Dagblaðið Vísir - DV - 01.09.2008, Blaðsíða 12

mánudagur 1. september 200812 Fréttir
Harry Bretaprins hefur látið
stjórnendur breska hersins vita að
hann vilji komast í fremstu víglínu
í Afg-anistan á nýjan leik. Prins-
inn var kallaður heim úr herþjón-
ustu sinni í Afganistan í skyndi
í lok febrúar eftir að fjölmiðlar
greindu frá veru hans í landinu.
Hinn 23 ára Harry hafði þá gegnt
herþjónustu í landinu í tíu vikur
en breska varnarmálaráðuneytið
ákvað að stytta dvöl hans og kalla
hann heim. Var það metið svo að
öryggi hans væri ógnað eftir að
upp komst að hann væri að sinna
herþjónustu á átakasvæðum, og
talið að hann yrði stórt skotmark
fyrir herskáa talíbana.
Naut sín í hættunni
Harry lét hafa eftir sér áður en
hann var kallaður heim að hann nyti
sín ágætlega á hættuslóðum í Afgan-
istan og að það væri ferskur andblær
í tilveru hans fjarri breskum fjöl-
miðlum. Aldrei þessu vant voru það
ekki bresk götublöð sem spilltu fyr-
ir herþjónustu Harry, heldur var það
bandaríska vefsíðan The Drudge
Report sem komst á snoðir um dvöl
prinsins í Afganistan og greindi frá í
óþökk allra sem málið snerti. Sam-
komulag hafði verið á milli breskra
yfirvalda og fjölmiðla að greina ekki
frá herþjónustu krúnuerfingjans, og
þar sem verkefninu var nú stefnt í
voða var hann kallaður heim.
Aftur í þjálfun
Harry og herdeild hans munu
halda aftur til æfinga í Combermere
hermannaskálanum í Windsor í
næstu viku. Þjálfun Harrys mun þó
ekki miðast við að hann snúi aftur í
fremstu víglínu, heldur verður um
almenna grunnþjálfun að ræða fyrir
prinsinn. Á meðan munu æðstu yf-
irmenn hermála fara yfir stöðuna og
kanna hvort, og þá hvernig, prins-
inn getur snúið aftur til Afganistan.
Breska dagblaðið The Sun hefur eft-
ir heimildarmanni innan herdeild-
arinnar sem Harry tilheyrir að það
sé ekkert launungarmál að prinsinn
vilji snúa aftur í víglínuna á næstu tólf
mánuðum. „Hann hefur reynsluna
frá fyrri tíð og vonast til að geta end-
urtekið leikinn. Sú reynsla sem hann
hefur safnað gerir hann að verðmæt-
um einstakling í hernum,“ segir heim-
ildarmaður The Sun úr herdeildinni
Blues and Royals.
Prinsinn er skotmark
Þrátt fyrir að prinsinn hafi kom-
ist óséður til Afganistan í desember
vegna samkomulags breskra yfir-
valda við þarlenda fjölmiðla, er ekki
gert ráð fyrir að slíkur samningur
endurtaki sig. Talið er að sá samn-
ingur hafi verið einstakt tilfelli og
munu ráðamenn nú taka ákvörð-
unina í kyrrþey. Það er að ýmsu að
huga þegar kemur að því að ákveða
hvort skynsamlegt sé að senda Breta-
prins aftur í víglínu hins stríðshrjáða
lands. Áhyggjur manna snúast einna
helst að því að sem konungborinn
einstaklingur málar hann flennistórt
skotmark, ekki bara á sjálfan sig,
heldur herdeildina sína eins og hún
leggur sig. Eins og er mun prinsinn
því aðeins æfa sig af krafti, og hver
svo sem niðurstaðan verður með
áframhaldandi vettvangsstörf hans
þá verður hann í það minnsta klár í
slaginn ef til kemur.
vill komast í víglínuna
Harry Bretaprins er orðinn langþreytt-
ur á bið við að komast aftur í fremstu
víglínu sem hermaður í Afganistan.
Hann hefur látið þá skoðun sína í ljósi
að hann vilji snúa aftur til hins stríðs-
hrjáða lands og sinna þeim skyldustörf-
um sem hann hefur verið þjálfaður til.
Yfirvöld skoða málið, en hafa áhyggjur
af því að Harry verði eftirsóknarvert
skotmark herskárra talíbana.
Áhyggjur manna snúast einna helst að því að
sem konungborinn einstaklingur málar hann
flennistórt skotmark, ekki bara á sjálfan sig,
heldur herdeildina sína eins og hún leggur sig.
Sigurður MikAel jóNSSoN
blaðamaður skrifar: mikael@dv.is
Harry hermaður bretaprinsinum líkaði vel
að vera í fremstu víglínu og segir það
ferskan andblæ frá konunglegum skyldu-
störfum. Hann ætlar sér aftur í stríðið.