Dagblaðið Vísir - DV - 01.09.2008, Blaðsíða 8

mánudagur 1. september 20088 Fréttir
Svikin um heimilið
Hjón í Mosfellsbæ, Unnur
Valdemarsdóttir og Ragn-
ar Kr. Árnason, hafa kært
Viggó Sigurðsson, stjórn-
arformann Ásvíkur og fyrr-
verandi landsliðsþjálfara í
handbolta, fyrir þjófnað á 40
feta gámi af lóð þeirra. Kær-
an kemur í kjölfar mikillar
þrautagöngu hjónanna. Þau
keyptu einingahús af Viggó
og fyrirtæki hans í maí í
fyrra. Var þeim tjáð að þau
gætu flutt inn í nóvember
sama ár. Húsið, sem aleiga
þeirra fór í, stendur enn
óklárað.

„Við getum ekki borið ábyrgð á því
hvernig Viggó gerir sína samninga.
Og við getum ekki borið ábyrgð
á því að hann hugsi ekki málið til
enda,“ segir Unnur Valdemarsdóttir
í Mosfellsbæ um samskipti sín um
Viggó Sigurðsson, stjórnarformann
Ásvíkur og fyrrverandi landsliðs-
mann og landsliðsþjálfara í hand-
bolta.
Viggó seldi Unni og eiginmanni
hennar, Ragnari Kr. Árnassyni ein-
ingahús í maí 2007 fyrir tuttugu og
þrjár milljónir króna. Húsið átti að
vera tilbúið í nóvember. Enn stend-
ur húsið hins vegar óklárað og hafa
þau hjónin rift samningi við Viggó
og Ásvík. Þau eru búin að greiða
nítján og hálfa milljón króna fyr-
ir húsnæði sem þau hafa enn ekki
fengið í hendurnar.
Viggó hefur ekki svarað blaða-
manni þrátt fyrir ítrekaðar tilraunir.
Vantaði leyfi
Þau Unnur og Ragnar skrifuðu
undir 24. maí 2007 og greiddu 9,2
milljónir króna inn á samning-
inn. Þau segjast hafa fengið loforð
frá Viggó um að teikningar af hús-
inu myndu koma til landsins áður
en langt um liði. Arkitekt á vegum
Viggós ætlaði að klára þær teikn-
ingar fyrir maílok. Hins vegar komu
teikningarnar ekki fyrr en um miðj-
an ágúst. Þá átti Viggó enn eftir að
fá byggingarleyfi. Höfðu þau Unnur
og Ragnar rekið á eftir leyfinu síð-
an um júní og á endanum sóttu þau
sjálf um það.
Til að fá byggingarleyfi þurfti
Viggó að leggja fram teikningarn-
ar. 21. nóvember voru teikningarn-
ar svo loks lagðar fram. Níu atriðum
þurfti að breyta og formlegt bygg-
ingarleyfi fékkst því ekki ekki fyrr en
16. janúar. „Hann virtist ekki gera
sér grein fyrir að ekki er hægt að
reisa hús án þess að hafa teikningar
fullkláraðar og leyfi frá byggingaryf-
irvöldum,“ segir Unnur.
Tími, þjark og vesen
22. febrúar greiddu þau hjón-
in fyrirtæki Viggós fokheldisgjald
upp á rúmar fjórar milljónir. Rúm-
um þrettán mánuðum eftir að skrif-
að var undir kauptilboð var ekki
enn komið fokheldisvottorð vegna
þess að enn voru ekki fullnægjandi
teikningar komnar til byggingar-
fulltrúa.
Var þeim Unni og Ragnari þá
nóg boðið, höfðu samband við vin
sinn sem er verkfræðingur og hann
sótti teikningarnar til byggingar-
fulltrúa og fullkláraði. Fokheldisút-
tekt fékkst tuttugasta og fyrsta júlí.
„Mikil tími, þjark og vesen hefur
farið í að fá flest allar þær teikning-
ar sem fylgja áttu húsinu vegna þess
að þær hafa aldrei verið tilbúnar á
réttum tíma.“
Vildi fá fimm milljónir
Þegar botnplatan var loks tilbú-
in og hægt að fara að reisa húsið
setti Viggó fram þá kröfu að hjón-
in greiddu gámagjald upp á tæpar
tvær milljónir krónur. Hann vildi
einnig fá þrjár milljónir fyrirfram,
annars myndi hann ekki byrja á
húsinu, að sögn hjónanna. Til að
liðka fyrir sættust hjónin á að borga
fimm milljónir upp í lokagreiðsl-
una.
Byrjað var að reisa húsið 14. apr-
íl. Hjónin dvöldu á þessum tíma
í sumarbústað. Fengu þau sím-
tal í maí frá nágranna sínum eftir
að Viggó og hans menn höfðu sett
fimm 40 feta gáma í götuna án þess
að ræða við íbúa þess. „Það er ekk-
ert skipulag, engin vinnuáætlun og
engin samvinna um verkið og Viggó
hefur ítrekað tekið fram fyrir hend-
urnar á byggingarstjóra sem er lög-
um samkvæmt framkvæmdastjóri
verksins,“ segir Ragnar.
Ekki vandað til verka
Vinur hjónanna, verkfræðing-
urinn sem hafði teiknað sökkl-
ana á kostnað hjónanna, kom til
að kíkja við og leit á húsið um leið
og flota átti golfið. Hann komst að
þeirri niðurstöðu að ekki hefði ver-
ið vandað til verksins, mikið af því
sem búið væri að gera væri algjört
klúður, rakavörn rofin um allt hús
og venjulegt gifs í þvottahúsi og
baði. Verkfræðingurinn kallaði til
tvo húsasmíðameistara og var ann-
ar sérfræðingur í timburhúsum. „Ef
við hefðum ekki skoðað málin og
látið kanna fráganginn hefðum við
lent í rakaskemmdum eftir nokkur
ár,“ segir Unnur.
Aleigan fer fyrir lítið
Þeir verkkaupar sem komið
hafa að húsinu hafa flestir ekkert
fengið borgað frá Ásvík, fyrirtæk-
inu þar sem Viggó er stjórnarfor-
maður. Byggingarstjóri vildi ekki
halda áfram á einum tímapunkti
BEnEdiKT BóAS hinRiKSSon
blaðamaður skrifar: benni@dv.is
Kauptilboð 9,2 milljónir
SnjóbræðSla 400 þúsund
FoKheldiSgjald 4,145 milljónir
upp í loKagreiðSlu 5,0 milljónir
gámaFærSlur 600 þúsund
Förgunargjald 150 þúsund
kostnaður
Samanlagt 19.475.000 krónur
óklárað miklar tafir hafa orðið við
framkvæmdir á húsinu. Það átti að
vera tilbúið í nóvember 2007.