Dagblaðið Vísir - DV - 29.07.2014, Blaðsíða 4

Vikublað 29.–31. júlí 20144 Fréttir
Fengu óeðlilega
háar greiðslur
n Óháðir fengnir til að skoða bókhald Veiðifélags Laxdæla
Á
rsæll Þórðarson og Einar
Kristjánsson, skoðunar­
menn bókhalds Veiðifélags
Laxdæla, Laxár í Dölum, sáu
sér ekki fært að samþykkja
greinargerðir stjórnenda, í mars
síðastliðnum. Það sem þeim þótti
ábótavant voru greinargerðir stjórn­
enda sem selja veiðifélaginu þjón­
ustu sína, það er, formanns stjórnar,
Jóns Egilssonar, og gjaldkera, Guð­
brands Ólafssonar. Fundu þeir ekki
staðfestingu í fundargerðabókum
á því hvernig greiða ætti fyrir slíka
þjónustu. Var um að ræða ýmsa
vinnu, bæði vegna bókhalds, aksturs
og fleira. Þá þótti þeim einnig kaup
á pappír og prentbleki mjög mikil
miðað við umfang rekstrar félagsins.
Á stjórnarfundi hjá stjórn veiði­
félagsins nokkrum dögum síðar var
samþykkt að fá utanaðkomandi að­
ila til að yfirfara bókhald félagsins og
reikningsfærslur eftir athugasemdir
Ársæls og Einars. Fólu þrír stjórnar­
menn, þau Jóhann Hólm Ríkharðs­
son, Gísli S. Þórðarson og Melkorka
Benediktsdóttir, þetta verk þeim
Magnúsi Ólafssyni, formanni Veiði­
félags Vatnsdalsár og fyrrverandi
varaformanni Landssambands
veiðifélaga, og Gísla J. Grímssyni,
viðurkenndum bókara, sem hafði
meðal annars haft á hendi störf
gjaldkera og uppsetningu bókhalds
fyrir Veiðifélag Blöndu og Svartár. Í
maí skiluðu Magnús og Gísli skýrslu
um skoðun á bókhaldi félagsins og
tillögum til úrbóta en að þeirra mati
voru „alvarlegir gallar“ á stjórnsýslu
félagsins. DV hefur afrit af skýrslunni
undir höndum.
Ók 3.196 kílómetra fyrir félagið
Laun, akstur og launatengdur kostn­
aður fyrir störf gjaldkera Veiðifélags
Laxdæla var 2.734.910 krónur í heild
árið 2013. Þar af voru launatengd
gjöld 356.042 krónur. Að auki kemur
fram að samkvæmt vinnuskýrslum
hafi gjaldkeri unnið 171 klukkustund
fyrir Ljárskóga og ekið 546 kílómetra
vegna þeirra starfa. Til að mynda
hafi hann ekið heila 380 kílómetra
þann 16. febrúar til að kaupa blek og
fleira. Það var síðan ekki fyrr en 24.
febrúar sem hann fjölritaði ársskýr­
slu, þannig að tími hefði átt að gefast
til að panta blekið í pósti.
Þann 31. október og 1. nóvember
ók gjaldkerinn 100 kílómetra vegna
bókhalds, 350 kílómetra vegna
gagnaöflunar og 60 kílómetra vegna
suðurferðar. Í heild ók hann 3.196
kílómetra fyrir veiðifélagið, auk
fyrrnefndra 546 kílómetra fyrir Ljár­
skóga. Þeir Magnús og Gísli segjast í
skýrslunni engan veginn geta trúað
að mikil nauðsyn hafi verið að aka
230 kílómetra til innkaupa þann 18.
júlí og aftur 380 kílómetra þann 10.
ágúst. En að þeirra sögn eru þetta
aðeins dæmi tekin af handahófi úr
vinnuskýrslum.
Óeðlilegt torfærugjald
Þá voru laun, akstur og launatengd­
ur kostnaður við störf formanns
1.559.280 krónur vegna Veiðifé­
lags Laxdæla og sami kostnaður við
störf formanns vegna Ljárskóga var
alls 772.339 krónur. Meirihlutann
af þessum kostnaði fékk formað­
urinn greiddan vegna aksturs, eða
823.515 krónur. Var það allt greitt
á svokölluðu torfærugjaldi, sem er
greitt vegna aksturs utan vega eða
á vegslóðum sem ekki eru færir
fólksbílum. Ef aksturinn hefði ver­
ið greiddur á ríkistaxta, það er 116,6
krónur á kílómetra, hefði upphæðin
verið töluvert lægri, eða sem nemur
227.004 krónum. Skýrsluhöfundar
segja „alveg óeðlilegt“ að greiða tor­
færugjaldið.
Sláandi samanburður
Magnús og Gísli veittu sláandi sam­
anburð í skýrslunni til þess að sýna
fram á hversu svimandi háar upp­
hæðirnar voru, sem gjaldkeri og
formaður fengu greiddar. Þeir tóku
dæmi um að Veiðifélag Blöndu og
Svartár hefði greitt gjaldkera, sem
sá einnig um bókhald og fleira,
árið 2013 um átta prósent af þeim
greiðslum sem Veiðifélag Laxdæla
greiddi sínum gjaldkera sama ár.
