Dagblaðið Vísir - DV - 25.09.2008, Blaðsíða 16

fimmtudagur 25. september 200816 Vesturland
Miklar og örar breytingar hafa átt
sér stað á Akranesi á síðustu árum.
Gísli S. Einarsson bæjarstjóri bend-
ir á að fjölgun íbúa í bænum á síð-
ustu fjórum árum jafngildi því sem
nemur um það bil tveimur stórum
þorpum á Íslandi. „Við erum með
rúmlega 16 prósenta fjölgun á fjór-
um árum, nú um stundir erum við
með 6.605 íbúa í bænum,“ segir
hann og bætir við: „Bæjarfélagið er
að stækka alveg gífurlega hratt og
maður hefur heyrt af fólki sem kom
hingað síðast fyrir tveimur árum
og taldi sig þekkja bæinn mjög vel.
Sama fólk sem kom hingað aftur
náði vart að átta sig á því hvað mikið
hefur breyst hérna á aðeins tveim-
ur árum.“
Breytingar á atvinnuháttum
Breytingarnar á Akranesi koma
þó ekki aðeins fram í því að íbú-
um hefur fjölgað hratt í bænum.
Atvinnuhættir Skagamanna hafa
einnig breyst nokkuð mikið á síð-
ari árum. Akranes hefur lengi gert
út á sjávarútveg, en með tilkomu
Járnblendiverksmiðjunnar og síð-
ar álvers Norðuráls á Grundartanga
þeim fjölgaði Akurnesingum mikið
sem vinna í stóriðju. „Þetta er afar
sterkt fyrir bæinn. Á sama tíma og
hlutur sjávarútvegsins hefur minnk-
að hafa tekjur hjá stóriðjustarfs-
mönnum hækkað. Bæjarfélagið er
að fá tekjur sem eru allt 10 prósent-
um hærri en við gerðum ráð fyrir í
upphafi.“
Gísli er þó bjartsýnn á að HB
Grandi muni í fyllingu tímans velja
sér Akranes sem útgerðarstöð. „Ég
ber þessa von í brjósti. Þeir hafa
býsna góðan vilja bæjaryfirvalda til
að hafa svona starfsemi hjá okkur,“
segir hann.
Völdin til bæjarfulltrúanna
„Akraneskaupstaður er að fara í
hamskipti um þessar mundir sem
felast í því að breyta úr hefðbundnu
stjórnskipulagi og færa valdið frá
bæjarráði til framkvæmda- og fjöl-
skylduráðs. Þessar breytingar taka
gildi um áramótin og með þeim er
verið að draga alla kjörna pólitíska
fulltrúa til ábyrgðar.“ Minnihlutinn
í bæjarstjórn mun þannig koma í
meiri mæli að stefnumarkandi að-
gerðum fyrir stjórnskipulag Akra-
ness. „Þetta er að mínu viti einhver
stærsta aðgerð sem hefur verið farið
í hjá íslensku sveitarfélagi. Við erum
þegar með fulltrúa minnihlutans í
bæjarráði og nú ætlum við að koma
þeim í framkvæmda- og fjölskyldu-
ráð. Það eru afar skemmtilegir tímar
fram undan og þó það sé samdráttur
víða er rekstur bæjarins í góðu lagi.
Atvinnuleysi hérna er undir einu
prósenti.“
Úr sjávarplássi
í stóri jub Gísli er þó bjartsýnn á að HB Grandi muni í fyllingu tímans velja sér Akranes sem útgerðarstöð.
Akraneskaupstaður hefur tekið miklum
breytingum á síðari árum. Íbúum hefur
fjölgað um 16 prósent á fjórum árum og
segir Gísli S. Einarsson bæjarstjóri að
tilkoma stóriðjunnar á Grundartanga
hafi gert mikið fyrir íbúa bæjarins.
Fram undan er að breyta stjórnskipu-
lagi bæjarins og færa valdið í auknum
mæli til bæjarfulltrúanna sjálfra, hvort
sem þeir eru í meirihluta eða minni-
hluta. Gísli er bjartsýnn á framtíðina á
Skaganum.
Gísli S. Einarsson „bæjarfé-
lagið er að fá tekjur sem eru
allt að 10 prósentum hærri en
við gerðum ráð fyrir í upphafi.“
Frá Akranesi
Kyrrð við slippinn.