Dagblaðið Vísir - DV - 26.03.2010, Side 46

F Ö S T U DAG U R 26 . M AR S 201046
„Okkur finnst þetta vera rétti tíminn
og vitum að ef við gerum þetta ekki
núna gerum við þetta seinna. Sag-
an okkar er löng og rómantísk og við
höfum upplifað margt saman. Við
vitum einfaldlega að okkur er ætlað
að vera saman,“ segir Eva Pandora
Baldursdóttir, tvítug Sauðárkróks-
mær, sem mun ganga að eiga hinn 23
ára Albert Inga Haraldsson en parið
hefur verið saman í tvö ár.
Rómantísk saga
Eva Pandora og Albert Ingi kynntust
árið 2006. „Ég mundi alltaf eftir hon-
um og svo rétt eftir að við hittumst
aftur fékk hann heilahimnubólgu og
var næstum dáinn. Upp úr lyfjamók-
inu sagði hann nafnið mitt og þannig
vissi systir hans að við ættum allt-
af eftir að vera saman. Hann hugs-
aði um mig á þessari stundu þótt við
þekktumst mjög lítið. Mér þykir ofsa-
lega vænt um þessa sögu.“
Stóri dagurinn verður 21. ágúst en
brúðkaupið verður haldið á Sauðár-
króki og Eva segir fjölskyldur þeirra
fagna ákvörðuninni. „Mamma Al-
berts er klæðskeri og er að sauma á
okkur brúðarfötin sem er mjög hent-
ugt. Mamma mín hafði smá áhyggj-
ur og spurði af hverju við værum að
flýta okkur svona, við værum svo
ung og ættum hvorki hús né börn. Ég
svaraði henni því að það heimsku-
legasta sem maður getur gert þeg-
ar maður er svona ungur sé einmitt
að eignast hús og börn. Hún svaraði
engu en ég veit að hún meinar vel.
Hún var bara að vera mamma.“
Fjarsamband í eitt ár
Á þeim tveimur árum sem Eva og Al-
bert hafa verið saman voru þau í fjar-
sambandi í eitt ár. „Ég fór sem skipti-
nemi til Frakklands daginn eftir að
við trúlofuðum okkur og dvaldi þar í
eitt ár. Við skrifuðumst reglulega á og
náðum þannig að kynnast miklu bet-
ur auk þess sem hann heimsótti mig
þrisvar,“ segir Eva.
Aðspurð segir hún barneignir
ekki næst á dagskrá. „Við erum ekki
að gifta okkur til að fara þessa hefð-
bundnu leið, gifting fyrst og börn-
in svo. Við vitum bara hvað við vilj-
um. Börnin koma svo þegar við erum
búin að mennta okkur en við erum
bæði að klára framhaldsskóla og
stefnum á háskólanám í Reykjavík í
haust.“
indiana@dv.is
Eva Pandora er tvítug Sauðárkróksmær sem
mun ganga í það heilaga í sumar. Brúðgum-
inn er litlu eldri en parið veit hvað það vill.
„Okkur er
ætlað að
vera saman“
Ung og ástfangin Eva Pandora
og Albert Ingi hafa verið á föstu
í tvö ár og ætla gifta sig í sumar.
Hún er tvítug og hann 23 ára.
MYND FINNBOGI DAGSLJÓS
Kærleikur er heilun jarðar
Ingólfstræti 2 | Sími: 517 2774
www.gjafirjardar.is
Erum með mikið af fallegum gjafavörum