Lögmannablaðið - 01.06.2014, Blaðsíða 17

LÖgmannaBLaðið TBL 02/14 17
lAGADAGUrinn 2014
atviksins og niðurstaða hans var að
lagaumhverfið hér á landi væri býsna
gott í samanburði við nágrannalöndin
en framkvæmd laganna mætti hins
vegar bæta. Póst- og fjarskiptastofnun
hefði verið fengið tvíþætt hlutverk
með vistun netöryggissveitarinnar sem
gæti leitt til hagsmunaárekstra. Annars
vegar með því að gegna leiðbeinandi
þjónustuhlutverki og hins vegar
almennu eftirlitshlutverki. Lagði hann
meðal annars til að netöryggissveitin
yrði færð til almannavarnadeildar
ríkislögreglustjóra og liggur nú fyrir
Alþingi frumvarp til breytinga á
fjarskiptalögum þar sem sú breyting
er lögð til. einnig kom fram í úttekt
Páls að rétt væri að auka umfang og
starfsemi sveitarinnar þannig að hún
taki einnig til net- og upplýsingaöryggis
stjórnvalda sérstaklega.
Hættur sem steðja að
upplýsingaöryggi
Þorvarður Kári kom með sýn tækni-
mannsins á umræðuna og rakti þær
ógnir sem steðja að upplýsingaöryggi
og hvernig hægt sé að bregðast við
þeim. Þorvarður Kári fór yfir þau
svið sem upplýsingaöryggi er ætlað
að vernda, þ.e. fjármuni, friðhelgi
einkalífs, hugverkaréttindi, líf og
heilsa manna o.s.frv. Helstu ógnirnar
sem steðja að eru óhöpp, náttúruvá,
fjársvik, persónunjósnir, hleranir,
hugverkastuldur, skemmdarverk,
valdarán, hryðjuverk og netárásir.
Þorvarður Kári lýsti meðal annars
nýlegum dæmum um hvernig
einkagögnum hafi verið læst á tölvum
fólks með spillihugbúnaði og þau ekki
gerð aðgengileg fyrr en lausnargjald
hafi verið greitt.einnig lýsti hann
tilvikum um njósnir um fréttamenn til
að nálgast upplýsingar sem þeir hafa
undir höndum og njósnahugbúnaði
sem var komið fyrir í tölvum til að
stela auðkennislyknum. Bent var á að
heildarsýn skorti oft hjá fyrirtækjum
þegar netöryggismál væru annars
vegar og iðulega væri verið að tryggja
varnir á mjög afmörkuðum sviðum.
nefndi hann mikilvægi þess að fræða
og mennta almenning til að hann væri
betur í stakk búinn til að verjast þeim
ógnum sem steðja að.
Hvað ber framtíðin í skauti
sér?
nokkur umræða skapaðist í lok
málstofunnar þar sem velt var
upp álitaefnum um hvernig rétt
væri að skipa þessum málum til
framtíðar. meðal annars var spurt
hvort heildrænan lagabálk um
upplýsingaöryggi skorti.Í svörum
þátttakenda kom fram að til staðar
væri löggjöf um persónuvernd sem
væri ætlað að taka heildrænt á
þessum málaflokki en einnig væri að
finna kafla um persónuvernd í öðrum
lögum, s.s. fjarskiptalögum og því
ljóst að nokkur skörun er á starfsemi
eftirlitsstofnana. Spurning væri því
hvort rétt sé að samræma betur
starfsemi eftirlitsstofnana eða færa
allt eftirlit undir eina stofnun. einnig
var bent á galla á refsilöggjöfinni
hvað snertir refsiverð brot á þessu
sviði, s.s. tölvuinnbrot þar sem komist
er í einkamál manna, enda þarf þá
viðkomandi að höfða einkarefsimál
til að ná fram refsingu. Að síðustu
var stuttlega fjallað um rafeyri eða
dulmálsmyntir og því velt upp
hvernig slíkur eyrir eða myntir yrðu
skilgreindar í fræðikerfi lögfræðinnar,
s.s. hvort um eignarréttindi væri að
ræða eða hvort um væri að ræða
gjaldmiðil. nefnt var að fyrri leiðin
ylli vanda í tengslum við skattskyldu
en seinni leiðin færi ekki saman við
núgildandi lög um Seðlabanka Íslands
og lög um gjaldmiðil Íslands þar sem
íslenska krónan er nefnd sem eini
lögeyrir landsins og útgáfa í höndum
Seðlabankans.
Ingvi Snær Einarsson hdl.
góð aðsókn að námskeiðum félagsdeildar
ALLS 234 ÞÁTTTAKenduR voru á námskeiðum vorannar
2014 og hafa aldrei fleiri sótt námskeið á einni önn. mest
sótta námskeiðið að þessu sinni var um ógildingarfræði
stjórnsýsluréttarins með Páli Hreinssyni dómara við eFTA
dómstólinn. Að jafnaði stendur félagsdeild fyrir 20-25
námskeiðum fyrir lögmenn á hverju ári sem eru flest á
bilinu 2-4 tímar að lengd. Að þessu sinni var brugðið út
frá venju og fenginn lögfræðingur frá danmörku sem var
með tveggja daga námskeið í „drafting and negotiating
international Contracts.“