Dagblaðið Vísir - DV - 22.08.2014, Blaðsíða 32

Helgarblað 22.–25. ágúst 201432 Fólk Viðtal
„Ég lít ekki á mig
sem rokkstjörnu“
Ég er bara hjólabrettapönkarastrákur sem er að gera tónlist,“ segir tónlistar-
maðurinn Oddur Hrafn Stefán Björgvinsson, betur þekktur sem Krummi
í Mínus. Þrátt fyrir að vera einn frægasti rokkari landsins lítur Krummi ekki á sig
sem rokkstjörnu og er lítið fyrir sviðsljós fjölmiðla. Hann var fljótur að hrista af
sér rokkstjörnustælana sem fylgdu velgengni Mínuss og segir daga djammsins
liðna. Blaðamaður hitti Krumma og ræddi við hann um æskuna, frægðarárin í
Mínus og þau mörgu verkefni sem fram undan eru.
É
g þoli ekki að vera í fjölmiðl-
um,“ eru fyrstu orð Krumma
þegar hann sest niður með
blaðamanni á rokkbarnum
Dillon á Laugavegi.
„Ég er einmitt búinn að vera í fjöl-
miðlabanni í nokkurn tíma núna af
því að ég hef engan áhuga á því að
vera í fjölmiðlum. Mér finnst ekkert
gaman að vera í blöðunum eða að
vera eitthvað þekktur,“ segir hann.
Krummi hefur þó fengið væn-
an skammt af fjölmiðlaumfjöllun
í gegnum tíðina, en líkt og alþjóð
veit er hann sonur einnar skær-
ustu poppstjörnu Íslandssögunnar,
Björgvins Halldórssonar, auk þess að
vera einn frægasti rokkari landsins.
„Faðir minn hefur náttúrlega ver-
ið mikið í fjölmiðlum og er frægur
á Íslandi. Og sem barn varð mað-
ur stundum fyrir barðinu á því,
samt ekkert endilega á neikvæðan
hátt. Mig langar bara ekki til þess að
vera í andliti fólks að tala um sjálf-
an mig. Það er allt í lagi að gera það
stundum, þegar maður er að kynna
plötuna sína eða listaverk sem mað-
ur er að fara í gang með, en að öðru
leyti hef ég ekki áhuga á því.“
Var erfiður krakki
Krummi bjó lengst af í Hafnarfirðin-
um og á Seltjarnarnesi sem barn.
Hann átti góða æsku og segir fjöl-
skylduna afar nána.
„Ég var heppinn með vini og fjöl-
skyldu og ég fann mér alltaf eitt-
hvað skemmtilegt að gera. Ég var til
dæmis mikið á hjólabretti og naut
lífsins og frelsisins,“ segir hann.
„Ég var mjög erfiður krakki,
var nettur villingur. Ég hafði gam-
an af því að vera á móti öllu og var
með mikinn mótþróa. Mér fannst
ég alltaf vera miklu gáfaðri en all-
ir kennarar og fullorðið fólk. Ég las
mikið og var enginn vitleysingur
þannig að ég notaði það gegn mörg-
um fullorðnum. Ég fékk mikið út úr
því að vera á móti öllu og að vera al-
gjör „rebel“. Ég lifði og hrærðist í því
og þess vegna endaði ég til dæmis
á því að hætta í fótbolta og byrja á
hjólabretti. Ég gaf skít í fótboltann
og gaf skít í vinsæla fólkið í skólan-
um og hékk bara með krökkunum
sem voru svolítið utangarðs. Við
dönsuðum eftir okkar eigin takti.“
Átti eðlilega æsku
„Það var mjög fínt sko, það var ekk-
ert slæmt,“ segir Krummi, spurður
hvernig það hafi verið að alast upp
sem sonur frægrar poppstjörnu.
„Þetta er náttúrlega lítið land og
þegar maður var að byrja í skóla þá
vissu flestir hver faðir manns var.
Krakkarnir voru að syngja lögin eft-
ir hann og gera grín og mér var pínu
strítt en ekki á neinn alvarlegan
hátt samt. Kannski teldist þetta sem
einelti í dag en ég leit aldrei á það
þannig.“
Að öðru leyti átti Krummi mjög
eðlilega æsku.
„Mamma og pabbi ólu okkur
Svölu upp sem venjuleg börn og við
lifðum mjög eðlilegu lífi. Nema nátt-
úrlega það að maður átti föður sem
var mikið í burtu um helgar og það
var mikið af listamönnum í kringum
hann, sem var mjög gaman.“
Einstaklega náin systkin
Krummi á eina systur, Svölu, en hún
hefur, sem kunnugt er, einnig verið
að gera það gott í tónlist sem söng-
kona hljómsveitarinnar Steed Lord.
Samband systkinanna er einstak-
lega náið.
„Við erum mjög náin og höfum
alltaf verið það,“ segir Krummi.
„Við höfum alltaf verið bestu vin-
ir, alltaf verið eins og tvíburar. Auð-
vitað kom tímabil þar sem ég var
argasti unglingur og hún líka og það
voru kannski einhver rifrildi og svo-
leiðis, eins og gerist á milli systkina,
en annars höfum við alltaf átt rosa-
lega ástríkt systkinasamband. Við
höfum alltaf stutt hvort annað í öllu
sem við gerum og við höldum miklu
sambandi. Hún býr í Los Angeles
þannig að ég sakna hennar mikið en
Internetið og Skype auðvelda manni
lífið mikið. Ég elska hana út af lífinu
og við erum rosalega náin. Og ég er
rosalega þakklátur fyrir það.“
Krummi og Svala eiga einnig
Hörn Heiðarsdóttir
horn@dv.is
„Annars er
ég rosalega
upptekinn af sjálf-
um mér, ég verð að
viðurkenna það