Glóðafeykir - 01.11.1971, Blaðsíða 59

GLÓÐAFEYKIR
59
apríl 1895. Foreldrar: Sr. Arnór, prestur að Hesti, Þorláksson, síðast
prests að Undirfelli í Vatnsdal, Stefánssonar bónda í Sólheimum í
Blönduhlíð, Stefánssonar, og fyrri kona hans Guðrún Elísabet jóns-
dóttir í Neðra-Nesi, Stefánssonar prests í
Stafholti, Þorvaldssonar. Kona Jóns í
Neðra-Nesi og móðir Guðrúnar Elísabetar
var Marta Stephensen, systir séra Stefáns
sterka á Mosfelli. Séra Arnór á Hesti „var
atorkumaður, frábær hestamaður, vel gef-
inn, hagmæltur" (ísl. æviskrár), rómaður
kennimaður og söngmaður.
Séra Lárus var hinn 6. í röð 10 systkina,
er öll komust til fullorðinsára. Fór ungur í
fóstur til móðurbróður síns, séra Stefáns
próf. á Staðarhrauni Jónssonar og konu
hans Jóhönnu Magnúsdóttur, og ólst upp
hjá þeim. Hann lauk stúdentsprófi 1915, guðfræðiprófi 1919, vígður
sama ár aðstoðarprestur séra Björns próf. Jónssonar á Miklabæ. Fékk
veitingu fyrir Miklabæjarprestakalli 1921, er séra Björn lét af emb-
ætti, var prestur og bóndi á Miklabæ til dauðadags. Átti að baki, er
hann lézt, lengstan embættisferil allra presta, er þá störfuðu innan
íslenzkrar kirkju. Tímum saman hafði hann á hendi aukaþjónustu
í Rípursókn, Glaumbæjar-, Víðimýrar-, Goðdala- og Ábæjarsóknum.
Árið 1928 kvæntist séra Lárus Guðrúnu Björnsdóttur prófasts á
Miklabæ, Jónssonar bónda á Broddanesi vestur, Magnússonar, og
konu hans Guðfinnu Jensdóttur bónda á Veðrará innri í Önundar-
firði og Sigríðar konu hans Jónatansdóttur á Vöðlum. Lifir Guðrún
mann sinn ásamt með þrem sonum af fjórum, er þau eignuðust. Þeir
eru: Séra Stefdn, prestur í Odda á Rangárvöllum, Halldór og Björn,
báðir í Reykjavík. Son eignaðist sr. Lárus með mágkonu sinni, Jens-
ínu Björnsdóttur, séra Ragnar Fjalar, prest á Siglufirði.*
Séra Lárus var lágur maður í lofti sem þeir frændur hans í föður-
kyn, léttur og kvikur, fríður ásýndum, fagureygur og sviphýr. Hann
var sérstæður maður um margt og kynlega saman settur; skarpgáfað-
ur, gæddur óbilandi sjálfstrausti, metnaðargjarn nokkuð, taldi sjálf-
an si° hafa manna bezt vit á flestum hlutum — og hafði líka vissu-
lega á mörgu skyn —, fór aldrei troðnar slóðir. Um hann blésu storm-
ar æði oft, fáar stundir lifði hann í logni. Hann var djarfhuga og
Sr. Lárus Arnórsson.
Sr. Ragnar er nú prestur í Hallgrímsprestakalli í Reykjavík.