess vegna sem
kosningabaráttan hér var heiðar-
leg og málefnaleg á báða bóga.
Tekist á um hugmyndafræði frekar
en persónur.“ Ætlar Elliði ekki
að demba sér í landsmálin fyrst
hann er með svona sterkt bak-
land í Vestmannaeyjum? „Ég er
svo sem ekkert að velta fyrir mér
minni eigin stöðu í þessum efn-
um. Þegar maður gegnir emb-
ætti sem er svo langtum stærra en
maður sjálfur, þá er maður ekkert
að pæla í þessu,“ svarar Elliði sem
á heiðurinn af mesta kosninga-
fylgi Sjálfstæðisflokksins í Eyjum
frá upphafi.
Jóhann Páll Jóhannsson
johannp@dv.is L-listinn á
Akureyri
Listi fólksins á Akureyri féll úr 45
prósentum og niður í 21,6 pró-
sent. Þótt hreinn meirihluti L-
listans sé þar með fallinn virðist
sem L-listinn
muni áfram
koma að
stjórn bæj-
arins. Við-
ræður milli
Samfylk-
ingarinnar,
L-listans og
Framsóknar-
flokksins hófust fljótlega eftir að
kosningaúrslitin voru kunngjörð
og verður Eiríkur Björn Björg-
vinsson núverandi bæjarstjóri
líklega endurráðinn. Samkvæmt
fréttavef RÚV eru fulltrúar Sjálf-
stæðisflokksins hundfúlir, enda
sigurvegarar kosninganna, og
telja sig eiga heimtingu á því að
mynda meirihluta í Akureyrar-
bæ.
-23%
+17%