Dagblaðið Vísir - DV - 29.07.2014, Blaðsíða 11

Vikublað 29.–31. júlí 2014 Fréttir 11
Hættir vegna ráðHerrans
10. janúar DV
upplýsir að Hanna Birna og
starfsmenn innanríkisráðu­
neytisins hafi verið kærð til
lögreglunnar á höfuðborgar­
svæðinu, meðal annars
fyrir ærumeiðingar, brot á
þagnarskyldu og ranglæti
við úrlausn máls. Þórey Vil­
hjálmsdóttir, aðstoðarkona
Hönnu Birnu, heldur því fram
að ráðherra hafi ekki verið
kærður til lögreglu þvert á
orð lögreglu og lögmanns.
17. janúar
Þórey situr
fyrir svörum í
morgunútvarpi
Rásar 2. Þar
segir hún að það
sé „raunverulega
búið að taka fyrir
það að þessi gögn hafi farið, eða
einhver gögn er varða þessa hælis­
leitendur hafi farið úr gögnum
ráðuneytisins.“
27. janúar Fram­
kvæmdastjóri rekstrarfélags
stjórnarráðsins neitar að staðfesta
hvort nokkur innanhússathugun
hafi farið fram. Sama dag fer fram
sérstök umræða um málið á Alþingi
þar sem ráðherra heldur reiðilestur
yfir þingheimi og fullyrðir að ekkert
bendi til þess að trúnaðargögn hafi
verið send aðilum sem ekki eigi
rétt á þeim. Jafnframt segir hún að
skjalið sem fjölmiðlar hafi vitnað til
sé „ekki sambærilegt við nein gögn í
ráðuneytinu“. Síðar átti annað eftir
að koma í ljós.
31. janúar Embætti ríkissak­
sóknara fer fram á frekari upplýsingar frá
innanríkisráðuneytinu vegna Lekamáls­
ins.
7. febrúar Ríkissaksóknari
mælir fyrir um lögreglurannsókn
á innanríkisráðuneytinu og
starfsmönnum þess. Hanna Birna
segist ekki ætla að víkja meðan
rannsóknin fer fram.
13. febrúar Í
umræðum á Alþingi hafna
Hanna Birna og Bjarni
Benediktsson því að ráðu­
neytið sæti sakamála­
rannsókn. Sú reyndist hins
vegar vera raunin.
25. febrúar DV
greinir frá því að aðeins
örfáir starfsmenn innan­
ríkisráðuneytisins hafi haft
skjalið um hælisleitendurna
undir höndum þegar því var
lekið. Jafnframt er greint frá
því að setningu hafi verið
skeytt aftan við skjalið.
6. maí Hart er sótt að Hönnu
Birnu á Alþingi en hún segir málið
vera ljótan pólitískan leik. „Ég hef
aldrei logið að þingheimi,“ segir
ráðherrann.
18. júní Upplýsingar úr
öðrum dómsúrskurði varpa enn
frekara ljósi á málið. Fjallað er
um „starfsmann B“ en ráðu­
neytið gagnrýnir málatilbúnað
lögreglu á vef sínum.
20. júní DV grein­
ir frá því að báðir að­
stoðarmenn ráðherra
séu með réttarstöðu
grunaðs manns.
25. júní
Fjölmiðlar greina
frá því að Stefán
Eiríksson hafi
sótt um stöðu
forstjóra Sam­
göngustofu.
2. maí Úrskurðir
Hæstaréttar og
héraðsdóms birtast
á vef dómstólanna
og staðfesta
að ráðherra og
aðstoðarmenn
fullyrtu gegn betri
vitund að engum
trúnaðargögnum
um hælisleitandann
Tony Omos hefði
verið lekið úr innan­
ríkisráðuneytinu.
Lögreglan telur
einsýnt að skjalið
hafi borist þaðan.
11. janúar
Reykjavík
Vikublað
greinir frá því á
forsíðu sinni að
ríkissaksóknari
hafi óskað eftir
upplýsingum úr
innanríkisráðu­
neytinu vegna
leka minnisblaðs
úr ráðuneytinu.
2014
S
amskipti Hönnu Birnu við Stefán Eiríksson eru
ekki eina dæmi þess að ráðherra reyni að hafa
áhrif á framgang Lekamálsins. Þegar dómsúr-
skurðir Hæstaréttar og héraðsdóms vörpuðu
nýju ljósi á málið þann 18. júní birti innanríkisráðu-
neytið tilkynningu á vef sínum þar sem gert var lítið
úr málatilbúnaði saksóknara lögreglunnar með því
að vísa til þess að „ýmsir starfsmenn ráðuneytisins“
ættu „mörg samtöl við fjölmiðla á hverjum einasta
degi.“ Yfirlýsingin var afar óvenjuleg en þar var fullyrt
að hælisleitandinn sem kært hafði trúnaðarbrotið til
ríkissaksóknara, Evelyn Glory Joseph, væri eftirlýstur.
