Dagblaðið Vísir - DV - 22.08.2014, Blaðsíða 16

Helgarblað 22.–25. ágúst 201416 Fréttir
Lokun umferðar við
Leifsstöð vofir yfir
n Mikill hiti í leigubílstjórum n „Þetta verður skyndiaðgerð“
M
ikill hiti er í fjölmörgum
leigubílstjórum vegna
ólöglegra ferðaflutn­
inga sem þeir telja ýmis
ferðaþjónustufyrirtæki
stunda. Samkvæmt leigubílstjórum
sem DV hefur rætt við er nú talað
um fátt annað innan þeirra raða
en að grípa þurfi til aðgerða. Leigu­
bílstjórar halda því fram að akstur
ferðaþjónustufyrirtækja á farþeg­
um í bílum sem rúma færri en níu
manns brjóti í bága við einkaleyfi
þeirra á akstri í atvinnuskyni.
„Munum við því grípa til ýmissa
ótímasettra aðgerða, sem tilkynnt­
ar verða með skömmum fyrirvara
hverju sinni, ef við sjáum enn ekkert
að gert af hálfu lögskipaðra eftirlits­
aðila til að stöðva ólöglega atvinnu­
starfsemi í akstri með ferðamenn“,
segir í tilkynningu um aðgerð­
ir sem bifreiðarstjórafélagið Fylk­
ir á Suðurnesjum birti lögreglunni
á Suðurnesjum og Samgöngustofu
síðastliðinn maí. Á dögunum sagði
Gunnar Geir Gunnarsson, fram­
kvæmdastjóri umferðarsviðs Sam­
göngustofu, í viðtali við DV að
meint ólögleg atvinnustarfsemi
væri „álitamál“ og „á gráu svæði“.
Af samtölum við leigubílstjóra að
dæma hafa þessi orð valdið umtals­
verðu fjaðrafoki innan stéttarinn­
ar og því meiri líkur en minni á að­
gerðum að þeirra sögn.
Stefnir í aðgerðir
„Það stefnir bara í þetta. Sérstak­
lega eftir svörin sem hann Gunn­
ar Geir gaf. Þegar maðurinn held­
ur því fram opinberlega að það sé
einhver spurning um hvort að við
höfum einir rétt á akstri gegn gjaldi
en segir svo í sömu setningu að það
sé þó túlkun laganna í dag. Þetta
er skýrt í lögum og lögbrjótar eru
alltaf að finna leiðir fram hjá þeim.
Það virðist vera ótrúleg lenska í dag
að allt sem er ekki bannað er lög­
legt,“ segir Valur Ármann Gunnars­
son, formaður Fylkis, í samtali við
DV. Hann segir að mótmælaað­
gerðir gætu ýmist falist í því að loka
allri umferð að Leifsstöð eða að
loka inni bíla ferðaþjónustufyrir­
tækja á BSÍ. „Við getum farið í ýms­
ar aðgerðir.“
Loka allri aðkomu
Grétar Ólason leigubílstjóri er einn
þeirra sem hefur mest rætt um
meinta aðför gegn stétt sinni. „Þessi
félög okkar eru steindauð. Það er
mjög mikill hugur í mönnum um
að loka hérna. Þegar þessi grein
kom þá urðu menn mjög reiðir. Það
hafa komið tvær hugmyndir; annars
vegar að loka aðgangi að BSÍ frá þrjú
um nótt og eitthvað fram eftir. Mín
hugmynd hefur verið sú að taka
einn eða tvo klukkutíma þar sem við
lokum allri aðkomu við síðasta hr­
ingtorgið við flugstöðina. Ég er svo­
lítið róttækur, ég vil fara strax í að­
gerðir,“ segir Grétar í samtali við DV
og leggur hann þunga áherslu á að
tími samræðna sé lokið og nú þurfi
að grípa til aðgerða.
Bíða eftir Samgöngustofu
„Ég er búinn að heyra þetta lengi en
ég veit ekkert hvað er satt í þessu.
Þetta er ekki búið að vera inni á borði
hjá okkur,“ segir Ástgeir Þorsteins­
son, formaður Frama, félags leigu­
bílstjóra, í samtali við DV. Hann seg­
ist vera á báðum áttum með hvort
slíkar aðgerðir væru heppilegar.
