Dagblaðið Vísir - DV - 11.10.2013, Blaðsíða 4
4 Fréttir 11.–13. október 2013 Helgarblað
Sá ekkert svindl
n Brynhildur Pétursdóttir fylgdist með kosningum í Aserbaídsjan
F
orsetakosningar fóru fram
í Aserbaídsjan síðastliðinn
miðvikudag. Ilham Alíjev, for-
seti landsins, var endurkjörinn
og fullyrt er að hann hafi fengið átta-
tíu og fjögur prósent atkvæða. Þó
virðist ekki allt vera með felldu því
kjörstjórn landsins birti úrslit kosn-
inganna áður en nokkur gat kosið.
Úrslitin, sem voru birt í smáforriti
sem kjörstjórnin gaf út, voru opin-
ber í aðeins örstutta stund. Skýr-
ing kjörstjórnarinnar var að úrslit
seinustu forsetakosninga hafi óvart
verið birt. Það er þó hæpið því mót-
frambjóðendur forsetans eru ekki
þeir sömu.
Brynhildur Pétursdóttir, þing-
maður Bjartrar framtíðar, var við
kosningaeftirlit í Aserbaídsjan í vik-
unni. Hún fór til landsins á vegum
Kosningaeftirlitsakademíu Evrópu.
„Ég var að vinna þangað til í gær-
kvöldi. Við fórum á fullt af stöð-
um og sáum ekki neitt sérstaklega
athugavert. Sumt var svolítið skrítið
en samt í lagi. Hins vegar sáum við
inn á milli á Facebook að túlkurinn
okkar var að deila fréttum um ein-
hverja misbresti. Við sjálf sáum ekki
neitt á þeim tólf stöðum sem við fór-
um á, nema eitthvað minniháttar
sem hægt væri að gera athugasemd
við en ekkert beinlínis svindl,“
sagði Brynhildur í samtali við DV á
fimmtudag, nýlent í Leifsstöð. Hún
segir þó að hún hafi séð kjósanda
taka mynd af kjörseðli sínum og að
hún hafi heyrt frá stjórnarandstöð-
unni að það væri gert til að fólk gæti
sannað að það hafi kosið „rétt“. n
hjalmar@dv.is
Jón Ásgeir kærir
fréttastjóra DV
n Telur birtingu tölvupósts um fjármögnun Iceland lögbrot
L
ögreglan á höfuðborgarsvæð-
inu rannsakar nú kæru fjár-
festisins Jóns Ásgeirs Jóhann-
essonar á hendur Inga Frey
Vilhjálmssyni, fyrrverandi
fréttastjóra DV og núverandi rit-
stjórnarfulltrúa blaðsins. Kærir Jón
Ásgeir Inga Frey fyrir meint brot á
lögum um fjarskipti fyrir að hafa
birt tölvupóst Jóns Ásgeirs til starfs-
manns Iceland-búðanna, Guð-
rúnar Þórsdóttur, eiginkonu föður
hans sem var annar stjórnarmanna
rekstrarfélags Iceland, og Einars
Þórs Sverrissonar lögmanns. Ingi
Freyr birti tölvupóstinn í tölublaði
DV sem birtist í desember í fyrra en
þá var hann fréttastjóri blaðsins.
Var tölvupósturinn sem Ingi
Freyr birti í DV sagður sýna fram á
að Jón Ásgeir stýrði í það minnsta
fjármögnun Iceland-keðjunnar á
Íslandi en Jóhannes Jónsson, faðir
Jóns Ásgeirs, hafði lýst því yfir á
Beinni línu á DV.is að Jón kæmi ekki
nálægt rekstri Iceland.
Boðaður í skýrslutöku
Lögreglan á höfuðborgarsvæðinu
hefur boðað Inga Frey Vilhjálmsson
í skýrslutöku vegna málsins en Jón
Ásgeir Jóhannesson svaraði ekki
fyrirspurn DV um málið þegar leit-
ast var eftir því.
