Dagblaðið Vísir - DV - 01.09.2008, Blaðsíða 15
m á n u d a g u r 1 . s e p t e m b e r 2 0 0 8
umsjón: ásgeir jónsson, asgeir@dv.is
Fornbílaklúbbur Íslands stækkar ört með
hverju árinu en Sævar Pétursson formaður
klúbbsins segir mikinn áhuga vera að vakna fyr-
ir gömlum bílum. „Þetta er mjög upprennandi
klúbbur og ég finn áhugann á þessum gömlu
bílum sífellt vera að aukast. Í dag eru meðlimir
klúbbsins um áttahundruð talsins. Það er alltaf
verið að biðja okkur um bíla á hinar ýmsu uppák-
omur og þar á meðal tískusýningar,“ segir Sæv-
ar sem hefur verið meðlimur klúbbsins frá árinu
1990.
„Við erum með starfsemi allt árið um kring en
keyrum ekkert á veturna, ekki nema svona alveg
í sérstökum tilfellum. Yfir sumartímann keyrum
við hins vegar alltaf fimmtán fastar ferðir. Við hitt-
umst svo á hverjum miðvikudegi uppi í húsnæð-
inu okkar í Árbæ og ræðum um allt milli himins
og jarðar. Núna erum við reyndar að byggja nýtt
húsnæði uppi í Elliðaárdal,“ segir Sævar og bæt-
ir því jafnframt við að aðstaðan í Elliðaárdalnum
verði allt önnur en í Árbænum.
„Þetta verður bæði félagsheimili og safnhús
sem kemur til með að hýsa fornbílasafnið. Nú
er verið að vinna í þaki og gluggum og verið að
klæða húsið með flísum svo það er vonandi stutt
í að við getum flutt okkur þangað yfir.“ krista@dv.is
Fornbílaklúbbur Íslands flytur sig
brátt í spánnýtt húsnæði í Elliðaár-
dalnum. Meðlimir klúbbsins eru um
áttahundruð talsins.
Klúbbur sem
st KKar ört
mynd róbert