Lögmannablaðið - 01.06.2003, Page 26

26
SAMÞYKKT var á síðasta aðalfundiLögmannafélagsins að fela stjórn
þess að vinna tillögur að reglum um
endurmenntunarskyldu lögmanna, þar
sem höfð yrði hliðsjón af sambæri-
legum reglum nágrannaþjóða þar um
og starfi CCBE að endurmenntunar-
málum. Hefur stjórn félagsins nú
skipað sérstakan starfshóp til þess að
gera tillögur að slíkum reglum, sem
stefnt er á að kynntar verði félags-
mönnum á sérstökum félagsfundi og
síðan bornar upp til samþykktar eða
synjunar.
En hvers vegna að taka upp skyldu til endur-
menntunar lögmanna? Eiga ekki lögmenn, og
reyndar aðrir þeir sem bjóða fyrirtækjum og ein-
staklingum sérfræðiþjónustu, að finna hjá sér
hvöt til þess að bæta við sig þekkingu og auka
hæfni sína í starfi án þess að á þeim hvíli sérstakt
lagaboð þar að lútandi? Er hægt að þvinga menn
til að læra og hefur þessi endurmenntunarskylda
einhverja raunhæfa þýðingu fyrir lögmannastétt-
ina? Án efa munu margar efasemdaraddir heyrast
meðal lögmanna og spurningar eins og hér að
framan, koma fram, þegar
tillögur vinnuhópsins verða
kynntar. En það er líka hið
besta mál. Umræða um fram-
þróun og framtíð lögmanns-
starfsins á sífellt að vera í
gangi og lögmenn eiga að
hafa skoðun á og bera
ábyrgð á því umhverfi sem
þeir starfa í. Félagið mun því
fagna skoðanaskiptum um
málið og hvetur þá félags-
menn sem koma vilja sjónar-
miðum sínum á framfæri, að
tjá sig um efnið.
En hvernig hugsa menn sér að
stilla kröfunni um endurmenntunar-
skyldu upp? Eins og fram kemur í
inngangi greinarinnar er gengið út frá
því að tekið verði mið af sambæri-
legum reglum og gilda í nágranna-
ríkjum okkar en endurmenntunar-
skyldu lögmanna hefur þegar verið
komið á í Noregi og Finnlandi að
frumkvæði lögmannafélaganna þar,
auk þess sem slíkar reglur taka að
öllum líkindum gildi í Svíþjóð síðar á
þessu ári. Þá er danska lögmannafé-
lagið, líkt og það íslenska, að skoða
þessi mál hjá sér. Loks má nefna að
endurmenntunarskyldu lögmanna er víða að finna
utan Norðurlandanna, t.d. í Belgíu, Bretlandi og í
Bandaríkjunum, þar sem slík skylda hefur verið
tekin upp í 40 fylkjum af 50.
Sé litið til fyrirkomulags skylduendurmennt-
unar í Noregi, þá þurfa lögmenn þar í landi að
ljúka minnst 80 stunda endurmenntun á 5 ára
tímabili. Þeir sem starfað hafa skemur innan
þessa tímabils, þurfa að ljúka tímafjölda í hlut-
falli við þann árafjölda sem þeir hafa starfað
innan tímabilsins. Af þessum 80 tímum þurfa að
a.m.k. 55 að vera á sviði lög-
fræði, en heimilt er að taka
25 tíma í fögum sem snúa að
rekstri lögmannsstofa og/eða
í tungumálum. Þá er einnig
hægt að fá metið inn kennslu
á sviði lögfræði, ritun fræði-
greina, setu í tilteknum
nefndum o.fl., sem sérstök
viðurkenningarnefnd ákveð-
ur hvort og þá hversu mikið
gildi hefur í tímafjölda.
Þannig fá þeir sem starfa í
laganefnd eða úrskurðar-
nefnd norska lögmanna-
2 / 2 0 0 3
Á AÐ TAKA UPP
ENDURMENNTUNARSKYLDU
LÖGMANNA?
Ingimar Ingason
framkvæmdastjóri
LMFÍ
Með því að taka upp
endurmenntunarskyldu
telur stjórn Lögmanna-
félagsins að hægt
verði að efla þekkingu
lögmanna, hæfni
þeirra og vellíðan í
starfi.