Fréttablaðið - 26.11.2014, Blaðsíða 6

26. nóvember 2014 MIÐVIKUDAGUR| FRÉTTIR | 6
1. Hvað hefur ríkissjóður greitt í laun
fi skvinnslufólks frá 2011?
2. Hvað eru margir á Íslandi með
skotvopnaleyfi ?
3. Hver fengu afhenta gullskó sem
markakóngur og markadrottning?
SVÖR:
1. 1,2 milljarða. 2. 31.322. 3. Gary Martin
og Harpa Þorsteinsdóttir.
STJÓRNSÝSLA Ekki fæst staðfest
hvort greinargerð sem Sigríður
Björk Guðjónsdóttir, þáverandi
lögreglustjóri á Suðurnesjum,
sendi aðstoðarmanni innanríkis-
ráðherra fyrir rúmu ári sé enn til
hjá lögregluembættinu.
Trausti Fannar Valsson, lekt-
or við lagadeild Háskóla Íslands,
segir aðspurður hvort lögreglu-
stjórinn hafi mátt senda aðstoð-
armanni ráðherrans greinar-
gerð um hælisleitandann Tony
Omos að svarið velti á því hvað
nákvæmlega hafi verið í skjal-
inu. „Það er alveg klárt að það
eru takmarkanir á því hvað er
eðlilegt að lögreglustjóri afhendi
ráðuneyti,“ segir hann.
Trausti segir að í málinu reyni
á stjórnsýslulegt samband ráðu-
neytis og lögreglustjóraembætt-
is og ákvæði í stjórnarráðslög-
unum um heimildir ráðuneytis til
að biðja um upplýsingar. Heim-
ildirnar séu afmarkaðar við það
sem þörf sé á til þess að sinna
eftirliti og yfirstjórn. Einnig
reyni á reglur um þagnarskyldu.
„Í þriðja lagi eru persónu-
verndarlög og reglugerð um
meðferð persónuupplýsinga hjá
lögreglunni,“ segir Trausti, sem
minnir á að Persónuvernd sé að
skoða málið. Þannig sé það í réttu
ferli hvað þetta varði.
„Það veltur í raun allt á því
hvaða upplýsingar þetta eru og
það er mjög erfitt að segja til
um hvort einhverjar reglur hafi
verið brotnar nema það sé upp-
lýst,“ segir Trausti. Hann bætir
við að líka þurfi að taka tillit til
hugsanlegra verklagsreglna og
hefða í ráðuneytinu um hlutverk
aðstoðarmanna ráðherra.
„Aðstoðarmenn koma að póli-
tískri stefnumörkun en ekki að
ákvörðunartöku. Á hinn bóginn
þá er ekki sjálfgefið að þeim sé
óheimilt að taka við hvers kyns
upplýsingum, það verður allt að
skoðast í heildarsamhengi hlut-
anna,“ segir Trausti og útskýrir
að starfsmenn ráðuneytis hafi
vegna sinna verkefna heimild-
ir í umboði ráðherra til að kalla
eftir upplýsingum frá undirstofn-
unum.
„Þess vegna er erfitt að segja
fyrirfram að það sé alveg óheim-
ilt að láta aðstoðarmann hafa
upplýsingar eða að honum sé
óheimilt að spyrja – ekki nema
vita um hvað hann er að spyrja
og nánar tiltekið hvað hann fær,“
segir Trausti.
Í yfirlýsingu Sigríðar Bjarkar
frá því 20. nóvember segir um
greinargerðina sem hún sendi
Gísla Frey Valdórssyni, aðstoð-
armanni innanríkisráðherra, að
hún hafi verið um „málefni Tony
Omos er tengdust meðal annars
hælisumsókn hans og því að hann
var eftirlýstur á þessum tíma og
talinn vera í felum á Suðurnesj-
um“.
Fréttablaðið spurðist fyrir um
það hjá núverandi lögreglustjóra
á Suðurnesjum hvort greinar-
gerðin sem forveri hans sendi
væri enn til hjá embættinu og
hvort hægt væri að fá afrit af
henni.