„Svona hlutir þurfa að fara löglega
fram. Þetta má ekki bitna á þeim
sem ekkert koma að þessu máli.
Þetta er mjög viðkvæmt mál,“ seg­
ir hann. Að hans sögn stendur nú
félagið í kærumeðferð vegna fram­
göngu ferðaþjónustufyrirtækja. „Við
erum í sambandi við Samgöngu­
stofu og bíðum eftir að þeir fari af
fullum krafti í þetta mál. Við höfum
komið með fullt af ábendingum en
það er þeirra að vinna úr því.“
Ástgeir segir ljóst að verið sé að
brjóta á rétti leigubílstjóra og telur
það tímaspursmál hvenær Sam­
göngustofa stöðvi akstur ferða­
þjónustufyrirtækja. „Mín persónu­
lega skoðun er sú að það liggur alveg
ljóst fyrir að við erum í öllum rétti og
það er verið að brjóta á okkur. Þrátt
fyrir það var maður í viðtali hjá ykk­
ur sem heitir Gunnar Geir Gunnars­
son og hann fór heilan hring í kring­
um þetta og talaði um grá svæði.
Hann hefur ekkert fyrir sér.“ n
Hjálmar Friðriksson
hjalmar@dv.is
„Ég er svolítið
róttækur, ég vil
fara strax í aðgerðir
Formaður Fylkis Valur Ármann segir
stefna í aðgerðir leigubílstjóra. Þar nefnir
hann helst að loka allri umferð að Leifsstöð.
Formaður Frama Ástgeir Þorsteinsson
segist hafa trú á því að Samgöngustofa
bregðist við áður en kemur til mótmæla.
M
y
n
d
S
k
já
Sk
o
t
a
F
r
u
v
.iS
Leifsstöð Af leigubílstjórum að
dæma gæti komið til þess að öll
umferð til og frá Leifsstöð yrði
stöðvuð með litlum fyrirvara.
M
y
n
d
©
r
ó
B
er
t
r
ey
n
iS
S
o
n
Gestum ekið
á tónleikana
Strætó bs. mun í samstarfi við
Kópavogsbæ sjá um að ferja gesti
á tónleika Justin Timberlake til og
frá Kórnum í Kópavogi þar sem
tónleikarnir fara fram á sunnu­
dag. Í tilkynningu, sem Strætó
sendi frá sér, kemur fram að
miðarnir á tónleikana gildi sem
aðgangseyrir í alla vagna Strætós
bs. þennan dag frá klukkan 14.00.
Aksturinn hefst
klukkan 16
frá Mjódd,
Smáralind
og Ögur­
hvarfi í
Kórinn og
að lokn­
um tónleik­
um mun Strætó
sjá um að aka gestum til baka.
Tónleikagestir eru beðnir um að
leggja á fyrrgreindum stöðum og
taka strætó á tónleikana.
Vagnar á leið 2 og 28
munu aka sínar hefðbundnu
akstursleiðir og verður hleypt í
gegnum mannaðar lokanir. Búast
má við einhverjum töfum þegar
nær dregur tónleikatímanum og
eftir þá, annað á ekki að trufla
akstur hefðbundinna leiða, að
sögn Strætós.
Loðna í hálfa öld
Ráðstefna við Háskólann á Akureyri um nýtingu loðnu við Ísland
F
östudaginn 5. september verð­
ur haldin ráðstefna í Háskól­
anum á Akureyri um nýtingu
loðnu á Íslandi en í ár er hálf
öld frá því að Íslendingar hófu hag­
nýtingu hennar. Á ráðstefnunni halda
14 sérfræðingar fyrirlestra en mark­
mið ráðstefnunnar er samkvæmt frétt
á vefsíðu skólans að „ná heildstæðu
yfir liti um nýtingu á loðnu og sýna
hvað hefur áunnist á fimmtíu árum“.
Farið verður yfir stöðu loðnu­
stofnsins, þróun iðnaðar, helstu af­
urðir og markaði, efnahagslegt mik­
ilvægi loðnu og möguleg sóknarfæri.
