Glóðafeykir - 01.12.1969, Page 63

GLÓÐAFEYKIR
63
Enn glímir Jón við hátt þenna og svarar:
Heill sit þú, hetjan snjalla,
hamastu við að rita.
Þörfin mun það útheimta
þar efni vel svo greinist.
Orðsnilld þér æ mun verða
og skriftin fagurroðin.
Það upp svo þú munt lesa
þrumandi rómi meður.
Fyrir fundinn kom bréf frá Dýraverndunarfélagi Sauðárkróks um
bættan ásetning hrossa, mannúðlegri aðferðir við fuglaveiði í Drang-
ey (sem nú er engin orðin) svo og að taka ekki unguð egg úr bjarg-
inu. A fundinum var mættur einn úr stjórn Dýraverndunarfélagsins,
Guðm. Andrésson dýralæknir. Þótti sumum nefndarmönnum bréf
þetta óþarft og víttu það. Málinu var vísað til atvinnumálanefndar,
en formaður hennar var (iísli á Víðivöllum, sýslunm. Akrahrepps.
Daginn eftir var Gísli eitthvað seinni á fundinn en venjulega, og
orti þá Pétur Hannesson:
Þótt menn séu að góna og gá,
Gísla sjá þeir hvergi,
því að hann liggur alltaf á
úti í Heiðnabergi.
Nefndin honum hlutverk gaf,
hér má frá því skýra,
svo nú fer liann aldrei af
eggjum Gvendar dýra.
Þá var lögð fyrir fundinn beiðni um ábyrgð sýslunnar á láni til
handa Sauðárkrókshreppi vegna barnaskólabyggingar, að upphæð
250 þús. kr. Var þeirri beiðni vísað til fjárhagsnefndar, og lagðist
hún gegn málinu. F.r ábyrgðarbeiðnin síðan kom fyrir sýslunefnd,
var hún felld. Töluðu ýmsir á móti, m. a. Jón á Bakka, sem aldrei
kvaðst mundu segja ,,já“, hvernig senr slíkt mál yrði túlkað. Pétur
Hannesson, sýslunm. Sauðárkróks, sótti málið fast, en er búið var að
drepa það, orti hann: