Dagblaðið Vísir - DV - 26.03.2010, Qupperneq 30

30 FÖSTUDAGUR 26. mars 2010 HELGARBLAÐ
Stemningin er góð í stóra útvarpsstúdíó-inu í Efstaleiti þegar blaðamaður og ljós-myndari storma inn um dyrnar. Heiða tekur á móti okkur með virktum, kynn-
ir sig og heldur áfram að gera sig sæta, segjum
enn sætari, fyrir myndatökuna. Stalla hennar í
útvarpsþættinum H&M, Margrét Erla Maack,
gengur inn með látum. Ljósmyndari byrjar á
því að taka nokkrar myndir af Heiðu við stjórn-
borðið þar sem töfrarnir gerast í beinni. Margrét
Erla fær hana til að brosa með því að dansa fyr-
ir aftan. Hún hjálpar líka til: „Settu heyrnartól-
in undir hárið. Þá færðu stemningsmynd en þú
verður ekki með „helmet-hair,“ segir hún hjálp-
fús. Þættinum lýkur, Margrét kveður og viðtalið
hefst. Í litlu fundarherbergi, einhvers staðar í
völundarhúsinu sem hýsir starfsemi RÚV í Efsta-
leitinu.
SPÁÐ FYRIR UM SÖNGINN
Heiða Ólafs var skírð Aðalheiður Ólafsdóttir
og hún fæddist á Hólmavík þann 26. júlí 1981.
Blaðamanni lék forvitni á að vita hvort Aðalheið-
ur væri einhver slorgella sem hefði verið skil-
in eftir fyrir vestan. Hún hlær. „Nei, alls ekki. Ég
er bara skírð í höfuðið á ömmu minni sem hef-
ur líka alltaf verið kölluð Heiða eins og ég. Það
er bara miklu einfaldara að vera Heiða Ólafs alls
staðar en Heiða sums staðar og Aðalheiður ann-
ars staðar,“ svarar hún brosmild.
Heiða heldur fast í rætur sínar á Hólmavík og
ljómar þegar hún talar um staðinn. „Ég er svo
gríðarlega rík að báðir foreldrar mínir eru þaðan
og þarna átti ég líka afa mína og ömmur. Einn-
ig langömmur og -afa. Ég fæddist á elliheimilinu
á Hólmavík. Konur fara nú vissulega í bæinn til
þess að eignast börn en mér lá bara eitthvað á.
Það er nú skemmtileg saga, sem mér finnst gam-
an að segja, frá fæðingu minni. Það vildi þannig
til að þegar ég fæddist var stödd spákona á elli-
heimilinu, kona frá Þýskalandi sem hafði komið
hingað í stríðinu. Um leið og ég kom öskrandi í
heiminn sagði hún að ég yrði söngkona. Þetta er
saga sem mér þykir mjög vænt um,“ segir Heiða.
„Það voru forréttindi að alast upp í svona
þorpi. Þarna hljóp maður um á milli húsanna
hjá afa og ömmu og svo auðvitað vinkvennanna.
Mér finnst enn þá í dag rosalega gott að koma
heim og kúpla mig aðeins út úr þessu öllu.“
SÖNGURINN ALLTAF MÁLIÐ
Heiða segist alltaf hafa vitað að hana langaði að
syngja. Alveg frá því hún var kornung. „Ég vissi
alltaf hvað lægi fyrir mér, hvað sálina í mér lang-
aði til að gera. Ég byrjaði í tónlistarskóla fjögurra
ára á Hólmavík, lærði þá á blokkflautu. Svo fór
ég að læra á þverflautu og um leið og ég mátti
byrja að læra að syngja gerði ég það. Svo seinna
meir, ef það var árshátíð í skólanum, þá steig
maður náttúrulega á stokk og einnig byrjaði ég
snemma í leikfélaginu,“ segir hún en tekur fyrir
að hún hafi verið athyglissjúk sem barn.
„Nefnilega ekki. Ég hef alltaf verið veggjalús-
in en samt alltaf langað í hjartanu að syngja og
þess vegna var ég í öllu. Samt var ég tiltölulega
hlédrægt barn. Ég var samt aldrei sviðshrædd,
sviðshræðsla er meiri spenna fyrir mig sem ég
virkja sem sálfræði á sjálfa mig,“ segir hún en 16
ára var Heiða mætt til Reykjavíkur. Hún var ekki
bara söngfugl, hún var líka afbragðsnemandi
og komst því inn í Verslunarskólann. „Ég valdi
Versló vegna söngleikjanna. Á þeim tíma fór
minna fyrir lærdómnum reyndar en ég kláraði
nú samt,“ segir hún. Framhaldsnám var samt
ekki eitthvað sem hún sá sig í, ekki nema þá í
söngnámi. „Það var alltaf stefnan að læra meira
en ég fann ekki það nám í Háskóla Íslands sem
mér fannst henta mér. Því fór ég bara að vinna
og læra í Söngskólanum í Reykjavík,“ segir Heiða
sem á þessum tíma var einnig í hljómsveitinni
Url sem gaf út breiðskífu. Hún var því snemma
byrjuð í tónlistarbransanum.
ÞORÐI EKKI Í FYRSTA IDOLIÐ
Þjóðin fékk fyrst að kynnast Heiðu í gegnum aðra
seríu af Idolinu sem sló svo rækilega í gegn hér
á landi. En af hverju annarri seríu, eftir hverju
var hún að bíða? „Þetta var bara spéhræðsla,“
svarar hún hiklaust. „Það er kannski skrítið að
segja það því ég var alltaf að koma fram. Ég vissi
að þetta væri frábært tækifæri en ég varð að sjá
hvernig þetta væri áður en ég tæki þátt. Því var
eins gott að það kom önnur sería,“ segir hún og
hlær. Hún viðurkennir að fyrsta prufan hafi verið
henni erfið. „Ég var bara í smá „blackouti“ þrátt
fyrir að hafa staðið á sviði í nokkur ár. Kvíðinn
var svo mikill fyrir prufuna. Hvað ef ég hefði ekki
komist áfram, söngvari í hljómsveit sem spilaði
stundum einu sinni í viku á Gauknum? Þetta
Heiða Ólafsdóttir er
stolt dreifbýliskona frá
Hólmavík, nýútskrifaður
leikari frá virtum skóla
á Broadway, útvarpskona
og kærasta. Hún hefur
afrekað margt frá því
hún kom fyrst á mölina á
menntaskólaaldri, hark-
að með bílskúrshljóm-
sveitum, náð öðru sæti
í Idol og sér nú um einn
vinsælasta dægurmála-
þátt landsins. Tómas Þór
settist niður með Heiðu
og ræddi um mölina,
útvarpsstöðina sem hún
elskar, leiklistina, lífið,
en lítið um ástina.
snýst um að þora
SÓLÓ-
FERILLINN
Söngkona sem vill leika Heiða
Ólafs nýtur sín í söngnum en er búin
að klára leiklistarnám og vill finna
sig þar líka. MYND KRISTINN MAGNÚSSON