Fréttablaðið - 17.10.2015, Blaðsíða 8

Nánari upplýsingar um opnunartíma á vinbudin.is
Allar Vínbúðir
eru opnar í dag
Náist samningar ekki verða Vínbúðirnar lokaðar mánudaginn 19. október og þriðjudaginn 20. október.
Í dag eru allar Vínbúðir opnar. Opnunartímar eru sem hér segir:
Höfuðborgarsvæðið ásamt Akureyri kl. 11-18
Selfoss, Hveragerði og Reykjanesbær kl. 11-16
Grundarfjörður, Búðardalur, Hólmavík, Hvammstangi, Kópasker, Þórshöfn, Vopnafjörður,
Seyðisfjörður, Fáskrúðsfjörður, Djúpivogur, Klaustur, Vík og Þorlákshöfn kl. 12-14
Flúðir kl. 12-16
Aðrar Vínbúðir kl. 11-14
Umhverfismál „Hlýnun jarðar er
eitt stærsta vandamálið sem við
stöndum frammi fyrir og við verð­
um að bregðast við því. Við verðum
öll að hafa það að markmiði að
hnattræn hlýnun muni ekki verða
meiri en tvær gráður fram að næstu
aldamótum. Ef viljinn er fyrir hendi
þá tekst okkur það öllum saman,“
sagði François Hollande, forseti
Frakklands, í stefnuræðu sinni á
allsherjarfundi þings Hringborðs
norðurslóða, Arctic Circle, sem
sett var í Hörpu í gær. Hann er einn
aðalgesta á ráðstefnunni.
Ólafur Ragnar Grímsson, forseti
Íslands, er einn helsti hvatamaður
Hringborðs norðurslóða og setti
ráðstefnuna í gær. Samkoman,
sem fjallar um málefni og framtíð
norðurslóða, er nú orðin sú stærsta
og fjölþættasta sinnar tegundar.
Hollande fór fyrir ráðstefnuna í
gær á Sólheimajökul ásamt Ólafi
Ragnari, frönskum embættismönn­
um, vísindamönnum og sérfræð­
ingum þar sem hann kynnti sér
áhrif hlýnandi loftslags á bráðnum
jökulsins. „Nú hef ég séð með eigin
augum áhrif hlýnandi loftslags á
bráðnun jökla á Íslandi. Forseti
Íslands sýndi mér hvað jökullinn
hefur hopað mikið og mér finnst
það ótrúlegt,“ sagði Hollande.
Ólafur Ragnar sagði í ræðu sinni
í gær að stuðningur helstu leiðtoga
heims skipti verulega miklu máli
fyrir hringborðið og fyrir Ísland
og þakkaði Hollande kærlega fyrir
þátttöku sína.
Í stefnuræðu sinni fjallaði Holl­
ande um tengsl norðurslóða við
alþjóðlegu loftslagsráðstefnuna
sem fer fram í París í nóvember.
Hann lagði áherslu á að frönsk
stjórnvöld legðu nú kapp á að ná
árangri á þeim fundum. „Ég er
bjartsýnn á að það náist árangur
á ráðstefnunni í París sem er eftir
fimmtíu daga. Sú ráðstefna er lykil­
atriði í þessari baráttu og ég bind
miklar vonir við hana,“ sagði Hol­
lande og bætti við að markmiðið
væri að búa til nýjan samning allra
þjóða heims um verndun loftslags
jarðar.
Þá sagðist Hollande hafa ferðast
víða og heimsótt fleiri staði en
Ísland þar sem loftslagsbreytingar
væru farnar að hafa sjáanleg áhrif.
„Ég fór til Filippseyja þar sem flóð­
bylgjur hafa valdið mikilli eyðilegg­
ingu og svo var ég í Afríku þar sem
þurrkar eru að aukast,“ og hann
bætti við að ef ekkert yrði gert
myndu komandi kynslóðir ekki
upplifa mörg undur veraldar. „Við
verðum að ná árangri, ekki bara
fyrir þessa kynslóð heldur fyrir
komandi kynslóðir.“
Að sögn Hollande þurfa ríki
heimsins að efla forvarnir og vinna
að tækniframförum til þess að ná
því markmiði að hlýnun jarðar
verði ekki meiri en tvær gráður
fram að næstu aldamótum.
Með Hollande í för á Hringborði
norðurslóða er fjölmenn sendi­
nefnd franskra embættismanna,
vísindamanna og sérfræðinga auk
Ségolène Royal, umhverfis­ og orku­
málaráðherra Frakklands, og Michel
Rocard, fyrrverandi forsætisráð­
herra Frakklands, sem er sérstakur
sendimaður forsetans í málefnum
norðurslóða. nadine@frettabladid.is
Sá áhrif loftslagsbreytinga berum augum
Hringborð norðurslóða var sett í gær. Einn aðalgesta er François Hollande, forseti Frakklands. Hann segir hlýnun jarðar vera stórt
vandamál sem verði að bregðast við. Forsetinn fór á Sólheimajökul í gær og kynnti sér áhrif hlýnandi loftslags á bráðnun jökulsins.
François Hollande, forseti Frakklands, og Ólafur Ragnar Grímsson, forseti Íslands, ræddu við blaðamenn í gær.
FRéttablaðið/VilHelm
Koma frá 50 löndum
Hátt á annað þúsund þátttak-
endur frá 50 löndum sækja þriðja
þing Hringborðs norðurslóða,
Arctic Circle, sem fer fram um
helgina í Hörpu.
Þingið sækja fulltrúar frá fjölda
landa í Evrópu og Asíu sem og frá
öllum ríkjum norðurslóða. Þeirra
á meðal eru þjóðhöfðingjar, ráð-
herrar, embættismenn, vísinda-
menn, sérfræðingar, umhverfis-
sinnar, athafnamenn, stjórnendur
fyrirtækja, fjölmiðlafólk ásamt
forystumönnum.
Fjölmargar alþjóðlegar vísinda-
stofnanir, háskólar og náttúru-
verndarsamtök senda fulltrúa á
þingið og munu þeir taka þátt í
umræðum og málstofum um fjöl-
mörg efni norðurslóða.
1 7 . o k t ó b e r 2 0 1 5 l A U G A r D A G U r8 f r é t t i r ∙ f r é t t A b l A ð i ð