Dagblaðið Vísir - DV - 25.09.2008, Blaðsíða 38

fimmtudagur 25. september 200838 Vesturland
„Silfurverðlaun eru nú ekki þau
skemmtilegustu sem til eru. En við
tókum nú tvo titla af þremur í fyrra og
erum sáttir við það,“ segir Sæþór Þor-
bergsson, formaður körfuknattleiks-
deildar Snæfells, um síðasta ár hjá
liðinu. Þar byrjaði það á að taka deild-
arbikarinn við upphaf móts, vann bik-
armeistaratitilinn en tapaði í úrslita-
einvíginu um Íslandsbikarinn fyrir
Keflavík.
Snæfell hefur verið eitt besta
körfuboltalið landsins undanfarin ár
og var ferð þess í úrslitaeinvígið í fyrra
sú þriðja á fimm árum en í öll skiptin
hefur það tapað gegn Keflavík.
Samdi ekki aftur
Bandaríkjamaðurinn Geof Kotila
hefur þjálfað Snæfell undanfarin ár
og gert það að stórveldi á Íslandi. Fjöl-
skylduástæður stóðu í vegi fyrir því að
hann gæti framlengt samning sinn
við Snæfell. „Við buðum Geof nýjan
samning. Ástæðan fyrir því að hann
fór er að konan hans er að fara í meist-
aranám sem er ekki hægt að taka hér
heima. Því fóru þau aftur til Danmerk-
ur og við skildum við þau hjónin á
bestu nótum,“ segir Sæþór sem seg-
ir Kotila einn þann besta sem hefur
þjálfað Snæfell.
„Þegar svona menn eins og Kot-
ila koma hingað á að nýta hann til
að læra meira því hann kenndi okkur
mikið. KSÍ og yfirstjórn körfuboltans
hefðu átt að nýta hann betur í nám-
skeiðahald og fleira. Það hefði verið
hægt að pumpa miklu meiri upplýs-
ingar upp úr honum,“ segir Sæþór.
Ótrúlegur eftirmaður
Snæfellingar fóru strax að leita að
eftirmanni Kotilas og fundu hann.
„Það er ótrúlegt að hann sé að koma
hingað miðað við þá ferilskrá sem
hann hefur,“ segir Sæþór um eftir-
manninn og sjaldan hefur orðatil-
tækið miðað við aldur og fyrri störf átt
jafnvel við. Maðurinn sem tekið hefur
við liði Snæfells er Makedóníumaður
að nafni Jordanco Davitkov.
Hann lék sjálfur körfubolta í sautj-
án ár með Rabotnicki, stærsta liði
Makedóníu, og vann með því sjö
deildarmeistaratitla og fjóra bik-
armeistaratitla. Hann hóf þjálf-
un 1999 hjá Fert-Gostivar og
vann meistaratitilinn með því
strax á sínu fyrsta ári. Eftir að
hafa söðlað aðeins um tók
hann svo við Rabotnicki
þar sem hann vann
meistaratitilinn og
bikarmeistaratitil-
inn þrjú ár í röð og
var valinn þjálf-
ari ársins öll þau
ár. Davitkov hef-
ur einnig gegnt
stöðu landsliðs-
þjálfara Make-
dóníu síðan
2001.
Hann
langaði að
breyta til
En hvern-
ig kom til að
svona stórt
nafni lendi í Stykkishólmi að
þjálfa? „Þetta er maður sem
hefur þjálfað landslið í um
átta ár í landi með miklu meiri
körfuboltahefð en við Íslending-
ar nokkurn tíma. Það er eigin-
lega ótrúlegt að honum skuli láta
sér detta í hug að koma til okkar.
Hann samt stóð einhvern veginn
á þannig tímapunkti að hann
langaði til að breyta til. Við vor-
um á sama tíma að leita og hann
var tilbúinn til að koma hingað.
Við bindum miklar vænt-
ingar við hann og strákarnir eru
mjög sáttir. Æfingar eru hafnar og
hann virðist vera að
gera athyglisverða
hluti. Það verður
mjög spennandi
að sjá hvað hann
gerir með liðið,“
segir Sæþór.
Hugsum ekki smátt
Ráðning Davitkovs og þeir
leikmenn sem liðið hefur feng-
ið til sín eru augljós yfirlýsing um að
Snæfell er ekki hætt. „Við höfum val-
ið það síðustu ár að hugsa ekki smátt.
Við ætlum að vera þarna til að skapa
og skipta máli eða bara hætta þessu.
Það var vissulega sjokk þegar Kotila
hætti en ég sagði við strákana að hafa
engar áhyggjur. Framhaldið yrði ekk-
ert gert með einhverjum aumingja-
skap. Það kemur alltaf maður í manns
stað og nú fengum við þennan mann
til að fylla þetta skarð sem ég tel mikla
lukku,“ segir Sæþór, en hvert er mark-
miðið í ár?
„Við erum ekkert af baki dottnir og
höfum fengið góða menn til liðsins.
Við fengum Serba til liðsins sem lof-
ar mjög góðu og Makedóna líka. Svo
fengum við Nate Brown sem leysir
Justin Shouse af í leikstjórnendahlut-
verkinu. Það er ennþá einn titil sem
við eigum eftir að vinna og við stefn-
um á að taka hann með okkur heim í
sveitina þegar mótinu er lokið,“ segir
Sæþór glettinn að lokum og meinar
að sjálfsögðu Íslandsmeistaratitilinn
sjálfan. tomas@dv.is
Þrátt fyrir að vera aðeins 1.200 manna bær á Vesturlandi á Stykkishólmur eitt besta körfuboltalið landsins,
Snæfell. Það vann tvo af þremur bikurum sem í boði voru í fyrra og lenti í 2. sæti á Íslandsmótinu. Það missti
þjálfarann sinn, Geof Kotila, eftir tímabilið en fékk engan smá eftirmann. Sæþór Þorbergsson, formaður körfu-
knattleiksdeildarinnar, segir liðið ennþá eiga eftir að vinna einn titil. Íslandsmeistaratitilinn.
Gleði snæfell lagði grindavík á
ótrúlegan hátt í undanúrslitum í
fyrra. Hér fagnar Justin shouse
sigrinum en hann er horfinn á
braut til stjörnunnar í garðabæ.
Kóngurinn Hlynur bæringsson
er lífið og sálin í liði snæfells.
Hann er einnig landsliðsmaður.
„HUGSUM
EKKI SMÁTT“