Dagblaðið Vísir - DV - 04.07.2014, Blaðsíða 40

Helgarblað 4.–7. júlí 201440 Skrýtið Sakamál
H
inn 10. desember 1994
hittist hópur viðskipta-
jöfra til að gera sér glað-
an dag í árlegri jólateiti
á Athenaeum-hótelinu í
Detroit í Bandaríkjunum. Þeirra á
meðal voru Lowell Amos, fyrrver-
andi framkvæmdastjóri hjá General
Motors, og eiginkona hans, Roberta.
Segir ekki frekar af samkom-
unni, en Amos-hjónin fóru upp í
svítu sína um hálf fimm leytið um
morguninn.
Fjórum klukkustundum síðar hr-
ingdi Lowell í Bert Crabtree, sem
einnig hafði verið í teitinni, og var
mikið niðri fyrir – hvort hann gæti
skotist upp í svítuna?
Hreinsað til
Bert mætti á staðinn ásamt öðr-
um hótelgesti, Daniel Porcasi, og
Lowell sagði þeim vafningalaust að
Roberta væri dáin vegna óhapps.
Lowell sagðist vilja hreinsa til áður
en lögreglan kæmi og bað Daniel
að taka sportjakka hans til handar-
gagns, sem Daniel gerði.
Þegar Daniel ók heim á leið síð-
ar þann morgun kíkti hann í vasa
jakkans og sá lítinn leðurpung sem
í voru sprauta, án nálar, og illa lykt-
andi klútur.
Síðar nálgaðist Lowell jakkann
aftur og umræddur leðurpungur og
innihald hans hvarf.
Allt um það. Þegar lögreglan
kom upp í svítu Lowells sagði hann
að þau hjónin hefðu stundað kyn-
líf af miklum móð og neytt kóka-
íns og kona hans hefði haldið áfram
neyslunni eftir að hann fór að sofa.
Lowell sagði enn fremur að Roberta
hefði, vegna ennisholuvandamála,
ekki getað tekið kókaín í nös og því
orðið að fá það beint í æð.
Þegar Lowell vaknaði var Ro-
berta, að hans sögn, liðið lík.
Kókaín hér – kókaín þar
Lögregla fann kókaín í sængur-
fötunum, jafnvel þeim hluta sem
dýnan huldi. Í líkama Robertu
fannst fimmtánfalt magn kóka-
íns sem dygði til að draga mann til
dauða. Þar sem líkskoðun leiddi í
ljós að ekkert kókaín var að finna
á líkama Robertu, en þó inni í kyn-
færum hennar, grunaði lögreglu að
Lowell hefði þvegið lík hennar áður
en hann hafði samband við lög-
regluna.
Lík Robertu var nánast tandur-
hreint: enginn andlitsfarði eða vara-
litur. Þó var að sjá hvort tveggja á
koddanum sem höfuð hennar hvíldi á.
Fortíðin guðar á gluggann
En ekki voru til staðar nægar vís-
bendingar til að leggja fram kæru á
hendur Lowell og þess í stað ákvað
lögreglan að gefa honum gætur og
kíkja aðeins á bakgrunn hans.
Tveimur dögum eftir dauða Ro-
bertu eyddi Lowell yfir 1.000 dölum
í mat, drykki og kynlíf með tveimur
ónefndum dömum. En dauði Ro-
bertu hafði vakið athygli fjölmiðla
og í kjölfarið gáfu nokkrar konur sig
fram og sögðu sínar farir ekki slétt-
ar í samskiptum við Lowell. Sumar
sögðust telja að Lowell hefði byrl-
að þeim ólyfjan áður en til kynmaka
kom.
Einnig komst lögreglan að því
að ekki gekk allt upp hvað varð-
aði dauða fyrstu eiginkonu Lowells,
Saundru, sem hafði látist 36 ára að
aldri árið 1976.
Móðirin skilur við
Á sínum tíma útskýrði Lowell dauðs-
fall Saundru með þeim hætti að hún
hefði blandað saman deyfilyfjum
og áfengi, hrasað og rekið höfuðið í.
Ekki var hægt að bera brigður á frá-
sögn Lowells og fékk hann greidda út
líftryggingu hennar, 350.000 dali.
Lowell kvæntist að nýju, en sú
kona, Caroline, fleygði honum á dyr
eftir að hann neitaði að breyta skil-
málum svimandi hárrar líftryggingar
sem hann hafði keypt fyrir hana.
Lowell flutti inn til aldraðrar móð-
ur sinnar, sem andaðist skömmu
síðar og fékk Lowell greidda líf-
tryggingu; eina milljón dala.
Eiginkona númer tvö deyr
Lowell tókst síðar að tala sig inn á
Caroline á ný og níu mánuðum síðar
fór hún yfir móðuna miklu, hafði að
sögn Lowells fengið rafstuð þegar hún
var í baði. Sjóðir Lowells gildnuðu um
800.000 dali við dauða hennar.
Að lokum fór þó svo að lögregla
handtók Lowell. Tveimur árum áður
hafði lögum í Michigan verið breytt
þannig að heimilt var að vekja máls á
eldri atvikum við réttarhöld og voru
dauðsföll fyrri eiginkvenna og móð-
ur Lowells vatn á myllu ákæruvalds-
ins.
Reyndar taldi saksóknari ljóst að
Roberta hefði ekki verið myrt í auðg-
unarskyni heldur fyrir þá sök að hún
hugðist yfirgefa Lowell, sem var eitt-
hvað sem honum leist ekki á.