„Málið er til meðferðar hjá
umboðsmanni Alþingis og einn-
ig hefur Persónuvernd óskað upp-
lýsinga. Frekari upplýsingar er
ekki unnt að veita fyrr en fyrir
liggur hver afgreiðsla þessara
stofnana verður,“ svarar Ólaf-
ur Helgi Kjartansson lögreglu-
stjóri. Eins og fram hefur komið
er greinargerðin ekki til í innan-
ríkisráðuneytinu.
Lögmenn tveggja sem nefnd
eru í minnisblaðinu um Tony
Omos, sem Gísli Freyr lak úr
innanríkisráðuneytinu, hafa hvor
um sig óskað eftir öllum gögnum
sem tengjast þeirra skjólstæðing-
um hjá lögreglunni á Suðurnesj-
um. Gögn hafa enn ekki borist til
þeirra.
gar@frettabladid.is
Allt veltur á innihaldi
greinargerðar Sigríðar
Innihald greinargerðar sem lögreglustjórinn á Suðurnesjum sendi aðstoðarmanni
innanríkisráðherra í fyrra ræður hvort lögreglustjórinn hafi mátt senda skjalið
segir lektor við Háskóla Íslands. Ekki fæst staðfest að skjalið sé til hjá embættinu.
LÖGREGLUSTJÓRINN Sigríður Björk Guðjónsdóttir hefur sagt að hún hafi ekki gert neitt rangt er hún afhenti greinargerð um
hælisleitanda. FRÉTTABLAÐIÐ/GVA
Þess
vegna er erfitt
að segja
fyrirfram að
það sé alveg
óheimilt að
láta aðstoðar-
mann hafa upplýsingar eða
að honum sé óheimilt að
spyrja.
Trausti Fannar Valsson, lektor við
lagadeild Háskóla Íslands.
SJÁVARÚTVEGUR Fiskvinnslufyrir-
tækið Brimberg á Seyðis-
firði hefur síðastliðin tvö
ár greitt með atvinnuleysis-
tryggingum þegar hráefnis-
skortur er annars vegar og
þannig tryggt starfsmönn-
um sínum full laun á meðan.
Þetta gerir fyrirtækið til að
tryggja starfsöryggi verkafólks.
Fréttablaðið sagði frá því í gær
að atvinnuleysistryggingasjóð-
ur hafi greitt á síðustu fjórum
árum rúman milljarð í laun fisk-
vinnslufólks þegar hráefnis-
skortur er annars vegar. Fisk-
vinnslufyrirtækin þurfa hins
vegar að taka á sig fyrstu tíu
dagana á hverju ári, fimm á
hvorum helmingi til að eiga kost
á útgreiðslu úr sjóðnum.
Adolf Guðmundsson, stjórnar-
formaður Brimbergs, segir þetta
hluta af kjörum starfsfólks til að
tryggja öryggi þess. „Við höfum
á síðustu tveimur árum sett
um það bil 15 milljónir árlega
til viðbótar við atvinnuleysis-
tryggingar þannig að starfsfólk
okkar haldi fullum launum þrátt
fyrir hráefnisskort. Öryggi fólks
skiptir okkur miklu máli og ef
fólk finnur fyrir óöryggi missum
við starfsmenn frá okkur.“
Hann segir fyrirtækið ekki
hafa þurft að segja upp fólki. „Á
móti kemur að við segjum ekki
fólki upp þrátt fyrir hráefnis-
leysi og höfum ekki verið að
segja upp fólki yfir jól og áramót
þegar hráefnisskortur er oft við-
varandi.“ - sa
Brimberg greiðir full laun þótt skortur sé á hráefni til vinnslu til að tryggja hag starfsfólks:
Greiða full laun þrátt fyrir hráefnisskort
FRÁ SEYÐISFIRÐI Brimberg borgar
úr eigin vasa þegar hráefnisskortur er
annars vegar.
VEISTU SVARIÐ?