Glóðafeykir - 01.11.1971, Síða 8

8
GLÓÐAFEYKIR
Á aðalfundinum komu fram allmargar tillögur, svo sem venja er
til, og fjölluðu nefndir um flestar. Voru umræður miklar og oft fjör-
ugar. Verða samþykktir fundarins raktar hér og þó eigi allar.
Rekstrarhagnaður var, sem áður segir, 7,5 millj. kr. röskar. Var
samþ. að ráðstafa honum þannig:
Lagt í varasjóð 2,8 millj. kr.
Af viðskiptaarði, 4,5 millj., verði 3% af ágóðaskyldri úttekt félags-
manna fært í stofnsjóðsreikninga þeirra, en afgangurinn í viðskipta-
reikning.
Lagt í Menningarsjóð K. S. 100 þús. kr.
Framlag í Ferðasjóð félagskvenna 50 þús. kr.
Fjárveiting vegna 100 ára afmælis Sauðárkróks 100 þús. kr.
Fundurinn samþykkti „að beina því til Framleiðsluráðs, að það
ákveði vaxtadag á haustinnleggi hjá sláturleyfishöfum, 1. nóvember
á uppígreiðslu og 1. janúar á uppbót, en láti ekki nægja lauslegar
ábendingar í þessum efnum, þar sem nú eru engar samræmdar regl-
ur gildandi hjá sláturleyfishöfum. Jafnframt geri Framleiðsluráð til-
lögu um haustútborgun, og komi hún fram í verðlagsgrundvellinum
ásamt þeim vaxtadögum, er sláturleyfishöfum ber að vaxta innlegg-
ið, enda verði útborgun í samræmi við bankalán."
Aðalfundurinn samþykkti „að Kaupfélag Skagfirðinga gerist
styrktaraðili að Samtökum um náttúruvernd á Norðurlandi með þ\ í
að veita samtökunum tíu þúsund króna árlegt framlag."
Tillaga var flutt af Birni á Franmesi, fyrrv. stjórnarnefndarmanni,
þar sem skorað er á stjórn K. S. að „minnast aldarafmælis séra Sig-
fúsar Jónssonar, fyrrum kaupfélagsstjóra Kaupfélags Skagfirðinga, á
einhvern þann hátt, er sýni þökk og ræktarsemi félagsmanna við
minningu þess manns, er með sanni má telja föður kaupfélagsins.
Veitist stjórn K. S. óskorað vald í þessu máli.“
Tillagan var samþykkt með lófataki, nefndarlaust og umræðu-
laust. (Þ. 24. ágúst 1966 voru 100 ár liðin frá fæðingu séra Sigfúsar).
Fram var lögð og samþykkt svofelld tillaga:
„Aðalfundur K. S. 1971 samþykkir að beina þeim tihnælum til
stjórnar K. S., að nú þegar verði gerðar ráðstafanir til endurbóta á
húsnæði fyrir aðalsöludeildir félagsins svo og skrifstofur.
Jafnframt skorar fundurinn á byggingarnefnd og bæjarstjórn
Sauðárkróks að úthluta hið fyrsta lóð undir aðalstöðvar K. S. við
Skagfirðingabraut, samkvæmt umsókn félagsins þar að lútandi."