Dagblaðið Vísir - DV - 25.09.2008, Side 62

fimmtudagur 25. september 200862 Vesturland
Golfparadís að Hamri
Steinsnar frá Borgarnesi er einn af skemmtilegustu golfvöllum landsins. Hamarsvöllur Golfklúbbs Borgarness er nýlegur
18 holu golfvöllur og sá eini á landinu sem býður upp á hótel á miðjum velli.
Golfklúbbur Borgarness (GB) var
stofnaður 21. september 1973 og voru
stofnfélagar þrettán talsins. Tæp-
um tveimur árum seinna var klúbb-
num úthlutað landi í Hamarslandi og
hófst þá mikil uppbygging sem hald-
ið hefur áfram óslitið síðan og náði
hámarki í fyrra þegar sex nýjar hol-
ur voru kláraðar og Hamarsvöllur þar
með orðinn fullgildur 18 holu keppn-
isvöllur. Miklum áfanga var náð og var
formleg opnun vallarins 23. júní 2007.
Uppbygging heimamanna
Eins og víðast hvar hjá minni golf-
klúbbum er það dugnaður og elja fé-
lagsmanna sjálfra sem skiptir sköp-
um. Hjá GB var það fyrst og fremst
sjálfboðavinna meðlima sem hélt
uppbyggingunni gangandi öll þessi
ár. Félagsmenn GB hafa efni á því að
vera stoltir yfir verki sínu því Hamar-
svöllur er með skemmtilegri golfvöll-
um heim að sækja.
Í dag telst völlurinn að Hamri til
betri 18 holu golfvalla landsins þrátt
fyrir ungan aldur. Reikna má með því
að völlurinn verði svo enn betri og
fallegri með árunum þegar umhverfi
vallarins jafnar sig og þau fjögur þús-
und tré, sem gróðursett hafa verið á
vellinum, vaxa úr grasi.
Golf og gisting
Árið 2005 var opnað 30 herbergja
hótel á sjálfum Hamarsvellinum.
Hótelið sem er rétt hjá klúbbhúsinu
er allt hið glæsilegasta og stendur til
að stækka gistirýmið um helming í
nánustu framtíð. Þessi aðstaða gerir
Hamarsvöll einstakan á landinu. Það
má því segja að hjá Golfklúbbi Borg-
arness sé eina „golf resort“ Íslands
en það fyrirkomulag, hótel á golfvöll-
um, þekkja allflestir kylfingar sem
fara í golfferðir á erlenda grund. Það
er því kannski tilvalið nú á síðustu og
verstu tímum að leita ekki langt yfir
skammt þegar kemur að golfferð-
um. Þetta golfsvæði er tilvalið fyrir
einstaklinga, fjölskyldur og fyrirtæki
sem og aðra hópa að nýta sér gisting-
una á þessu glæsilega hóteli um leið
og fólk nýtur þess að glíma við golf-
völlinn að Hamri.
Sumarið gott í ár
DV náði tali af Jóhannesi Ár-
mannssyni, framkvæmdastjóra GB,
og spurði hann út í starfsemina.
„Sumarið er búið að vera mjög gott
hjá okkur á Hamarsvelli. Vertíðin
byrjar í maí en lognast svo að mestu
út af þegar skólarnir byrja. Eftir það
fáum við aðallega hópa og fyrirtæki
til okkar. Við héldum fjölmörg mót í
sumar, meðal annars Kaupþingsmót
LEK og 3. deildar sveitakeppni GSÍ.
Við vorum með SPM-mótaröðina í
sumar sem var vel sótt og fjölmörg
önnur innanfélags- og opin mót.“
Vinsæll hjá borgarbúum
Jóhannes segir klúbbinn treysta
á heimsóknir kylfinga utan klúbbs-
ins. „Við erum um 190 meðlimir í
dag, sem telst ekki mikið en við fáum
miklu fleiri á völlinn en sú tala seg-
ir til um. Völlurinn fær mikla traffík
frá höfuðborgarsvæðinu þar sem við
erum með nokkra samstarfssamn-
inga við klúbba þar sem tryggja kylf-
ingum sérkjör hjá okkur. Stækkun
vallarins í 18 holur hefur síðan aukið
aðsókn að honum.
Framtíðin björt
Spurður um framtíðina segir Jó-
hannes að unnið verði af krafti í vet-
ur að ýmsum endurbótum á vellin-
um. „Við ætlum að stækka alla teiga
á vellinum og vinna í að klára tjarn-
ir sem við höfum verið að útbúa á
vellinum. Þetta verða aðalverkefnin
en stefnt er að því að Hamarsvöllur
verði þekktur sem skógar- og tjarna-
völlur í framtíðinni. Miðað við hvað
völlurinn er ungur er hann mjög
góður og eftir um það bil 2 ár verður
hann orðinn eins og við viljum hafa
hann,“ segir Jóhannes að lokum.
Allir velkomnir
Í faðmi fegurðar Borgarfjarðar
finnur golfáhugamaðurinn allt til alls
til ástundunar íþróttarinnar, hvort
heldur þeir kjósa að taka þátt í einu
af opnu mótunum sem haldin eru
á sumrin í GB og notfæra sér í leið-
inni gistinguna á Hótel Hamri, eða
hreinlega vilja taka sér hlé frá amstri
dagsins og njóta 18 holu golfhrings í
sveitasælunni að Hamri gegn vægu
vallargjaldi. Slíkt er tilvalið fyrir sum-
arbústaðafólk í nágrenninu sem
ætlar sér að verja einhverjum hluta
sumarsins í Borgarfirði.
Framtíðin virðist björt fyrir golfá-
hugamenn í Borgarnesi og nágrenni.
swaage@dv.is
Réttu tökin Kristvin
bjarnason, pga-golfkennari,
leiðbeinir nemanda.
Víða fagurt að Hamri
gott útsýni er frá
klúbbhúsinu í allar áttir.
Einstök hola 16. flötin er
alveg umlukin vatni.