Ráðuneytið þurfti að leiðrétta þetta eftir að lögreglan
staðfesti að ummælin stæðust ekki skoðun.
Önnur furðuleg atburðarás fór af stað eftir að
Hanna Birna bendlaði Rauða krossinn við lekann í
fyrra. Starfsmaður samtakanna benti á það í viðtali
við DV að ásakanirnar gætu ekki staðist, en eftir að
Hanna Birna hafði heimsótt samtökin sendu þau út
sérstaka afsökunarbeiðni til ráðherra. Einn starfs-
maður Rauða krossins sem DV ræddi við fullyrti að
hræðsla hefði gripið um sig þegar ráðherrann leit
við, en á þessum tíma var verið að semja um fjár-
veitingar ráðuneytisins til Rauða krossins.
Hanna Birna reyndi ítrekað að stöðva umfjöll-
un DV um málið. Hún hringdi í ritstjóra blaðsins og
bað um að fréttir yrðu fjarlægðir. Þá hefur verið greint
frá því hvernig ráðherrann skammaði þingkonuna
Birgittu Jónsdóttur fyrir að spyrja um Lekamálið á Al-
þingi og reyndi að koma í veg fyrir að Katrín Jakobs-
dóttir, formaður Vinstri grænna, gerði slíkt hið sama.
DV hefur einnig fjallað ítarlega um framferði
ráðherrans gagnvart undirmönnum sínum í ráðu-
neytinu en upplýst hefur verið að ráðuneytisstarfs-
menn kröfðust þess fljótlega eftir að málið kom upp
að fram færi óháð rannsókn utanaðkomandi aðila á
lekanum. Hanna Birna hafnaði beiðni þeirra. Fyrr í
sumar greindi svo DV frá því að spurt hefði verið um
Lekamálið á starfsmannafundi í ráðuneytinu. Ráð-
herra hefði brugðist ókvæða við, kallað eftir sam-
stöðu og sakað starfsmenn um að vera „með fýlu-
svip“.
Beitti sér gegn umræðu
Skammaðist í þinginu og undirmönnum
Framhald á næstu síðu 
Ábyrgð Alþingis
Þ
eir þingmenn Sjálfstæðis-
flokksins og Framsóknar-
flokksins sem DV hefur rætt
við undanfarnar vikur hafa
kallað eftir því að beðið sé eftir niður-
stöðu rannsóknarinnar á Lekamál-
inu. Fram að þessu hafa þeir treyst
Hönnu Birnu til að skipta sér ekki af
framgangi lögreglurannsóknarinn-
ar. Sem kunnugt er heyrir lögreglan
undir innanríkisráðuneytið þótt hún
eigi að njóta sjálfstæðis í störfum sín-
um.
„Eigum við ekki að bíða niður-
stöðu í þessu máli?“ sagði Birgir Ár-
mannsson þegar DV ræddi við hann
í síðustu viku. Fleiri hafa tekið í sama
streng, svo sem Pétur Blöndal, Vil-
hjálmur Árnason og Elín Hirst.
Sömu viðhorfum var lýst í viðtöl-
um sem Reykjavík Vikublað tók við
fjölda þingmanna fyrr í mánuðinum.
Einnig hafa þingmenn Framsóknar-
flokksins andmælt hugmyndum
um að Hanna Birna stígi til hliðar
meðan rannsóknin fer fram. Sigrún
Magnúsdóttir, þingflokksformað-
ur Framsóknarflokksins, reiddist
blaðamanni þegar hún var innt eftir
afstöðu sinni. „Mér finnst hafa ver-
ið farið algjöru offari í þessu máli
af stjórnarandstöðu,“ sagði hún og
bætti við: „Ég stend heilshugar með
dómsmálaráðherra og búið bless.“
Fyrr í vetur hugðust þingmenn úr
stjórnarandstöðu leggja fram van-
trauststillögu gegn Hönnu Birnu.
Þeir hættu hins vegar við og ákváðu
að bíða þar til rannsókn lyki. Ef til
vill hafa þeir treyst því að ráðherrann
gæfi lögreglunni vinnufrið. Annað
kom á daginn líkt og brotthvarf Stef-
áns Eiríkssonar ber glöggt vitni.
Þingmenn vildu bíða eftir niðurstöðu rannsóknar