Dagblaðið Vísir - DV - 11.10.2013, Blaðsíða 46
46 Lífsstíll 11.–13. október 2013 Helgarblað
Græn gleði á sunnudag
n Haldið upp á lífræna daginn
L
ífræni dagurinn verður haldinn
sunnudaginn 13. október í Ráð-
húsi Reykjavíkur. Að sögn full-
trúa Samtaka lífrænna neyt-
enda, Ragnars Unnarssonar, er
viðburðurinn nú haldinn í annað
sinn en yfir 2.000 manns sóttu hann
í fyrra, þar á meðal forsetahjónin.
Íslenskir framleiðendur með líf-
ræna vottun munu koma saman og
skapa markaðsstemningu í Ráðhús-
inu þar sem hægt verður að sögn
Ragnars að bæði smakka og kaupa
lífrænt vottaðar afurðir. Auk þess
verði haldnir fyrirlestrar yfir daginn
í salnum. „Fyrirlestraröðin snýr að
framtíðarsýn í íslenskum landbún-
aði og grænum lífsstíl,“ segir Ragnar
og nefnir sem dæmi Kristínu Völu
Ragnarsdóttur prófessor. „Hún mun
fjalla um heimsókn sína til lands-
ins Bútans, sem stefnir að því að
verða fyrsta lífrænt vottaða landið í
heiminum.“ Auk fjölmargra annarra
sem fram munu koma er Gunnar
Gunnarsson hjá vottunarstofunni
Túni sem mun ræða erfðabreyttar líf-
verur út frá nýliðinni ráðstefnu sem
haldin var þess efnis þann 7. október
síðastliðinn. Nánari upplýsingar um
viðburðinn má finna á heimasíðunni
lifraen.is eða á Facebook-síðu Sam-
taka lífrænna neytenda sem standa
fyrir viðburðinum. n
Ætla að bjóða
upp á selkjöt
n Sælkerahjón halda ævintýralegt matarboð
E
inar Árnason og kærasta
hans, Kristín Steinunnar-
dóttir, bíða spennt eftir því
að bjóða dómurum í Borð
fyrir fimm í frumlegt matar-
boð með óvæntum millirétti og
kokteil sem á sér einstaka sögu.
„Það verður undirliggjandi
Bond- eða Casino Royal-þema,“
segir Einar. „Sérstaklega þegar
kemur að drykkjunum en einnig er
mikið af fullum húsum á matseðl-
inum, tvennur og þrennur. Þetta
verður einfaldlega hinn fullkomni
matur og ég er handviss um að
dómararnir fái ekkert þessu líkt hjá
hinum keppendunum.“ Einar hef-
ur eflaust rétt fyrir sér enda verður
einstakt lostæti á borðum sem fáir
nútíma Íslendingar hafa smakkað.
„Við ætlum að bjóða upp á sel sem
ég veiddi sjálfur en ég elda reynd-
ar selkjöt mjög oft. Ég veit hins
vegar að selur er ekki mjög algeng-
ur matur og aldrei að vita nema ég
sé að gefa dómurunum eitthvað
sem þeir hafa aldrei smakkað áður.
Þarna er hins vegar mikið fagfólk á
ferð og vonandi líkar þeim selur-
inn.“
Hún bakar, hann grillar
Einar segir þau hjónin jafnvirk í
eldhúsinu. „Það er alveg 50/50.
Hún bakar, ég grilla og restinni
skiptum við jafnt á milli okkar. Við
erum mjög mikið matarfólk en not-
um sjaldan uppskriftarbækur þar
sem við höfum gaman af tilrauna-
starfsemi í eldhúsinu. Svo erum við
mikið vín- og kokteilafólk og það
verður sérstaklega gaman að heyra
hvað Alba hefur að segja um það
sem við munum reiða fram.“
Einari líst vel á Ölbu og hina
dómarana. „Svavar er, að mér
skilst, mikill matgæðingur, og við
erum virkilega spennt að hitta
Sigga Hall. Þetta er í raun besta tríó
sem við gætum mögulega fengið
í mat. Annars ætlum við ekkert að
flækja þetta með miklum skreyting-
um. Vinur minn stakk upp á því að
við hefðum tígrisdýr í stofunni, það
myndi vekja athygli sem frumlegt
skraut. En við höfum þetta bara
einfalt, þó við séum vissulega með
nokkur uppstoppuð dýr í stofunni.
