Glóðafeykir - 01.09.1976, Page 6

6
GLÓÐAFEYKIR
stjórn voru endurkosnir Geirmundur Jónsson, Sauðárkr., Magnús
H. Gíslason, Frostastöðum og Ami Bjarnason, Uppsölum. Endur-
skoðandi var kosinn Sigtryggur Björnsson, Hólum, í stað Vésteins
Vésteinssonar í Hofstaðaseli, er eigi gaf kost á sér til endurkjörs,
hinn endurskoðandinn er Guðjón Ingimundarson, Sauðárkróki.
Geta má þess í sambandi við kosningu fulltrúa til að sækja aðalfund
SÍS, að hér var fyrir tugum ára tekinn upp sá háttur, að endurkjósa
aldrei sömu menn — nema kaupfélagsstjóra. Með þessu móti kynnast
stórum fleiri félagsmenn starfsemi Sambandsins en ella myndi. Er
mér eigi kunnugt um, að annars staðar sé þessi háttur á hafður.
G. M.
ÚR SKÝRSLU FORMANNS
í upphafi skýrslu sinar gat form. þess, að haldnir hefðu verið 11
stjórnarfundir á árinu 1975, þar af einn fundur með deildarstjórum
allra félagsdeilda svo og verzlunardeilda. A stjórnarfundum voru
tekin fyrir 70 mál, þ. á. m. að sjálfsögðu nokkur, er vörðuðu Mjólk-
ursamlagið sérstaklega, og 47 ályktanir samþykktar. Nálega alla
stjórnarfundi sat einn varamaður eða fleiri. Samlagsráð hélt 5 fundi
milli aðalfunda. Stjórn Fiskiðjunnar h/f, sem að nokkrum hluta er
skipuð stjórnarnefndarmönnum K. S., enda dótturfyrirtæki félags-
ins og raunveruleg eign þess að mestu, hélt 6 bókaða fundi milli
aðalfunda. Fiskiðjan var stofnuð 23. des. 1955, og hafa á þessum 20
árum verið haldnir 88 stjórnarfundir.
Það kom fram í skýrslu form., að á árinu 1975 voru fjárfestingar
K. S. með minnsta móti, miðað við stórframkvæmdir undanfarinna
ára, og námu þó röskl. 54 millj. kr. Má þar m. a. nefna kostnað við
að ganga að fullu frá stórgripasláturhúsi félagsins, sem er eitt hið
fullkomnasta í sinni röð, er um getur.
Enda þótt rekstur kaupfélagsins gengi vel á árinu og rekstraraf-
gangur næmi nál. 12 milj. kr., réðst þó margt á annan og verri veg
en svo, að við mætti hlíta með góðu móti. Um það fór form. svo-
felldum orðum:
„Vegna stórframkvæmda K. S. á síðustu árum hefur ófremdar-
ástandið á lánamálum valdið félaginu miklum erfiðleikum og miklu
tjóni, þar sem sumpart hefur dregizt langt úr hófi fram að afgreiða