Lögmannablaðið - 01.06.2014, Blaðsíða 7

LÖgmannaBLaðið TBL 02/14 7
lAGADAGUrinn 2014
lagadeilda eða takmörkun á inngöngu
laganema sé ekki svarið við auknu
atvinnuleysi, heldur þurfi að auka
víðsýni svo lögfræðingar missi ekki
af störfum vegna of þröngrar túlkunar
laganáms. ef háskólarnir myndu
takmarka fjölda nemenda í lögfræði
þá myndi fjölga í öðrum deildum á
félagsvísindasviði því þeir nemendur
sem ekki kæmust að í laganámi
færu ekki í tækni- eða raungreinar.
Háskólarnir yrðu að breikka laganámið
og gæta þess að steypa ekki alla í sama
mótið. Háskólinn í Reykjavík hefur
lagt sitt af mörkum með því að bjóða
uppá þverfaglegt laganám og geta
nemendur þannig tekið BA í lögfræði
með viðskiptafræði sem aukagrein.
Laganám góður grunnur
Ágúst Þór Árnason taldi að lögfræðingar
myndu starfa við mun fjölbreyttari
störf í framtíðinni. Þegar hann var
fréttamaður hjá RÚV fyrir löngu hefði
hann fjallað um atvinnumöguleika
lögfræðinga og komist að því að
fjöldi starfandi lögmanna á Íslandi
væri með því mesta á Vesturlöndum
miðað við höfðatölu. Ágúst sagði
nám Háskólans á Akureyri vera
byggt á Bologna yfirlýsingunni sem
leggur áherslu á að nemendur lokist
ekki inni í ógagnsæju og óskilvirku
kerfi námsleiða. Þegar lagadeildin
var stofnuð var markmið hennar að
laganemar gætu aflað sér menntunar
til þess að gegna fjölbreyttum störfum,
m.a. lögmennsku, bæði hér heima og
erlendis. Ágúst telur að vel hugsað
og útfært nám í lögfræði muni í
framtíðinni vera góður kostur fyrir fólk
sem vill láta til sín taka í samfélaginu.
Laganám sé góður grunnur fyrir æsku
hverrar þjóðar til að leita hamingju á
sínum eigin forsendum án inngripa frá
ríkisvaldi eða hagsmunasamtökum.
Lögfræðingar vilja starfa sem
lögfræðingar
eyvindur g. gunnarsson sagði
blikur vera á lofti í atvinnumálum
lögfræð inga, en afleiðing þess að
fjöldi útskrif aðra hefði margfaldast
væri aukið atvinnuleysi. nú væri
svo komið að 100-130 manns sæktu
um einfalda fulltrúastöðu hjá ríkinu.
eyvindur sagði ekkert óeðlilegt við að
lögfræðingar sinntu öðrum störfum en
hefðbundnum lögfræðistörfum. Þeir
sem færu í gegnum fimm ára laganám
væru hins vegar flestir að stefna á að
starfa sem lögfræðingar. Hann sagðist
hafa áhyggjur af nýútskrifuðum og
taldi það ekki lausn að segja þeim
að fara starfa við annað en lögfræði.
markmiðið ætti að vera að útskrifa
færri nemendur og sinna þeim betur en
ekki að kenna stórum hópum með sem
minnstum tilkostnaði. Háskóli Íslands
mun nú í haust setja á fót inntökupróf
í lagadeild í fyrsta sinn en með því
verður reynt að tryggja að þeir sem
hefja nám við deildina séu vel undir
það búnir. Að lokum sagði eyvindur
mikilvægt að hafa í huga að hagsmunir
háskólanna færu ekki endilega saman
við hagsmuni stéttarinnar, atvinnulífsins
og réttar ríkisins.
nýtist laganámið á öðrum
sviðum?
Fanney Birna Jónsdóttir og Bergur
ebbi Benediktsson völdu sér ólíkan
starfsvettvang að loknu laganámi,
hún sem blaðamaður og hann sem
uppistandari. Fanney Birna fór í
lögmennsku að loknu námi en áttaði
sig fljótlega á að hún átti ekki við hana.
Fanneyju fannst erfitt að segja upp starfi
sínu og fara að gera annað en hún var
búin að mennta sig til. Laganámið nýtist
henni þó afar vel í núverandi starfi sem
blaðamaður. Bergur er uppistandari og
sagði námið ekki nýtast mikið í þeim
störfum. Hann sagðist ekki geta svarað
yfirskrift málstofunnar í fljótu bragði,
því fyrst yrði að svara stærri spurningu;
af hverju færu svona margir í lögfræði?
Hann taldi ástæðuna meðal annars vera
þá að lögfræði væri samfélagsgrein og
fólk vildi vera undirbúið í lífinu og geta
tekist á við áföll, s.s. gjaldþrot, skilnað
og fráfall ástvina; „Að loknu laganámi
ertu kominn með sverð og skjöld,“
sagði hann.
að lokum
Tilgangur þessarar málstofu var að
vekja lögfræðinga til umhugsunar
um breytt starfsumhverfi innan
stéttarinnar og reyna svara því hvaða
störfum þeir munu gegna í framtíðinni.
niðurstöður fyrirlesara voru helst þær
að lögfræðinga bíða mörg störf. Þeir
verða hins vegar að aðlagast breyttum
tímum, leita nýrra leiða og stíga út
fyrir boxið. geri þeir það ekki er
hætta á því að stéttin dragist aftur úr
og missi af störfum. málstofan tókst
vel í alla staði og umræður voru bæði
skemmtilegar og fræðandi.
Anna Lilja Hallgrímsdóttir.
F.v. eyvindur g. gunnarsson, Ágúst Þór Árnason, guðmundur Sigurðsson, Helga kristín
auðunsdóttir og Finnur Beck.