Matarboðið stendur ekki lengi yfir
svo við ætlum að vera vel undirbú-
in og reyna að nýta tímann vel með
gestunum.“
Kokteill í anda Bond
Kristín og Einar eru sjálfmennt-
uð í eldhúsinu og segir Einar þau
dekra daglega við sig þegar kemur
að mat. „Við höfum aldrei haldið
lélegt matarboð en verið gestir í
þeim mörgum. Þegar við bjuggum
á Spáni í nokkra mánuði fengum
við nær aldrei góðan mat. Það var
alveg sama hversu fínn veitinga-
staðurinn eða gestgjafinn var og
breytti engu þó maturinn væri
dýr, spænsk matargerð er ekki fyr-
ir minn smekk. Spánverjar bæta þó
upp fyrir matargerðina með gríðar-
góðum vínum sem við nýttum okk-
ur óspart.“
Dómarar þáttarins Borð fyrir
fimm ættu því að eiga von á góðu
því Einar er greinilega kröfuharð-
ur á gæði matarins. Hvað varð-
ar drykkjarföng ætla þau meðal
annars að bjóða upp á heimsfrægan
kokteil. „Þeir sem hafa séð kvik-
myndina Casino Royal muna eftir
atriðinu þegar James Bond pant-
ar sér drykkinn Vesper. Það var rit-
höfundurinn Ian Flemming sem
bjó kokteilinn til í fyrstu bókinni
um Bond en eftir að kvikmyndin
var sýnd hafa vinsældir drykkjar-
ins vaxið. Ég veit ekki hvort dóm-
ararnir hafa smakkað hann en von-
andi get ég komið þeim á óvart.“
Þátturinn Borð fyrir fimm fer í loft-
ið næsta miðvikudag en líkur eru
á að læti berist úr eldhúsi þeirra
Einars og Kristínar meðan á elda-
mennskunni stendur. „Við erum
allavega alls ekki róleg í eldhúsinu
og mögulega brjálast ég ef eitthvað
fer úrskeiðis. Ætli það séu ekki 50
prósenta líkur á látum,“ segir Einar
hlæjandi að lokum. n
„Vinur minn stakk
upp á því að við
hefðum tígrisdýr í stof-
unni.
Læti í eldhúsinu „Ég brjálast ef eitthvað fer úrskeiðis,“ segir Einar sem segir þau hjón elda með látum.
Klassískar
töskur í tísku
Naskir áhangendur tísku fylgjast
vel með straumum og stefnum
þegar kemur að handtöskum.
Greina má áhrif mínimalisma og
ákveðið afturhvarf til klassíkur í
framleiðslu tískuhúsanna í ár.
Nútímaleg en klassísk
Chanel kemur með skemmtilega
litla handtösku; Boy Gentle Bag.
Hedi Slimane hannar tösku fyrir
Saint Laurent sem er afar klass-
ísk og með sterka vísun hand-
töskur sjöunda áratugar en nú-
tímalegri.
Dolce & Gabbana hellir sér í
mýkt og kvenleika með hring-
laga formi. Einkar vel heppnuð
handtaska sem sker sig úr. Stella
McCartney fylgir tískustraumum
og hannar tösku úr köflóttu ull-
arefni með gylltu skrauti.
Vísun í undirdjúpin
Victoria Beckham hannar klass-
íska tösku sem er í fallegum
litum og lífgar upp á hvers-
daginn. Skemmtilegustu tösku
ársins á en efa tískuhúsið Bottega
Veneta sem sækir áhrif í undir-
djúpin. Sting Ray kallast taskan
og er hin forvitnilegasta.
Líf án streitu
- lærðu að njóta lífsins
Námskeiðið er fyrir þá sem vilja njóta lífsins, lifa lífinu aðeins
hægar og huga að andlegri og líkamlegri líðan. Dvölin gefur
einnig einstakt tækifæri til að taka upp nýjar og skynsamlegar
leiðir hvað varðar hreyfingu, næringu og svefn.
Innifalið: Gisting, ljúffengur og hollur matur, skipulögð dagskrá,
hugleiðsla og jóga, aðgangur að sundlaugum, baðhúsi og
líkamsrækt. Einnig nudd og val um ýmsar meðferðir.
Verð á mann: 121.900 kr.
7 daga heilsudvöl 5. - 12. nóvember
Nánari upplýsingar í síma 483 0300 og á vefsíðunni www.hnlfi.is
- berum ábyrgð á eigin heilsu
Aukadagur fyrir þá sem vilja lengja dvölina er 9.900 kr. pr. sólarhring.