Þá segja þeir þann háttinn á hjá
Veiðifélagi Vatnsdalsár að formað­
ur sjái um allt bókhald félagsins, þar
með talið greiðslu allra reikninga
og gerð skattskýrslu. Fyrir það, auk
aksturs og launatengdra gjalda fær
formaður þess félags greidda rúma
1,1 milljón króna á ári. Það er um
460 þúsund krónum minna en for­
maður Veiðifélags Laxdæla fékk árið
2013 fyrir að gegna formannsstörf­
um einum, en ekki störfum gjald­
kera.
„Greiðslur langt
umfram það sem þekkist“
Í skýrslunni kemur fram að for­
maður hafi í tölvupósti til höfunda
hennar sagt að þarna hafi sér ver­
ið ofgreitt og lýst sig reiðubúinn að
endurgreiða félaginu þann mis­
mun. Skýrsluhöfundar segja öðru
máli gegna um þóknun vegna um­
sýslu með fjármuni og bókhald fé­
lagsins. „Þar eru greiðslur langt
umfram það sem nokkurs staðar
þekkist,“ segja þeir. Benda þeir á að
á aðalfundum undanfarin ár hafi
félagsmenn bókað mótmæli vegna
rekstrarkostnaðar félagsins.
Tillaga þeirra var sú að gjaldkera
yrði boðið að reynt yrði að fá aðal­
fund til að samþykkja að loka þessu
máli með verulegri endurgreiðslu
hans til félagsins. Að þeirra mati var
algjört lágmark að greiða á ári 500 til
600 þúsund krónur á ári fyrir gjald­
kerastörf, bókhald og reiknings­
uppgjör í ekki stærra félagi. Gera
þeir jafnframt þá skýru tillögu að
til framtíðar verði gallar lagfærðir
með því að leggja fjárhagsáætlun
fyrir aðalfund til afgreiðslu. Slíkt sé
í samræmi við samþykktir félagsins.
Ekki náðist á formanni Veiðifé­
lags Laxdæla, sem er enn starfandi,
við vinnslu fréttarinnar, þrátt fyrir
ítrekaðar tilraunir. Gjaldkerinn er
hættur störfum hjá félaginu en vildi
að öðru leyti ekki tjá sig um málið. n
Erla Karlsdóttir
erlak@dv.is „Greiðslur
langt
umfram það
sem nokkurs
staðar þekkist
Óeðlilegur akstur Sem gjaldkeri Veiði-
félags Laxdæla ók Guðbrandur í heild 3.196
kílómetra fyrir félagið árið 2013.
Íslenskt tímarit
á kínversku
Ferðatímaritið Icelandic Times
kemur framvegis út í kínverskri
útgáfu, en það er nú þegar gefið
út á þremur tungumálum: ensku,
frönsku og þýsku. Fyrsta útgáfa
blaðsins á mandarin kínversku
kemur út þann 1. október, þjóð­
hátíðardegi Kínverja. Kínverskir
ferðamenn hafa verið helmingi
fleiri á fyrri hluta þessa árs en á
sama tíma í fyrra, og búist er við
enn meiri fjölgun í kjölfar nýgerðs
fríverslunarsamnings Íslands og
Kína sem tók gildi þann 1. júlí síð­
astliðinn. Edda Snorradóttir, verk­
efnastjóri Icelandic Times, segir
fyrirséð að ferðalög Kínverja muni
halda áfram að aukast. „Við viljum
að sjálfsögðu að Ísland tryggi sér
sess í hugum kínverskra ferðalanga
sem spennandi valmöguleiki.“
Afsaka
launskrið
Samtök atvinnulífsins lýsa yfir
miklum áhyggjum af launa­
skriði stjórnenda íslenskra fyrir­
tækja á síðasta ári, sem var um
13 prósent, í fréttatilkynningu á
mánudag. „Ljóst er að umtalsvert
launaskrið hefur orðið og hækk­
anir sem þessar ríma afar illa við
áherslur Samtaka atvinnulífsins
um aukinn verðlagsstöðugleika og
kaupmátt,“ segir í tilkynningu.
Þrátt fyrir þessi orð afsaka
Samtök atvinnulífsins launahækk­
anir með þeim orðum að heildar­
laun stjórnenda hafi „þróast
með nokkuð svipuðum hætti og
heildarlaun á almennum vinnu­
markaði“. Í því samhengi miða
samtökin við árið 2006, er laun
stjórnenda voru með hæsta móti.
Í tilkynningu segir að launalækk­
un stjórnenda í kjölfar krepp­
unnar árið 2008 hafi nú gengið til
baka. Þess má geta að Þorsteinn
Víglundsson, framkvæmdastjóri
samtakanna, var með tæplega
þrjár milljónir króna í meðal­
mánaðarlaun á síðasta ári sam­
kvæmt tölum ríkisskattstjóra.