Lowell var fundinn sekur og var
hann dæmdur í lífstíðarfangelsi 4.
nóvember 1996. n
Tryggður dauði
n Þrjár eiginkonur féllu fyrir hendi Lowell Amos n Í fangelsi til dauðadags
„Í líkama
Robertu
fannst fimmtánfalt
magn kókaíns sem
dygði til að draga
mann til dauðaVettvangur glæps Hinn 10. desember 1994
hittist hópur viðskiptajöfra til að gera sér glaðan
dag í jólateiti á Athenaeum-hótelinu í Detroit.
Dæmdur Lowell
var fundinn sekur og
var hann dæmdur í
lífstíðarfangelsi 4.
nóvember 1996.
Fékk gras
með matnum
Kona í Maryland í Bandaríkjun-
um fékk heldur meira en hún
borgaði fyrir þegar hún keypti sér
mat á skyndibitakeðjunni Sonic á
dögunum.
Konan, Carla McFarland,
pantaði sér klassískan skyndibita,
hamborgara og franskar, en með
í kaupunum fylgdi poki sem inni-
hélt lítilræði af marijúana. Carla
kannaðist ekki við að hafa pant-
að sér gras sem meðlæti og hafði
samband við yfirmann skyndi-
bitastaðarins.
Í ljós kom að pokinn hafði
verið í eigu starfsmanns og hafði
hann dottið úr brjóstvasa hans og
ofan í pokann sem innihélt mat-
inn. Starfsmanninum hefur nú
verið vikið frá störfum.
Dæmdur
til dauða
Tuttugu og fjögurra ára Banda-
ríkjamaður, Brandon Bradley, var
dæmdur til dauða í síðustu viku
fyrir morð á lögregluþjóni árið
2012. Það var dómstóll í Flórída
sem kvað dóminn upp. Forsaga
málsins er sú að lögregluþjónn,
hin þrítuga Barbara Pill, stöðv-
aði akstur Bradleys og kærustu
hans 6. mars 2012 vegna gruns
um að þau væru viðriðin þjófn-
að sem hafði verið framinn á
móteli í nágrenninu. Pill reyndi
að fá Bradley til að stíga út úr bif-
reiðinni en hann þráaðist við.
Þegar Pill reyndi að kalla eftir
liðsauka dró Bradley upp byssu
og skaut Pill til bana.
Þáverandi kærasta Bradleys,
sem var í bifreiðinni, vitnaði gegn
honum og hlaut fyrir vikið vægari
refsingu, eða tólf ára fangels-
isdóm. Bæði áttu þau langa af-
brotasögu.
„Ég vil biðja fjölskyldu Pill
innilegrar afsökunar á gjörð-
um mínum,“ sagði Bradley þegar
dómurinn var kveðinn upp.
Geymdi líkið
í frystinum
Karlmaður í Pennsylvaníu
í Bandaríkjunum, William
Carrasquillo, liggur undir grun
um að hafa komið líki aldraðr-
ar móður sinnar, Andreu, fyrir í
frystikistunni á heimili þeirra.
Ekki liggur grunur um að neitt
saknæmt hafi átt sér stað varð-
andi andlát hennar. William ligg-
ur þó undir grun um að hafa not-
að bætur, sem móðir hans átti
rétt á, eftir andlát hennar. Talið
er að Andrea, sem var 83 ára, hafi
látist í janúar síðastliðnum.
Í frétt New York Daily News
kemur fram að William hafi sjálf-
ur sagt ættingjum sínum frá and-
látinu á dögunum. Þeir hafi svo
látið lögreglu vita.
Falbauð sig á bókasafni
Bókasafnsgestum í New Hampshire brugðið vegna vændiskonu
K
ona nokkur í New Hampshire-
ríki í norðausturhluta Bandaríkj-
anna var á dögunum handtekin
fyrir harla óvenjulegar sakir. Hún
hafði gerst uppvís að því að falbjóða sig
á bókasafni. Eagle-Tribune greinir frá
þessu. Konan fór þannig að að hún
laumaði að bókaormum miðum þar
sem viðskiptin voru boðin. Lögreglan
í Tewksbury, Massachusetts barst
ábending um athæfið á bókasafninu
og sendi óeinkennisklæddan lögreglu-
mann í vettvangsferð.
Hann kom til baka og bar að varla
hefði liðið mínúta áður en hún fór að
senda honum skilaboð. Þau skiptust
á nokkrum slíkum og ekki leið á löngu
þar til lögreglumanninum barst ósið-
legt tilboð. Konan bauð fram blíðu
sína fyrir um 6.700 krónur. Það var
þá sem lögreglumaðurinn afhjúpaði
sig og handtók konuna vergjörnu.
„Mig hefði ekki grunað að vændi
væri svona áberandi í Tewksbury,“
hefur miðillinn eftir einum gesta
bókasafnsins en í bænum búa liðlega
30 þúsund manns. Gesturinn sagðist
vera uggandi yfir málinu enda væri
hann kennari og vissi að á bókasafnið
kæmu oft börn.
Ótrúlegt en satt þá er þetta ekki
í fyrsta sinn sem vændi er boðið á
þessu tiltekna safni. í fyrra var mað-
ur handtekinn á bókasafninu fyrir að
hengja upp smáauglýsingu þar sem
hann bauðst til að stunda kynlíf með
fólki inni á baðherbergi bókasafns-
ins. „Mig óraði ekki fyrir því að svona
lagað myndi gerast aftur,“ er haft eftir
prestinum Tolayuth Ok, sem er með
böggum hildar vegna málsins. „En
svo bara gerðist það.“ n baldur@dv.is Bókaormar Ekki fylgir sögunni hvort vændiskonunni hafi tekist að afla sér viðskipta.