Glóðafeykir - 01.12.1969, Qupperneq 18

18
GLÓÐAFEYKIR
Afskrift vörubirgða nam alls kr. 13,26 milljónum. — Bókfærð fjár-
festing á árinu var 3,5 millj. kr. Afskrift umfram fjárfestingu um
1,3 millj. kr. Innstæður í viðskiptareikningum nema rösklega 20,6
millj. kr. Innlánsdeild 34,5 millj. kr. Bundið fé í Seðlabankanum
vegma Innlánsdeildar tæpar 7 millj. kr. Skiddir viðskiptamanna
nema alls kr. 22,6 millj. tæpum. Hagur félagsins út á við hefur batn-
að, m. a. vegna þess, að birgðir Mjólkursamlagsins hafa minnkað og
I járfesting verið lítil.
Fasteignir félagsins, sem eru að fasteignamati tæpl. 3,4 millj. kr.,
en að bókfærðu verðmæti kr. 26,6 millj. rösklega, eru brunatryggð-
ar fyrir kr. 103,5 millj. tæplega.
Kaupfélagsstjóra fórust að lokum orð á þessa leið:
„Allur tilkostnaður við búreksturinn hefur aukizt stórkostlega
undanfarin ár og miklu meira en framleiðsluaukningin, þótt mikil
hafi verið, miðað við aðstæður. Á sama tíma hefur opinber fyrir-
greiðsla verið skert. Má nefna sem dæmi, að rekstrarlán, þ. e. lán
vegna væntanlegs haustinnleggs, hafa lækkað frá 1959 úr 67,8% í
15,04% 1969, miðað við grundvallarverð bæði árin. Nú í ár hækkar
áburðurinn um 35% eða um 20 þúsund kr. miðað við vísitölubú,
auk hliðstæðra hækkana á öðrurn rekstrarvörum. Samtímis er grund-
vallarverð afurða, sem er þó langt undir framleiðslukostnaði, lækk-
að vegna útflutningsgjalds, sem nemur um kr. 75,00 á 15 kg dilk.
Vantar þó milljónatugi til þess að hrökkvi fyrir útflutningsbótum.
Þannig er búið að fyrrum höfuðatvinnuvegi og forðabúri þjóðar-
innar um aldir . . . . “
„Reikningsuppgjör ársins 1968 sýnir kr. 978.619,59 í tekjuaf-
gang. . . . Þetta er ekki mikil upphæð af 280 millj. kr. veltu — en þó
betra en hallarekstur. Eignir hafa verið afskrifaðar eins og fyrning-
arreglur heimila. Á undanförnum árum hefur sívaxandi dýrtíð og
verðbólga aukið tilkostnað við verzlunina ár frá ári, án þess að
álagning hafi hækkað í krónutölu, enda er fjöldi verzlana, bæði kaup-
félaga og kaupmanna, rekinn með halla síðustu árin. Verðlagsákvæð-
in eru óraunhæf og ýta undir óhagstæða þróun í verzlunarmálum.
Verzlunarkostnaðurinn fylgir innlendri verðlags- og efnahagsþróun.
Tvær gengisfellingar á minna en 12 mánuðum lækkuðu gengi krón-
unnar um meir en helming. Álagningarprósentan var lækkuð, verzl-
unin fékk sömu krónutölu og áður, en allur verzlunarkostnaður
hækkaði. Samdráttur varð í öllum viðskiptum vegna minnkandi
kaupgetu og atvinnuleysis. Fjármagnsþörf fyrirtækja og framleið-
enda hefur aukizt í hlutfalli \ið gengisfellingarnar, en lánsmögu-