Fréttablaðið - 17.10.2015, Blaðsíða 37

Guðný Pálsdóttir ber hit­ann og þungann af þeim verkefnum sem koma inn
á borð hjá Trít og er allt komið á
fullt að undirbúa jólin. „Það er í
mörg horn að líta þessa dagana.
Okkar stærsti birgir er Kjötbank­
inn í Hafnarfirði, sem er frábær
kjötvinnsla. Þaðan fáum við
hangikjötið, hamborgarhrygg­
ina, patéin, grafna kjötið og fyrir
þá sem vilja minna af reyktu og
söltu þá erum við með lamba­
fille, læri, hryggi og hvað sem
er,“ segir Guðný.
Hangikjöt, gæs, bleikja og
hamborgarhryggur
Guðný segir úrvalið mjög fjöl­
breytt og körfurnar settar saman
með þarfir viðskiptavina í huga.
Sjá má ýmsar ólíkar samsetn­
ingar á heimasíðu Trít, www.
trit.is, og einnig er Trít á Face­
book. „Það eru tvær meginstefn­
ur í gangi þegar kemur að körf­
um. Sum fyrirtæki horfa á þessar
gjafir sem eins konar jólabónus
fyrir sína starfsmenn. Þá viljum
við gjarnan að karfan innihaldi
annað tveggja eða bæði, ham­
borgarhrygg og hangilæri. Með
þessu fylgir svo ýmislegt góð­
gæti sem gaman er að smakka.“
Guðný segir aðra viðskipta­
vini horfa meira til þess að setja
saman eitthvað spennandi sem
fólk borðar ekki dagsdaglega.
„Þar má nefna körfu með gæsa­
lifrarmús, tvíreyktu hangikjöti,
ljúffengum pylsum frá pylsu­
gerðarmeistaranum Klaus í
Skaftafelli og bragðgóða bleikju
frá Jónasi og Rögnu í Fagradal
við Vík. Þessar körfur eru oft
mjög fjölbreyttar og innihalda
smakk úr öllum áttum. Þetta
eru uppáhaldskörfurnar mínar.“
Síðarnefndu körfurnar eru afar
skemmtilegar gjafir til við­
skiptavina og vöktu mikla lukku
í fyrra. Blandaðar körfur með
til að mynda rauðvíni og eða
hvítvíni eru frábærar jólagjaf­
ir. „Við keyrum út fyrir þá sem
þess óska og það er skemmtileg
vinna,“ segir Guðný.
Persónuleg þjónusta
– falleg vara
Trít leggur mikið upp úr per­
sónulegri þjónustu. Mörg fyrir­
tæki hafa ákveðið fyrir fram þá
fjárhæð sem verja á fyrir hvern
starfsmann. Þá gerir Trít tilboð
í skemmtilega samsetningu,
þegar fyrir liggur hvert mark­
miðið með gjöfinni er og hvað
hún má kosta. Allar matarkörfur
frá Trít koma í fallegum, sterk­
um kössum og eru þeir hárauð­
ir að lit, svona jólarauðir.
Matarhandverk, sannkallað trít
Trít er sjálft að setja á mark­
að vörur úr gæsaafurðum á
næstu vikum. Þar er um ræða
gæsalifrarmús, eða foie gras, og
gæsaconfit, sem eru gæsalæri
steikt í andafitu og tætt niður í
krukku. Þetta er einkar ljúffengt
til dæmis með rauðlaukssultu.
Pylsurnar sem Trít býður upp á
koma úr Skaftafelli og eru í tak­
mörkuðu upplagi. „Fyrir jólin í
fyrra fengu færri en vildu ým­
islegt af því sem smærri birgjar
framleiða fyrir Trít. Það er því
skynsamlegt að panta snemma.
Trít framleiðir sína eigin sósu
sem kallast Trít­sósa og er al­
gjört konfekt með reyktri gæs,
reyktri bleikju eða grafinni og
er sósan trít í sjálfu sér,“ lýsir
Guðný.
Að sögn hennar eru gæsaaf­
urðirnar og pylsurnar hreinlega
matarhandverk. Á sama tíma
leggur Trít mikla áherslu á að
skipta einungis við framleiðend­
ur sem er vottaðir og bjóða eins
lífræna vöru og unnt er. Þann­
ig er bleikjan frá Fagradal alin
í lindarvatni og hefur Fagra­
dalsbleikjan alla tíð verið alin
á heilbrigðasta hátt sem mögu­
legur er.
„Október er ríflega hálfnað­
ur. Jólin eru skammt undan og
skella yfirleitt á okkur. Hægt er
að panta körfur á heimasíðu Trít
og ganga frá greiðslu. Nú eða
senda póst á trit@trit.is og gera
fyrirspurn.“
Gómsætar og glæsilegar
Trít ehf. býður upp á rammíslenskar jólamatarkörfur, þar sem íslensk jólahefð blandast matarhandverki. Körfurnar
frá Trít eru ríkulegar og innihalda allt það sem flestir vilja gæða sér á í aðdraganda jólanna eða á hátíðinni sjálfri.
Guðný Pálsdóttir með Jónasi, fiskeldis-
bónda, í Fagradal. Hér er skoðuð bleikja
sem verður reykt fyrir jólin. Matarhand-
verk frá litlum byrgjum spilar stórt hlut-
verk hjá Trít.
Körfurnar eru ólíkar að uppbyggingu og verðbilið breitt. Ýmsar samsetningar má sjá á www.trit.is.
Matarkörfurnar frá Trít eru gómsætar og glæsilegar. Hér er Hátíðartrít, vegleg gjöf sem býður upp á allt það helsta sem tengist íslenskri jólahefð.
FyrirtækjaGjaFir
LaUGarDaGUr 17. október 2015 Kynningarblað trít, Nói Síríus, tilgangur, heilræði og hugmyndir.