Dagblaðið Vísir - DV - 29.07.2014, Blaðsíða 32

32 Menning Vikublað 29.–31. júlí 2014
Hræddasta fólkið
dæmir harðast
n Myndband Snorra vekur misjöfn viðbrögð n „Ég hata engan þó ég hafi andúð á yfirgangi og hatri“
S
norri er með vinnustofu
rétt ofan við gömlu höfn-
ina í Reykjavík. Hann hitar
rótsterkt kaffi á lítilli hellu
handa blaðamanni og ljós-
myndara sem líta við. Í vinnustof-
unni er fremur ævintýralegt um að
litast. Á sófa liggur stór ísbjarnar-
gæra með uppstoppaðan haus.
Málverk af ballerínu grípur augað
og annað af kúrekastígvéli.
Hættur á listamannalaunum
Þó nokkur stærri verk eru til sýn-
is. Málverk Snorra eru vinsæl um
þessar mundir. Viðskiptavinir
hans heimsækja hann oft hingað í
vinnustofuna og kaupa af honum
verk. Stundum heldur hann mark-
vissar sölusýningar á vinnustof-
unni. Þrátt fyrir að selja mikið er
listin streð. „Ég vil ekki vera á lista-
mannalaunum þótt ég styðji þau
sem slík. Þau henta mér ekki. Mér
finnst ég vinna öðru vísi án þeirra.
Ég hef einhverja þörf fyrir að vinna
fyrir mér með listinni þótt það sé
afar erfitt stundum,“ segir hann
meðan hann hellir bleksvörtu kaffi
í bolla.
Fann tilganginn á botninum
Snorri er helst þekktur fyrir gjörn-
inga sína og telst ólíkindatól í
heimi myndlistar. Mörg verka hans
fjalla um tengsl trúar og stjórn-
mála. Hann er sjálfmenntaður og
tók ákvörðun um að sinna list-
um eftir að hafa fundið botninn
í neyslu. „Listin hefur alltaf ver-
ið hluti af lífi mínu og þankagangi
þótt ég hafi verið blindur sem ung-
ur maður í neyslu. Ég var fang-
elsaður fyrir minni háttar afbrot
og var orðinn alræmdur á Akur-
eyri fyrir vandræðagang. Þegar ég
komst loks á botninn þá sá ég allt
líf mitt mjög skýrt og tók yfirvegaða
ákvörðun um líf mitt. Ég ákvað að
verða listamaður og hef fylgt þeirri
ákvörðun síðan. Nú eru liðin um 20
ár frá því ég tók þessa ákvörðun og
ég hef staðið við hana öll þessi ár
og menntað mig hægt og bítandi í
listinni.“
Andóf í þágu friðar og ástar
List Snorra hefur oft verið í formi
andófs. Sumum hefur fundist
gjörningar hans einkennast af háði.
Hann er enda orðin þjóðkunn-
ur fyrir ýmsa pólitíska gjörninga
svo sem forsetaframboð og stofn-
un stjórnmálahreyfingar. „And-
óf í þágu friðar eða ástar,“ útskýrir
hann. „Ég er líka upptekinn af með-
virkni sem hamlar okkur í átt til
betra og mannúðlegra samfélags.“
Nýjasta sköpunarverk hans hef-
ur vakið mikla athygli og umtal.
Tónlistar myndband þar sem hann
syngur dansútgáfu af ísraelska
þjóðsöngnum, Hatikva, á hebresku
í gervi Dönu International sem
vann Eurovision-keppnina 1998
fyrir hönd Ísraels.
Þegar blaðamaður heimsækir
Snorra er hann að pakka niður
fyrir frumsýningu myndbandsins
í Austur ríki. Hann veit að mynd-
bandið á eftir að valda fjaðrafoki
af ýmsum ástæðum. „Ég þarf samt
örugglega ekki lífverði,“ segir hann
og rifjar upp fyrri viðbrögð við um-
deildum verkum. „Annars veit fólk
oft ekki hvernig það á að bregðast
við. Það verður oft fremur undr-
andi en reitt og hneykslað. Ef mér
tekst að vekja furðu og forvitni, þá
er ég sáttur.“
Fórnarlamb orðið að geranda
Hann hefur fylgst með ástandinu í
Palestínu síðan hann var á barns-
aldri og reglulega hefur hann
fundið tilfinningum sínum og
skoðunum útrás í listsköpun
sinni. Eftirminnileg var sýningin
Guðs útvalda þjóð sem hann setti
upp í Kling og Bang árið 2006. Þá
höfðu Ísraelar nýverið gert innrás
í Líbanon.
„Ég var barn sem hafði áhuga
á heimsstyrjöldum og mannlegu
eðli. Ég hafði reyndar áhuga á
mörgu öðru enda af-
skaplega virkt barn en
ég hugsaði stundum
með mér að Ísraelar
gætu verið líklegir
til að hefja þriðju
heimsstyrjöldina.
Ég hugsa að hug-
boð mitt hafi reynst
rétt. Þetta er ekk-
ert annað en helför
í Palestínu þar sem
fórnarlamb er orðið
að geranda. Það er
einkennileg þöggun
sem ríkir í kring-
um ástandið vegna
þessarar hringrásar
og ég vill rjúfa hana.
