Dagblaðið Vísir - DV - 22.08.2014, Blaðsíða 12

Helgarblað 22.–25. ágúst 201412 Fréttir
„Óvíst hvort
hann nái sér“
n Rannsókn vegna Grundarfjarðarárásar miðar vel n „Hálflamaður öðrum megin“
H
ann er hálflamaður öðrum
megin og það er óvíst hvort
hann nái sér. Læknarnir
hafa ekkert sagt okkur al­
mennilega um það,“ seg­
ir aðstandandi mannsins sem
varð fyrir fólskulegri líkamsárás í
Grundarfirði hinn 17. júlí síðast­
liðinn. Ljóst er að maðurinn var
um tíma mjög þungt haldinn en
fjarlægja þurfti hluta af höfuðkúpu
fórnarlambsins vegna alvarlegra
höfuðáverka.
Aðstandandi mannsins segir
margt óvíst hvað varðar bata
mannsins en á næstunni verður
hann fluttur á endurhæfingardeild
Landspítalans, Grensás. Lögreglan
á Akranesi óskaði á dögunum eftir
áframhaldandi gæsluvarðhaldi yfir
mönnunum tveimur sem grunað­
ir eru um að hafa ráðist á manninn
við bryggjuna í Grundarfirði. Annar
þeirra, Reynir Þór Jónasson, er ný­
kominn af skilorði en fyrir rétt rúm­
lega tveimur árum fékk hann tveggja
mánaða skilorðsbundinn dóm til
tveggja ára vegna líkamsárásar á þá­
verandi sambýliskonu sína. Hinn
maðurinn er þýskur ríkisborgari en
báðir voru þeir í áhöfn Baldvins NC
100, sem lá þá við bryggju.
Þung höfuðhögg
Atburðir kvöldsins verða æ skýrari
en svo virðist sem mennirnir þrír
hafi farið saman af veitingastaðnum
Rúben og þaðan um borð í Baldvin
NC 100. Þegar fórnarlambið yfir­
gaf skipið komu árásarmennirnir á
hlaupum á eftir honum. Þýski mað­
urinn er grunaður um að hafa sleg­
ið manninn í jörðina með þeim af­
leiðingum að hann féll með höfuðið
á bryggjukantinn. Því næst hafi
Reynir traðkað á höfði mannsins og
veitt þung högg.
Læknar eiga skilið þakkir
„Staðan á honum er svona þokka­
leg eftir aðstæðum. Þetta lítur tölu­
vert betur út en um tíma. Hann er
enn þá á spítala og fer mjög líklega
fljótlega upp á Grensás í endurhæf­
ingu. Hann verður þar í einhverja
mánuði,“ segir aðstandandi fórn­
arlambsins í samtali við DV. Að hans
sögn eru líkur á að það verði í næstu
viku eða þarnæstu sem maðurinn
verður fluttur á endurhæfingar­
deild. Hann segir lækna eiga skil­
ið þakkir fyrir að hafa bjargað því
sem bjargað varð. „Þeir náðu svona
þokkalega að bjarga honum.“
Óvíst með bata
Aðstandandi mannsins segir hann
vera kominn til meðvitundar en
erfitt sé að meta stöðuna í dag.
„Það er erfitt að meta hver skað­
inn er á höfðinu. Hann er tölu­
vert úti að aka, einhvers staðar allt
annars staðar í kollinum,“ segir að­
standandinn. Hann segir að læknar
mannsins hafi ekki getað gefið nein­
ar upplýsingar um horfur hvað það
varðar. Sömuleiðis geti læknar ekki
enn svarað um mögulegar fram­
tíðarhorfur mannsins. Aðstand­
andi mannsins segir að nú verði að
bíða og sjá hvort hann nái ekki bata.
Hann segir að fjölskylda mannsins
hafi ekkert frétt af rannsókn máls­
ins.
Áframhaldandi gæsluvarðhald
Helgi Pétur Ottesen, rannsóknar­
lögreglumaður á Akranesi, segir að
rannsókn málsins sé langt komin.
„Rannsókn miðar bara mjög vel og
er langt komin. Það er unnið full­
um fetum í þessu. Dómkvaddir
matsmenn voru fengnir til að meta
ýmsa þætti í þessu máli sem snýr að
brotaþola,“ segir hann. Helgi Pétur
segir að lögreglan hafi farið fram á
áframhaldandi gæsluvarðhald en
hann geti ekki enn sagt um hversu
lengi. Hann segir það hafa farið fyr­
ir Héraðsdóm Vesturlands síðast­
liðinn þriðjudag. n
Hjálmar Friðriksson
hjalmar@dv.is
Áfram í gæsluvarðhaldi Reynir Þór
Jónasson er annar þeirra sem situr í gæslu-
varðhaldi grunaður um árásina.
