Dagblaðið Vísir - DV - 25.09.2008, Side 46

fimmtudagur 25. september 200846 Vesturland
„Ég finn fyrir anda Snorra á hverj-
um degi. Mér finnst ég jafnvel sjá
gamla manninn skondra um hlöð-
in,“ segir Guðmundur Ólafsson,
hagfræðingur og íbúi í Reykholti í
Borgarfirði. Reykholt er sögufræg-
ur staður eins og flestir vita, enda
lifði þar og dó einn merkasti Ís-
lendingur sem uppi hefur verið,
sjálfur Snorri Sturluson.
„Þetta er svo sterkur andi að
maður finnur vel fyrir honum.
Hans hugsun og viska streymir
þarna um og yljar manni. Ég hugsa
daglega „Eigi skal höggva“,“ segir
Guðmundur og hlær.
Er engin ljósmóðir
Snorri er þekktastur fyrir ritstörf
sín og liggja eftir hann öndvegisrit-
in Heimskringla og Edda. Einnig
telja margir fræðingar á þessu sviði
að Snorri sé höfundur Egils sögu,
þótt ekki séu allir á eitt sáttir um
það. Aðspurður segir Guðmundur
engan vafa á því að hann eigi eft-
ir að skrifa sína Heimskringlu og
Eddu í Reykholti. „Ef ég fengi tíma
til skrifta er ekki nokkur vafi á því
að þau myndu streyma frá mér
bókmenntaverkin. Það er bara allt-
af svo mikið að gera hjá mér því ég
þarf að vinna svo mikið til að hafa
einhver laun. Ég er nefnilega engin
ljósmóðir,“ bætir Guðmundur við í
léttum dúr. „Það er svo annað mál
hvort einhver lesi verkin þegar ég
fer að birta þau. Ég vona allavega
að svo verði.“
Latínuhverfi og
fjármálahverfi
Að sögn Guðmundar skiptist
Reykholt í tvö hverfi. Annars vegar
það sem hann kallar latínuhverf-
ið sem er í kringum kirkjuna og
Snorrastofu. „Listirnar og menn-
ingin eru þar og við getum því sagt
að það sé svona latínuhverfið. Ég
bý hins vegar skammt frá þar sem
er sjoppan og verkstæðið. Ég kalla
það athafna- og fjármálahverf-
ið, eða „city“,“ segir Guðmundur.
Hann vill ekki kannast við að það
sé einhver rígur á milli hverfanna
eins og stundum vill verða hjá íbú-
um samliggjandi hverfa. „Allavega
ekki mikill. Þeir í latínuhverfinu
koma reyndar oft yfir í sjoppuna
og drekka kaffi. Þar höldum við
fundi og tölum illa um þá sem ekki
eru mættir.“
Á líka sumarbústað í
Reykjavík
Guðmundur segir byggðina
í Reykholti vera orðna töluvert
mikla. Sjálfur fluttist hann þangað
fyrir átta árum sem tengdist því að
hann hóf að kenna við Háskólann á
Bifröst tveimur árum áður. „Þá var
gott að eiga heima þar nærri,“ segir
Guðmundur en hann kennir einn-
ig við viðskipta- og hagfræðideild
Háskóla Íslands. Spurður hvort
hann hyggist búa í Reykholti þar til
yfir lýkur líkt og Snorri forðum segir
hann ekki útséð með það.
„Ég á nú sumarbústað í Reykja-
vík og það getur vel verið að ég flytji
í hann aftur. En það er ágætt að eiga
hosíló á báðum stöðum.“
kristjanh@dv.is
Guðmundur Ólafsson hagfræðingur býr í Reykholti í Borgarfirði og bíður eftir því að honum gefist
tóm til að rita sínar Heimskringlur og Eddur. Hann býr í athafna- og fjármálahverfinu á meðan kirkj-
an og fleira er í latínuhverfinu.
Finnur
daglega
Fyrir Snorra
Guðmundur Ólafsson „ef ég fengi
tíma til skrifta er ekki nokkur vafi á því
að þau myndu streyma frá mér
bókmenntaverkin.“
Snorri Sturluson ekki er laust
við að það sé smá svipur með
þeim snorra og guðmundi.
Reykholt guðmundur kallar
þann hluta svæðisins sem
kirkjan er í „latínuhverfið“.