Dagblaðið Vísir - DV - 04.07.2014, Blaðsíða 2

Helgarblað 4.–7. júlí 20142 Fréttir
V
ið bara eiginlega viljum ekki
blanda því inn í þetta,“ segir
Jóna Heiða Hjálmarsdóttir,
einn þriggja eigenda Aura-
boðs sf., en meðeigandi
hennar er dæmdur fjársvikamaður.
Auraboð er ný uppboðssíða á netinu
þar sem notendur þurfa að greiða fyr-
ir það eitt að bjóða í vörur. Þátttak-
an hefur verið mikil og hafa auglýs-
ingar fyrirtækisins meðal annars birst
á Facebook. Eins og DV greindi frá
fyrr í vikunni hrundi vefsíðan nýlega
á hápunkti uppboðs. Þrír einstak-
lingar eru skráðir fyrir fyrirtækinu
hjá Creditinfo. Þar kemur fram að
Sölvi Rúnar Guðmundsson eigi tutt-
ugu prósent í fyrirtækinu, Jóna Heiða
Hjálmarsdóttir fjörutíu prósent og
Helgi Ragnar Guðmundsson fjörutíu
prósent.
Helgi þessi var dæmdur í fang-
elsi árið 2012 fyrir aðkomu sína að
tugmilljóna svikum út úr Íbúðalána-
sjóði. Fimm karlmenn voru dæmd-
ir fyrir verknaðinn í Héraðsdómi
Reykjaness en Helgi Ragnar fékk
þyngsta dóminn, alls þrjú og hálft ár.
Hann áfrýjaði ekki og bíður nú eft-
ir afplánun. Brot mannanna áttu sér
stað árið 2009 en talið er að það hafi
tengst inngöngu Fáfnis í alþjóðlegu
samtökin Hells Angels. Svikin námu á
fimmta tug milljóna og var ekki búið
að finna peningana þegar dómarn-
ir féllu. „Hann er ekki lengur skráð-
ur fyrir félaginu,“ segir Jóna Heiða,
einn eigenda Auraboðs, spurð um
þátt Helga Ragnars í uppbyggingu
fyrirtækisins. Þegar henni er bent á
að hann sé enn þá skráður sem einn
eigenda segir hún: „Það er verið að
vinna í því að hann skrái sig út úr því.“
Ekki óheppilegt
Aðspurð frekar út í þátt Helga seg-
ir Jóna að hann hafi aðallega verið
fenginn til þess að hjálpa til við stofn-
un fyrirtækisins. „Þannig að það eru
bara ég og Sölvi sem erum með þetta.
Þannig að, já, ég tel þetta vera eig-
inlega algjörlega óviðkomandi síð-
unni. Hann hafði mestu reynsluna í
því að starta svona en hann viðkemur
rekstrinum eiginlega ekki neitt.“
Blaðamaður: „Hann er skráð-
ur sem eigandi og á fjörutíu prósent
í félaginu?“ Jóna: „Já, það er verið að
breyta því.“ Blaðamaður: „Hvenær
búist þið við því að því verði breytt?“
Jóna: „Það verður bara núna á næstu
dögum.“ Blaðamaður: „Og ætlar hann
að selja sinn hlut?“ Jóna: „Já, eða ég
tek yfir hans hlut. Þetta var bara á
meðan við vorum að byrja og koma
öllu heim og saman af því að það er
svona þar sem að reynslan hans ligg-
ur. Og þrátt fyrir það að margir hafi
verið dæmdir fyrir gömul brot og að
fólk geri mistök þá lærir fólk samt sem
áður af reynslunni og maður verður
að læra að nýta það góða í fólki líka.“
Blaðamaður: „Þannig að þér finnst
ekki óheppilegt í sjálfu sér að mað-
ur með þennan bakgrunn sé svona
tengdur þessu félagi?“ Jóna: „Ég veit
ekki hversu óheppilegt það ætti að
vera. Við erum með marga menn í
ýmsum stjórnunarstöðum sem hafa
verið dæmdir hér og þar fyrir gömul
brot. Ekki hefur það átt að koma nið-
ur á þeim félögum eða þeim stofnun-
um.“
Líkt við fjárhættuspil
Uppboðssíður á borð við Aura-
boð hafa verið gagnrýndar talsvert
í Bandaríkjunum og á Bretlandi þar
sem þær eru hvað vinsælastar. Þeim
hefur meðal annars verið líkt við fjár-
hættuspil þar sem notendur eyði oft-
ar en ekki háum fjárhæðum án þess
þó að fá nokkuð í staðinn. Þá hafa
komið upp tilvik þar sem tölvuforrit
eru notuð til þess að bjóða í vörurnar
og hífa þannig verðið upp.