Þó ekki hafi fengist uppgefið
hvaða ákvæði um fjarskiptalög eigi
að hafa verið brotið gegn með því
að birta tölvupóst Jóns Ásgeirs í
DV þá má leiða líkur að því að það
tengist 47. grein laga um fjarskipti
sem kveður á um öryggi og þagnar-
skyldu en þar segir: „Sá sem fyrir
tilviljun, mistök eða án sérstakrar
heimildar tekur við símskeytum,
myndum eða öðrum fjarskipta-
merkjum og táknum eða hlustar á
símtöl má ekki skrá neitt slíkt hjá
sér eða notfæra sér það á nokkurn
hátt. Jafnframt ber honum að til-
kynna sendanda að upplýsingar
hafi ranglega borist sér. Skylt er
að gæta fyllsta trúnaðar í slíkum
tilfellum.“
DV hefur annars ekki heimildir
fyrir því hvar rannsókninni er stödd
hjá lögreglunni.
Nú í höndum eiganda 10-11
Jóhannes Jónsson opnaði Iceland
í Engihjalla í júlí árið 2012 ásamt
Malcolm Walker, forstjóra bresku
verslunarkeðjunnar Iceland, en sam-
hliða versluninni í Engihjalla var
einnig rekin netverslun þar sem við-
skiptavinir gátu pantað vörur og
fengið þær sendar heim. Í október
sama ár opnaði Jóhannes aðra versl-
un við Fiskislóð í vesturbæ Reykjavík-
ur í húsnæði sem áður hýsti verslun
Europris. Í janúar síðastliðnum seldi
Jóhannes rúmlega helmingshlut í
fyrir tækinu Ísland-Verslun hf. til Árna
Péturs Jónssonar, eiganda 10-11.
Nú er Iceland-verslun að finna í
Engihjalla en húsnæðið sem verslun-
in var í við Fiskislóð hýsir nú verslun
Nettó. n
Missir á
meðgöngu
Samtökin Litlir englar standa
fyrir málþingi um missi á með-
göngu í Norræna húsinu þann
17. október næstkomandi. Sam-
tökin eru ætluð þeim sem hafa
misst barn í móðurkviði eða
stuttu eftir fæðingu sem og þeim
sem þurfa að binda enda á með-
göngu vegna alvarlegs litn-
ingagalla. Á málþinginu, sem ber
yfirskriftina Þú komst við hjartað
í mér, koma fram þverfagleg sjón-
armið þess fagfólks sem að þess-
um málaflokki kemur auk sjónar-
miða foreldra.
Markmiðið með málþinginu
er að fá fram þverfagleg sjónar-
mið presta, félagsráðgjafa, sál-
fræðinga og annarra sem vinna
með fólk sem hefur orðið fyrir
áföllum af þessu tagi. Þannig
er hægt að stilla saman strengi
þegar kemur að því að þjónusta
og hlúa að þessum hópi og stuðla
að því að sorgarferlið gangi sem
eðlilegast fyrir sig.
Ágóði hlaupaáheita sem safn-
að var fyrir samtökin í Reykja-
víkurmaraþoninu árið 2012 er
notað til að málþingið verði að
veruleika en umframágóði verð-
ur notaður í fræðsluefni á vegum
samtakanna. Upplýsingar um
dagskrá þingsins er hægt að sjá
á heimasíðu og Facebook-síðu
samtakanna.
Árekstur í
hálkunni
Umferðarslys varð á Vestur-
landsvegi við Álafossveg rétt
fyrir klukkan sjö á fimmtu-
dagsmorgun. Þarna varð
árekstur milli tveggja bifreiða
sem báðum var ekið í suð-
ur inni í Mosfellsbæ. Báðir
ökumenn voru fluttir með
sjúkrabíl á slysadeild til að-
hlynningar, en meiðsli þeirra
voru talin minniháttar. Báðar
bifreiðarnar voru fjarlægðar
með dráttarbifreið, en talið
er að hálka hafi átt sinn þátt í
óhappinu.
Birgir Olgeirsson
blaðamaður skrifar birgir@dv.is
Kærir Jón Ásgeir
Jóhannesson hefur
kært Inga Frey Vil-
hjálmsson fyrir brot
á fjarskiptalögum.
Þingmaður Brynhildur segir að sumt hafi
verið skrítið við kosningarnar. MyNd Sigtryggur Ari