Sérstök áhersla verður lögð á tækni­
þróun í veiðum og vinnslu, bætta
meðferð afla og aukna umhverfisvit­
und en sérfræðingar frá Háskólanum,
Hafrannsóknastofnun, Matís og Hav­
stovan flytja erindi auk sérfræðinga
frá Síldarvinnslunni, Skaganum, Laxá
og Margildi. Þá mun Bjarni Bjarna­
son, skipstjóri og fyrrverandi út­
gerðarmaður, flytja erindi um þróun
skipa og veiðarfæra.
Í tilkynningu HA segir einnig að
„nýting loðnustofnsins þessi fimm­
tíu ár ætti að gefa fiskveiðistjórn Ís­
lendinga góð meðmæli þar sem
stofninn er enn sjálfbær þrátt fyrir að
búið sé að veiða 32 milljónir tonna á
þessu tímabili“.
Fram hefur komið í fréttum
undanfarið að útlit sé fyrir að ekki
verði leitað að loðnu í haust vegna
fjárskorts. Útgerðarmenn hafa lýst yfir
áhyggjum af þessu en mörgum þykir
skjóta skökku við að sparaðar séu fá­
einar milljónir við að leita að auðlind
sem skilar þjóðarbúinu jafn miklum
verðmætum og raun ber vitni.
Kolbeinn Árnason, fram­
kvæmdastjóri LÍU, velti upp þeirri
spurningu nýverið í aðsendri grein í
Markaðinum hvort útgerðin ætti að
taka yfir rannsóknir á Íslandsmiðum.
„Til að varpa ljósi á hagsmuni máls­
ins má ætla að útflutningsverðmæti
200 þúsund tonna af loðnu sé ekki
undir 12 milljörðum króna í gjald­
eyristekjum. Til hliðsjónar má ætla að
loðnuleiðangur Hafró kosti um 60–70
milljónir króna," segir Kolbeinn.
Ráðstefnugjald er 7.000 krónur
en Hörður Sævaldsson, aðjúnkt við
HA og sérfræðingur við Sjávarútvegs­
miðstöðina, heldur utan um skipulag
hennar. Hann fer einnig með erindi á
ráðstefnunni. n asgeir@dv.is
kolbeinn árnason, framkvæmdastjóri LÍu
Föstudaginn 5. september fer fram ráðstefna um nýt-
ingu loðnu við Háskólann á Akureyri. Kolbeinn benti
nýverið á að útflutningsverðmæti 200 þúsund
tonna af loðnu sé um 12 milljarðar króna í gjald-
eyristekjum en loðnuleiðangur Hafró sem hefur
verið blásinn af kosti um 60–70 milljónir króna.
Mótmælir
auknum
álögum
Alþýðusamband Íslands gagn­
rýnir hækkanir á gjaldskrá
Sjúkratrygginga Íslands fyrir
rannsóknir og sérfræðilæknis­
þjónustu sem tóku gildi hinn 7.
júlí síðastliðinn.
„Hækkunin kemur í kjölfar
mikilla hækkana á heilbrigð­
isþjónustu í upphafi þessa árs.
Alþýðusambandið gagnrýn­
ir hækkanirnar harðlega en þær
eru langt umfram almennar
verðlagshækkanir og þau fyrir­
heit sem stjórnvöld gáfu um að­
hald í verðlagsmálum í upphafi
árs. Vaxandi greiðsluþátttaka í
heilbrigðiskerfinu leggst þungt á
sjúklinga og tekjulága hópa sem
hætta er á að hindri aðgengi að
þjónustunni og auki misskipt­
ingu. Þetta er verulegt áhyggju­
efni,“ segir í tilkynningu sem ASÍ
sendi frá sér.
Bent er á að komugjöld til sér­
fræðinga hafi hækkað um tæp­
lega 4 prósent samkvæmt vísitölu
neysluverðs og hefur sérfræði­
læknisþjónusta þá hækkað um
ríflega 23 prósent frá því um ára­
mót.
Þá hækkuðu gjöld vegna
rannsókna, röntgengreiningar
og beinþéttnimælinga um 9–12
prósent nú í júlí og hafa þá hækk­
að um 20–25 prósent frá því um
áramót.