Dagblaðið Vísir - DV - 11.10.2013, Blaðsíða 40
40 11.–13. október 2013 Helgarblað
m e n n i n g @ d v . i s | d v . i s / m e n n i n g
„Fínpússaður gullmoli“ „Grípandi mynd um róttækan vísindamann“
FIFA 14
Tölvuleikur
Framtíðin ástin
mín Maja Borg
F
yrir hlutverk sitt þurfti Obba
að læra að spila sannfærandi á
gítar og oft var erfitt að að leika
á strengina með krókloppnum
fingrum. „Ragnar spurði mig
hvort ég kynni á gítar þegar hann bað
mig um að lesa handritið. Ég játti því
og sagðist kunna vinnukonugripin.
Meira þurfti til og ég þurfti að fá góða
aðstoð. Hana fékk ég frá nokkrum að-
ilum, meðal annars frá Pétri Ben sem
sá um tónlistina í myndinni. Sumir
dagar voru erfiðari en aðrir í tökum.
Stundum var ég með dofna fingur af
kulda að reyna flókin og hröð gítar-
grip og er reynslunni ríkari.“
„Head-bang“ er kúnst
Obba þurfti líka að „head-banga“,
eða þeyta flösu, eins og það útleggst
á íslensku. „Ég er lélegur dansari og
þessi tegund hreyfingar hentaði mér
vel,“ segir Obba og hlær. „Þetta er al-
gjör draumur fyrir mig, mér finnst
þetta geðveikur dans og ég fæ mikla
útrás við að „head-banga“. Ég er al-
veg húkt. Ég er ennþá að ná tökum á
tækninni. Ég fékk oft mikinn hálsríg
við tökur en var sagt að maður eigi að
slaka á hálsvöðvunum í mestu sveifl-
unum. Þetta er mikil kúnst og skyldi
ekki vanmeta.
Ég var með vinum mínum og
kærasta á Dillon eitt kvöldið. Þá
komu nokkur góð lög í röð og við
tókum upp á því að „head-banga“ í
miklu stuði og það var ótrúlega gam-
an.“
Góðar viðtökur
Málmhaus var frumsýnd á kvik-
myndahátíðinni í Toronto í flokkn-
um samtíma heimsmyndir eða
„Contemporary World Cinema“.
Myndin fékk afar góðar viðtökur
og var sýnd fyrir fullum sal og eft-
ir sýninguna uppskáru aðstandend-
ur lófaklapp. Erlendir aðilar hafa eftir
þetta sýnt mikinn áhuga á myndinni
sem þykir frumleg og spennandi.
En skyldi Obba vera orðin þekkt í
heimi þungarokkara? „Nei, ég hugsa
nú ekki,“ segir hún. „Reyndar eru
nokkur ný andlit búin að senda mér
vinabeiðnir á Facebook og af mynd-
unum að dæma þá hafa þau mikinn
áhuga á þessari tegund tónlistar.“
Full lotningar
Obba segist full lotningar yfir að-
dáendum þungarokks. „Fólk sem
hlustar á þessa tónlist hefur margt
hvert gert það árum saman og hefur
á henni djúpstæða þekkingu. Ég ber
mikla virðingu fyrir því og er svolítið
upp með mér að fá að skyggnast inn
í þennan skemmtilega heim með því
að bregða mér í hlutverk Heru.“
Svartar gúmmíköngulær stóra
bróður
Hún hefur þó einhverja innsýn í
heim þungarokks. Eldri bróðir henn-
ar hafði mikinn áhuga á þungarokki
og þegar Obba var lítil var hún
afar forvitin um þennan dimma og
drungalega heim.
„Bróðir minn er átta árum eldri en
ég, hann var dæmigerður stóri bróðir
og átti það til að hóta að henda kan-
ínunni minni út um gluggann og svo-
leiðis ef ég fór í taugarnar á honum.
Hann var þungarokkari og í til-
heyrandi klæðnaði. Ef það voru
krakkar að pirra mig á leikvellinum
þá náði ég stundum í hann til að
skelfa þá. Og herbergið hans var svo-
lítið svipað herbergi Heru í myndinni.
Alsett plakötum og ég man að það
héngu svartar gúmmíköngulær úr
loftinu. Þetta fannst mér ofboðslega
spennandi en ég mátti aldrei fara inn
í herbergið hans. Ég stóð og skoðaði í
dyragættinni. Það var gaman að grípa
í þessar minningar úr æsku við tökur
í myndinni.“
Lærði lögfræði
Obba útskrifaðist úr Leiklistarskól-
anum 2009 og fór beint í Borgarleik-
húsið. Það kom mörgum á óvart
þegar hún söðlaði algjörlega um.
Hætti í leikhúsinu og skráði sig í lög-
fræði við Háskóla Íslands.
„Mig vantaði aukavinnu og fór
að vinna sem ritari á lögfræðistofu
niðri í bæ. Þar vann ég á milli verk-
efna í leiklistinni og varð fyrir sterk-
um áhrifum. Ég sá hvað ég gæti not-
að lögfræðina í margt, til að aðstoða
fólk að leysa vandamál en líka til þess
að öðlast dýpri skilning á gangverki
samfélagsins. Ég ákvað því að skrá
mig í lögfræði.
