Dagblaðið Vísir - DV - 25.09.2008, Page 18

fimmtudagur 25. september 200818 Vesturland
Á Akranesi hefur lögreglumönnum
á vakt verið fækkað úr fjórtán niður í
átta á sama tíma og íbúum bæjarins
hefur fjölgað um liðlega eitt þúsund.
Mörg lögregluembætti glíma við slíka
fækkun í liðinu vegna fjárskorts. Jón
Ólason, yfirlögregluþjónn á Akranesi,
segir þó að ekki sé um raunverulegt
vandamál að ræða á Skaganum.
„Þetta er til þess að gera smátt um-
dæmi. Við gerðum skipulagsbreyt-
ingar hjá okkur sem urðu til þess að
þjónustan við borgarana hefur haldist
sú sama eða jafnvel batnað þrátt fyrir
fækkun í liðinu,“ segir hann. Breyt-
ingarnar fólust meðal annars í því að
fækka um einn mann á næturvökt-
um, sem jafnan eru rólegar, auk þess
sem embættið hefur gert samstarfs-
samninga við embættin í Reykjavík,
Borgarnesi og á Snæfellsnesi.
Rannsóknardeildina þarf að
styrkja
„Það er aftur á móti rannsóknar-
deildin sem við þurfum að styrkja,“
heldur hann áfram. Rannsóknar-
deild lögreglunnar á Akranesi þarf
að vera í stakk búin til þess að þjóna
öllu Vesturlandi þegar kemur að brot-
um í ákveðnum málaflokkum. „Und-
ir þessa deild heyra mál á borð við
fjármála- og auðgunarbrot, kynferð-
isbrot, alvarleg ofbeldisverk og flest
önnur meiriháttar brot,“ segir Jón.
Lögregluembættin sjá svo hvert fyr-
ir sig um fíkniefnamál. „Þeð er ekki
nema um þeim mun stærri mál sé að
ræða. Þá sér oftast lögreglan í Reykja-
vík um rannsóknina.“
Það er þarna sem Jón sér fyrir sér
mögulegan veikleika hjá embættinu.
Nú starfa tíu lögreglumenn á Akra-
nesi. Átta sinna vöktum, eins og áður
segir.
Umferðin og veðravítin
Algengustu verkefni lögreglunnar
á Akranesi lúta að umferðarmálum,
eins og víðast annars staðar. Tvö fræg
veðravíti eru í grennd við bæinn. Veg-
urinn undir Hafnarfjalli annars vegar
og vegurinn um Kjalarnes hins veg-
ar. „Það er fyrst og fremst Kjalarnesið
sem við höfum þurft að eiga við. Það
komu dagar síðasta vetur þar sem
þetta svæði var beinlínis mjög erfitt
við að eiga. Lægðirnar að undanförnu
hafa verið hálfgerðir kettlingar í sam-
anburðinum,“ heldur Jón áfram.
Það er svo eftirlit með hraðakstri
og akstri undir áhrifum áfengis og
vímuefna sem er í fyrirrúmi. „Það er
alltaf einn bíll í eftirliti. Þar er um að
ræða sérstakt átak sem er fjármagn-
að af Umferðarstofu. Ég fæ ekki betur
séð en að sú ráðstöfun skili sér vel.“
Heiðarleg áflog
„Akranes er í meginatriðum rólegt
samfélag. Höfum þó þann varnagla
að hér eiga menn það til að fljúg-
ast á um helgar,“ segir Jón og bendir
á að þessi mál séu ólík ofbeldisbrot-
um sem hann man eftir frá því að
starfa í Reykjavík. „Það er einhvers
konar sjóarabragur á þessu, ekki ólíkt
því sem frægt er bæði á Snæfellsnesi
og í Keflavík. Af tvennu illu eru þetta
sennilega skárri mál en þær tilefnis-
lausu og heiftarlegu líkamsárásir sem
stundum sjást í höfuðborginni.“
Jón segir að algengara sé að menn
fljúgist á þar til allar tölur séu horfn-
ar af skyrtunni og þá fari menn bara
heim. „En auðvitað þurfum við oft að
skakka leikinn.“ sigtryggur@dv.is
Þrátt fyrir fækkun í lögregluliðinu og stöðuga fjölgun íbúa telur Jón Ólason, yfirlögregluþjónn á Akranesi, að lög-
reglan nái að halda úti sömu þjónustu og áður. Umdæmið sé smátt og skipulagsbreytingar hafi skilað sér vel. Hins
vegar þurfi að styrkja rannsóknardeildina, sem eigi að sinna öllu Vesturlandinu.
Rannsóknar-
deildina þarf
að styrkja
„Það er einhvers konar sjó-
arabragur á þessu, ekki ólíkt
því sem frægt er bæði á Snæ-
fellsnesi og í Keflavík.“
Yfirlögregluþjónn Jón Ólason segir
að tekist hafi að halda sömu þjónustu
við borgarana, þrátt fyrir fækkun í
lögregluliðinu. MYND SIGTRYGGUR