Árásir Ísraels
á Palestínuaraba
þjóna engu öðru en
valdagræðgi. Sam-
einuðu þjóðirnar
eru lamaðar vegna
íhlutunar Banda-
ríkjanna. Íslensk valdastétt hefur
fylgt bandarískri valdastétt lengi
vel en nú finnst mér breytinga vart.
Almenningur er ekki lengur háður
upplýsingum úr einni átt. Hann fær
upplýsingar um stríð úr öllum átt-
um og mótstaðan við stríð er mikil.“
Heimurinn lamaður af
meðvirkni
Er þetta sum sé pólitískt verk?
„Það er óhjákvæmilegt að það
sé pólitískt. Lífið er það og við með.
Það lifir hins vegar sjálfstæðu lífi og
er hugleiðing um ástandið frem-
ur en yfirlýsing. Það er alltaf póli-
tískt að rjúfa bannhelgi. Ég vil vekja
fólk til umhugsunar um framferði
Ísraela í skjóli trúarbragða og sekt-
arkenndar.
Nasistar drápu milljónir
gyðinga í helförinni. Í dag stýra
síonistar eigin helför gegn Palest-
ínumönnum og heimurinn fylgist
með lamaður af meðvirkni.
Þeir nota sektarkenndina sem
skjól.“
Fólk speglar eigin fordóma
Lagið sem heitir Hatikva er eins og
áður sagði ísraelski þjóðsöngurinn
og um upptöku sá Marteinn Thors-
son. Tónlistina útsetti Árni Grét-
ar sem líka er þekktur sem Future-
grapher. Útfærslan hefur vakið
mikil viðbrögð. Í myndbandinu
leikur þroskaskert fólk gyðinga og
eins og áður sagði leikur Snorri
dragdrottningu.
Nú hefur Snorri frumsýnt
myndbandið og fengið við því við-
brögð. Blaðamaður heyrir aftur í
honum nú nokkrum vikum seinna
þar sem hann er staddur í Schöpp-
ingen í Þýskalandi.
„Fólk er annað hvort mjög hrifið
eða finnst verkið óþægilegt og ögr-
andi. Já og sumum finnst það and-
semitískt en fólk speglar eigin for-
dóma í verkinu,“ segir hann frá og
segir verkið geta verið óþægilegan
spegil.
Sagður misnota þroskaskerta
og hata gyðinga
Myndbandið hefur heldur ekki
Kristjana Guðbrandsdóttir
kristjana@dv.is „Fólk
speglar
eigið hatur
Umdeildur Snorri í gervi sínu í umdeildu myndbandi. Mynd MyndbAndSverK SnorrA ÁSMUndSSonAr
Tónleikar í
Strandarkirkju
Sunnudaginn 3. ágúst munu
Gunnar Kvaran sellóleikari og
Haukur Guðlaugsson orgelmeist-
ari halda tónleika í Strandarkirkju
í Selvogi. Þar munu þeir með-
al annars flytja verk eftir Bach,
Schubert, Boccherini og Saint-
Säens. Tónleikar þeirra standa
fram undir messu kl. 14 og er að-
gangur ókeypis. Í messunni pré-
dikar Anna Sigríður Pálsdóttir
dómkirkjuprestur, Jörg Sonder-
mann spilar á orgelið og kór Þor-
lákskirkju syngur. Tónleikarnir
hefjast klukkan 13.
Fjölskyldu-
hátíð á Hólum
Hin árlega Hólahátíð fer fram á
Hólum í Hjaltadal dagana 9. til
17. ágúst næstkomandi. Dag-
skrá hátíðarinnar hefst með upp-
lestri á bókinni Heimanfylgju eftir
Steinunni Jóhannesdóttur, en það
er skáldsaga um Hallgrím Péturs-
son sem byggir á heimildum um
ævi hans og störf. Upplestur bók-
arinnar fer fram í torfkirkjunni í
Gröf á Höfðaströnd fyrsta daginn
en það sem eftir er vikunnar í
Auðunarstofu á Hólum. Meðal
annarra dagskrárliða á hátíðinni
eru pílagrímsganga frá Gröf á
Höfðaströnd og heim að Hólum,
ratleikur fyrir börnin, veiði í tjörn-
unum og leiksýning auk þess sem
börnum stendur til boða að fara
á hestbak. Dagskrá laugardags-
ins lýkur svo með tónleikum við
Auðunarstofu og grilli á veitinga-
staðnum Undir Byrðunni.
iSTV í loftið
Í gær, mánudag, hóf iSTV sýn-
ingar á ný eftir að síðasta frum-
sýning fór í vaskinn. „Loksins
við erum búin að græja og gera.
Þetta klúður var svolítið bakslag
en við erum búin að sleikja sár-
in og komin á lappir,“ segir Týr
Þórarinsson – Mummi – dag-
skrárstjóri sjónvarpsstöðvarinnar
sem fór upphafleg í loftið þann
17. júlí en útsendingarbúnaður-
inn bilaði tveimur dögum síð-
ar. Á dagskrá í gær voru jaðar-
íþróttaþátturinn Óðfluga, Ferðast
fyrir klink, Aðrar víddir, fréttir
og ýmis önnur afþreying. „Þetta
eru líka þættir sem fóru í lopa-
sokkinn þegar allt hrundi. Þess
vegna var dagskráin svona ríku-
leg í gær,“ segir Mummi og bæt-
ir við: „Nú bara dettum við inn í
íslenskt samfélag og vonum að
þjóðin taki okkur vel.“