Ég hugsa að ég hafi líka þurft á því
að halda að breyta svolítið um sjón-
arhorn. Ég sá það hins vegar ekki fyrr
en eftir fyrsta árið í lögfræðinni. Þá lét
ég þetta gott heita og hellti mér aftur
af krafti í leiklistina.“
Kasper, Jesper og Jónatan á
Grænlandi
Obba sleit barnsskónum á Græn-
landi og í Svíþjóð. Störf föður henn-
ar í byggingarverkfræði leiddu fjöl-
skylduna til Nuuk á Grænlandi þar
sem hún lék sér í frelsi og náttúrufeg-
urð. „Pabbi vann við að byggja frysti-
hús í Nuuk. Mér fannst það æðislegt
og ég á góðar minningar þaðan. Upp-
lifði mikið frelsi í leik og náttúruna í
kring. Þarna bjó ég til sex ára aldurs
og átti tvo danska vini, tvíburabræð-
urna Kasper og Jesper. Við áttum
öll eins kuldagalla og það lá auðvit-
að beint við að kalla mig Jónatan í
gamni.
Það skipti engu máli að ég kunni
ekki tungumálið, við börnin redd-
uðum okkur einhvern veginn. En
þegar ég flutti frá Nuuk til Svíþjóð-
ar þá talaði ég skringilega blöndu
af dönsku og íslensku,“ segir hún og
hlær.
Frá Nuuk til Svíþjóðar
Í Svíþjóð bjó Obba til ellefu ára
aldurs. Þá flutti hún loks heim til Ís-
lands. „Það er auðvitað alltaf erfitt
að skipta um umhverfi. En í minn-
ingunni voru flutningarnir ekki sér-
staklega erfiðir. Ég saknaði auðvitað
vinanna í Svíþjóð og fannst erfitt að
kveðja þá en mér leið vel á Íslandi.“
Hún segist stundum hugsa hvað
hefði orðið ef hún hefði verið áfram í
Svíþjóð. „Ég flutti á mótunarárum og
æskuvinkona mín í Svíþjóð átti eftir
að fara allt aðra leið en ég í lífinu.
Hún gekk í gegnum Goth-tímabil
og er núna mikill áhangandi Judas
Priest. Eltir þá um allar trissur og
fer á tónleika. Ef ég hefði verið enn-
þá heima þá hefði ég farið í sömu
fótspor og hún. Kannski væri ég að
ferðast um heiminn með henni og
elta Judas Priest. Í staðinn þá var ég
bara ósköp venjuleg unglingsstúlka.“
Ronja ræningjadóttir og Hera
Obba segist finna tengingu við Heru
í sterkum kvenhetjum Astrid Lind-
gren. Þá sérstaklega Ronju ræningja-
dóttur. „Ég er náttúrulega alin upp í
Svíþjóð og Ronja er í uppáhaldi. Hún
er svona fýldur krakki sem fer út og
öskrar af og til. Svolítið eins og Hera
sjálf. Ég er svo þakklát fyrir það að fá
að leika svona sterka kvenpersónu.
Heru er alveg sama um álit annarra
og hefur enga þörf fyrir að vera prúð
og brosa. Hún gerir það sem henni
sýnist. Ég held að við tengjum sterkt
við svona persónur, það er ástæða
fyrir því að þessar sterku persónur
á borð við Ronju og Línu langsokk
eru jafnvinsælar og raun ber vitni.
Við fáum einhverja útrás í gegnum
þær.“ n
„Ég er algjörlega húkt“
Þorbjörg Helga Dýrfjörð, kölluð Obba, fer mik-
inn í hlutverki aðalsöguhetju kvikmyndarinnar Málm-
haus í leikstjórn Ragnars Bragasonar. Málmhaus segir
frá Heru Karlsdóttur, sem lifir áhyggjulaus í sveitinni
þar til áfall dynur yfir. Eldri bróðir hennar deyr af
slysförum og Hera kennir sjálfri sér um. Í lamandi sorg
tekur hún upp áhugamál bróður síns – þungarokk.
Kristjana Guðbrandsdóttir ræddi við Obbu
um þungarokkið, stóra bróður og svartar gúmmí-
köngulær og „head-bangið“ sem hún er húkt á.
Kristjana Guðbrandsdóttir
kristjana@dv.is
Viðtal
Orkulosandi Obbu finnst
frábært að þeyta flösu. „Þetta
er algjör draumur fyrir mig, mér
finnst þetta geðveikur dans og
ég fæ mikla útrás við að „head-
banga“. MyNd SIGtRyGGuR ARI
„Kannski
væri ég að
ferðast um heim-
inn með henni og
elta Judas Priest
Alvöru þunga-
rokkari í sveit
Andrea Marta Vigfúsdóttir er bóndakona
á sveitabænum Bræðrabrekku við Stað
í Húnaflóa og staðfastur þungarokks-
aðdáandi. Hún byrjaði að hlusta á
þungarokk aðeins sjö ára að aldri.
„Ég byrjaði mjög snemma að hlusta á
þungarokk. Ég var um sjö ára þegar ég
heyrði lagið Number of the Beast með
Iron Maiden, þá varð ekki aftur snúið.“
Þeir sem byrja, hætta ekki
Andrea Marta er alin upp undir Eyjafjöllum
og þar þótti tónlistaráhuginn ekki óvana-
legur. „Bræður mínir voru leikfélagar
mínir og við hlustuðum öll á þessa tónlist.
Frændi minn var vinnumaður á bænum og
kom með þessa plötu. Iron Maiden voru
þeir helstu og fylgja manni. Þeir eru og
verða alltaf sérstakir í mínum huga,“ segir
Andrea Marta.
Blóð og dauðarokk í Húnaflóa
Andrea Marta er með fjárbúskap, rekur
litla verslun og setur skemmtilegan svip á
sveitalífið við Húnaflóann. Hún segir starf
bóndans fara vel saman við þungarokkið.
„Það er auðvitað svolítið um blóð í bú-
skapnum, og svo biður mig enginn um að
lækka hér,“ segir hún og skellir upp úr.
Á Hellfest
Andrea Marta
með Chuck
Billy, söngvara
Testament.