„Þeir náðu
svona þokka­
lega að bjarga honum
Grundarfjörður Árásin átti sér
stað við bryggjuna í Grundarfirði.
Að sögn aðstandenda fórn-
arlambsins er ástand mannsins
betra en á horfði. Mynd dV
23 eiga
von á sekt
Brot 23 ökumanna voru mynduð
á Hringbraut í Reykjavík á mið­
vikudag. Í dagbók lögreglu kemur
fram að fylgst hafi verið með öku­
tækjum sem var ekið Hringbraut
í austurátt, við Birkimel. Á einni
klukkustund, eftir hádegi, fóru
536 ökutæki þessa akstursleið
og því óku hlutfallslega fáir öku­
menn, eða fjögur prósent, of hratt
eða yfir afskiptahraða. Meðal­
hraði hinna brotlegu var 64 kíló­
metrar á klukkustund en þarna er
50 kílómetra hámarkshraði. Vökt­
un lögreglunnar á Hringbraut er
liður í umferðareftirliti hennar á
höfuðborgarsvæðinu.
Ráðinn
upplýsinga­
fulltrúi
Guðfinnur Sigurvinsson, sem
lengi vel starfaði hjá Ríkisút­
varpinu og hafði stutta viðdvöl á
Miklagarði fyrr árinu, hefur verið
ráðinn upplýsingafulltrúi Um­
hverfisstofnunar. Skiptar skoð­
anir virðast vera innan Fram­
sóknarflokksins með ráðninguna.
Þannig hefur Jóhannes Þór Skúla­
son, aðstoðarmaður forsætisráð­
herra, látið ánægju sína í ljós með
ráðstöfunina. „Toppmaður Guð­
finnur,“ skrifar hann. Flokkssystir
hans og formað­
ur fjárlaganefnd­
ar Alþingis, Vigdís
Hauksdóttir, er
ekki eins ánægð
með þessa ráðn­
ingu. „­uuuuuuu
– hví eru opinber­
ar stofnanir með upplýsingafull­
trúa og mannauðsstjóra? Rosalegt
bruðl er þetta,“ skrifar Vigdís á
Facebook. „Þetta er svolítið eins
og að spyrja hvers vegna þing­
nefndir eru með formenn. Það
þarf ekki nema minniháttar skiln­
ing á starfseminni til að átta sig
á tilgangi og umfangi starfsins,“
svarar Píratinn Smári McCharthy.
Í
Sólarlagi ehf., móðurfélagi laxa­
hrognafyrirtækisins Stofnfisks,
hefur verið slitið. Þetta kemur
fram í Lögbirtingablaðinu. Eig­
andi Sólarlags er félagið Frumkvöð­
ull ehf. en fyrir því fer fjárfestirinn
Gísli Hjálmtýsson. Á endanum er fé­
lagið í eigu ALMC hf., eiganda fjár­
festingarbankans Straums.
Gísli hefur verið nokkuð í fréttum
síðustu ár vegna deilna við nokkra
aðra fjárfesta, meðal annars Trygga
Pétursson. Tryggi hefur komið fram
í fjölmiðlum og sagst vera gjaldþrota
vegna deilnanna við Gísla. Þá hefur
ríkissaksóknari, og embætti sérstaks
saksóknara, haft til meðferðar kæru
á hendur Gísla fyrir meint umboðs­
svik. Hann hefur verið skipaður í
skilanefnd Sólarlags ehf.
Thule Investments hefur verið
umsvifamikið fjárfestingarfélag og
meðal annars komið að rekstri verk­
smiðjutogara í Vestur­Afríku auk
þess að tengjast nokkrum sprotafyr­
irtækjum eins og CAOZ og leikhús­
fyrirtækinu Leikhúsmógúlnum.
Stofnfiskur var ein af eignum
þess og var stærsti framleiðandi
laxahrogna á Íslandi. Fyrirtækið
var um tíma með sjö starfsstöðvar á
Suðvesturlandi. Árið 2011 flutti fyr­
irtækið út laxahrogn fyrir 800 millj­
ónir króna. n
ingi@dv.is
Sólarlagi slitið
Fyrirtæki sem hélt utan um hrognaframleiðslu
Skipaður í skilanefnd
Gísli Hjalmtýsson hefur verið
skipaður í skilanefnd Sólarlags ehf.
en hann hefur farið fyrir Frumkvöðli
ehf., hluthafa félagsins.