Jóna segist skilja þá sem hafa efa-
semdir um Auraboð. „Já, ég skil það
fullkomlega, það er ekki vandamálið.“
Hún vill hins vegar meina að aðstand-
endur fyrirtækisins hafi þegar sýnt og
sannað að þeir komi hreint til dyr-
anna. „Við höfum endurgreitt þeim
sem hafa beðið um endurgreiðslu
og þeir sem hafa unnið uppboð hafa
fengið vörurnar,“ segir Jóna og heldur
áfram: „Við erum ekki hérna til þess
að svindla á fólki. Ég sjálf vill halda
orðspori mínu hreinu hvað svoleiðis
varðar.“
Blaðamaður: „En geturðu sagt
mér hvað er búið að ganga út á þess-
um uppboðum? Hvernig fór með
bílinn, er hann farinn út?“ Jóna:
„Heyrðu nei, það náðist ekki, og er
kannski svolítið svona byrjendamis-
tök hjá okkur að við vildum náttúr-
lega sjá svona miklu meiri keyrslu til
að byrja með eða rennsli inn á síð-
una, þannig að hann gekk ekki út en
við látum reyna á það aftur. Núna hef-
ur skráning aukist til muna og við ætl-
um að sjá hvernig helgin fer og næsta
vika og þá er aldrei að vita nema við
skellum inn öðrum bíl.“
Margir óánægðir
Viðskiptablaðið fjallaði um Aura-
boð hinn 14. júní en þar kom fram að
um væri að ræða nýtt viðskiptamód-
el á Íslandi þar sem til stæði að bjóða
upp ýmsar vörur, svo sem bifreiðar,
húsgögn og raftæki. Þá kom fram að
hluti hagnaðar af starfseminni myndi
renna til góðgerðarmála án þess þó
að það væri tilgreint frekar.
Uppboðssíðan var opnuð fyrir um
tveimur vikum síðan en eins og DV
hefur greint frá þá hrundi hún nýlega
þegar verið var að bjóða upp iPad.
„Það er verið að flytja síðuna núna á
stærri hýsingaraðila þannig að þetta
á ekki að geta komið fyrir aftur. Þeir
sem hýsa síðuna hafa aldrei séð ann-
að eins,“ sagði Jóna af þessu tilefni.
Hundruð þátttakenda höfðu greitt
fyrir að bjóða í vöruna og margir því
skiljanlega óánægðir þegar vefsíðan
hrundi á síðustu mínútum uppboðs-
ins. Jóna sagði í samtali við DV að all-
ir þátttakendur myndu fá endurgreitt.
„Þeim verður endurgreitt í inneignar-
formi en ef fólk vill ekki nýta sér þjón-
ustuna lengur þá hefur það heimild til
þess að bakfæra.“ Hún sagði aðstand-
endur síðunnar enn þá vera að læra
inn á kerfið og því gætu ófyrirséð at-
vik komið upp. „En við tökum sökina
algjörlega á okkur og hefðum að sjálf-
sögðu átt að vera betur undir þetta
búin.“ n
Fjársvikamaður
einn aF eigendum
Eigandi Auraboðs fékk þriggja og hálfs árs dóm í Íbúðalánasjóðsmáli
Jón Bjarki Magnússon
jonbjarki@dv.is „Það er verið
að vinna í
því að hann skrái
sig út úr því
Bíður eftir afplánun Helgi Ragnar
Guðmundsson var dæmdur í þriggja og hálfs
árs fangelsi árið 2012 fyrir aðkomu sína að
tugmilljóna svikum út úr Íbúðalánasjóði.
Hann bíður nú eftir afplánun.
Glefsaði
í barn
Laugardaginn 28. júní síðast-
liðinn varð það óhapp að fíkni-
efnaleitarhundurinn Buster glefs-
aði í barn sem kom að honum þar
sem hann var bundinn við felli-
hýsi umsjónarmanns síns á tjald-
svæði í Árnessýslu.
Barnið sem um ræðir er fætt
árið 2006 og meiddist á hendi
þannig að húðrispur hlutust af og
úr að minnsta kosti einni þeirra
blæddi. Foreldrar barnsins mátu
málið þannig, eftir að hafa ráð-
fært sig við heilbrigðisstarfs-
menn, að ekki væri tilefni til að
leita með barnið til læknis. Í sam-
tali yfirlögregluþjóns við föður
barnsins að kvöldi sama dags og
aftur í dag kom fram að ekki væri
að sjá annað en að barnið hefði
náð sér að fullu.
Buster bíður þess hins vegar
að fram fari sérstakt skapgerðar-
mat á honum en fram að því verð-
ur hann að sætta sig við að bera
múl eða körfu meðan hann sinnir
skyldustörfum, til öryggis. Buster
mun halda vinnunni um sinn, að
því er segir í tilkynningu frá lög-
reglunni um málið. Honum verð-
ur þó ekki lógað, samkvæmt frétt
sem Vísir birti á fimmtudag.
Kanna upp-
lýsingaöflun
Persónuvernd hefur hafið
frumkvæðisathugun á vinnslu
persónuupplýsinga um stjórn-
málaskoðanir einstaklinga eft-
ir að Dögun óskaði eftir því að
kannað yrði hvort stjórnmála-
flokkar héldu skrár yfir stjórn-
málaskoðanir fólks án samþykkis
þess. Þetta kemur fram á Face-
book-síðu lögmannsstofunn-
ar Vestnord lögmenn. „Stjórn-
málaskoðanir eru viðkvæmar
persónuupplýsingar og ekki má
halda skrár um þær án upplýsts
samþykkis viðkomandi.“ Öllum
stjórnmálasamtökunum hefur
verið sent bréf þar sem óskað er
eftir upplýsingum um hvort, og ef
þá hvaða, upplýsingar séu skráð-
ar hjá þeim.