Lögmannablaðið - 01.06.2003, Qupperneq 4

Auglýsing frá Mannréttindastofnun Háskóla Íslands
4 2 / 2 0 0 3
FRÁ RITSTJÓRN
Heimurinn er sífellt að minnka og þaðeru ekki nýjar fréttir. Frá því hesturinn
hætti að vera þarfasti þjónninn hefur heim-
urinn verið að dragast saman. Ekki svo að
skilja að rúmmálið sé að minnka heldur hitt
að við förum alltaf sífellt hraðar yfir. Nú er
svo komið að Ísland er ekki lengur
afskekkt. Alþjóðavæðingin er á fullu stími
og lögmannastéttin fer ekki varhluta af því.
Það er ótrúlega stutt síðan lögfræðimenntun
fór fram svo til eingöngu á Íslandi. Eftir að
embættisprófi lauk stunduðu lögfræðingar
sín störf og ekki meira með það. Fáum datt
í hug að starfa erlendis eða sækja þangað
framhaldsmenntun og það þótti fásinna ef
það hvarflaði að erlendum lögfræðingum
að sækja um störf á Íslandi. Nú er öldin
önnur og þema þessa blaðs er alþjóðavæð-
ingin. Grein eftir danskan lögmann sem
starfar á Íslandi, um muninn á lögmanns-
störfum í Danmörku og á Íslandi, er mjög
áhugaverð. Þess má geta að greinin er birt á
dönsku en það var tekin ákvörðun um að
þýða hana ekki — í anda alþjóðavæðingar-
innar. Önnur grein, eftir íslenskan lögmann
sem starfaði í Flórída, er einnig áhugaverð
en það er ávallt hollt og gott að bera sig
saman við önnur lönd og fylgjast með hvað
er að gerast annars staðar. Skrifari hefur á
undanförnum árum átt þess kost að starfa
með áströlskum lögfræðingi, dönskum lög-
manni og nýlega hóf störf á stofu skrifara
lögfræðingur með menntun frá Belgíu.
Störf þeirra hafa falist í aðstoð við íslensk
fyrirtæki sem hyggja á landvinninga erlend-
is og svo skjalagerð vegna erlendra fyrir-
tækja sem stunda viðskipti hér á landi. Þá
hefur það verið ómetanlegt að hafa aðgang
að annari lögfræðiþekkingu en þeirri úr
lagadeild Háskóla Íslands
Það útskrifast varla sá lögfræðingur sem
ekki íhugar að sækja sér framhaldsmenntun
erlendis í faginu. Menntunarmál eru tals-
vert í umræðunni um þessar mundir enda
virðast sífellt fleiri telja það mikilvægt að
gera endurmenntun að skyldu fyrir lög-
menn. Þessi þróun á sér einnig stað í
nágrannalöndum okkar en sennilega eru
fáar stéttir jafn duglegar að sækja námskeið
og lögmannastéttin. Á öðrum stað í blaðinu
kemur fram að 130 manns sóttu námskeið á
vegum félagsins á vorönn.
Guðrún Björg Birgisdóttir
Mannréttindastofnun Háskóla Íslands er sjálfseignar-
stofnun sem Háskóli Íslands, Dómarafélag Íslands og
Lögmannafélag Íslands eiga aðild að.
Stofnunin auglýsir hér með eftir umsóknum um
styrk til að stunda rannsóknir á sviði mannréttinda.
Veittur verður styrkur að fjárhæð kr. 300.000 til að
skrifa ritgerð sem miðað er við að birt verði í viður-
kenndu alþjóðlegu tímariti á sviði mannréttinda. Styrk-
urinn gæti orðið hærri ef stjórn stofnunarinnar telur að
verkefnið gefi tilefni til þess.
Miðað er við að umsækjandi hafi lokið háskóla-
prófi í lögfræði. Æskilegt er að umsækjandi hafi lokið
framhaldsnámi við erlendan háskóla. Umsóknarfrestur
er til 15. júní 2003.
Í umsókn skal lýsa efni og markmiðum ritgerðar-
innar og sett fram áætlun um framvindu verkefnisins.
Frekari upplýsingar veitir Davíð Þór Björgvinsson
prófessor og formaður stjórnar Mannréttindastofnunar
Háskóla Íslands:
david.thor.bjorgvinsson@eftacourt.lu
eða david@hi.is
og símar: 00352 42 108 313 eða 525 43 29
Umsóknir ber að senda til:
Mannréttindastofnunar Háskóla Íslands
Davíð Þór Björgvinsson, prófessor
Lögberg, Háskóla Íslands
101 Reykjavík