Bændablaðið - 05.06.2014, Blaðsíða 12

12 Bændablaðið | Fimmtudagur 5. júní 2014
Fréttir
Breytt eignarhald félagsheimilisins Mela í Hörgárdal:
Leikfélagið eignast húsið og eflir
menningarstarf á svæðinu
Fulltrúar Hörgársveitar, Kven-
félags Hörgdæla og Leikfélags
Hörgdæla hafa skrifað undir
samning um breytingar á
eignarhaldi félagsheimilisins Mela
í Hörgárdal.
Leikfélagið eignast húsið að
fullu, með því meginskilyrði að
sú starfsemi sem fram fer í húsinu
stuðli að blómlegu starfi félagsins
og styðji við menningarlífið í
sveitarfélaginu og héraðinu öllu.
Leikfélag Hörgdæla hefur verið
aðalnotandi Mela mörg undanfarin
ár og sett þar upp leikverk af
ýmsu tagi við góðan orðstír. Með
samningnum er rennt enn styrkari
stoðum en áður undir hið blómlega
starf sem leikfélagið hefur staðið
fyrir.
Eignaraðild Kvenfélagsins lýkur
Með samningnum lýkur eignaraðild
Kvenfélags Hörgdæla að
félagsheimilinu, sem staðið hefur
óslitið allt frá upphafi. Kvenfélagið
hefur verið einn af burðarásum
samfélagsins í Hörgárdal og
nágrenni um áratugaskeið og gert
er ráð fyrir að samningurinn verði
til þess að styrkja félagið.
Rekstur húseigna er stór þáttur
í umsvifum Hörgársveitar og með
samningnum er stuðlað að því að
hann minnki. Eftir því sem tíminn
líður er gert ráð fyrir að af því verði
talsvert hagræði fyrir sveitarsjóðinn,
um leið og „grasrótin“ í
sveitarfélaginu fær frjálsari hendur
en áður fyrir listsköpun sína og
menningariðkun.
Í góðu ástandi
Félagsheimilið Melar í Hörgárdal
var upphaflega byggt árið 1924,
en hefur síðan verið stækkað og
endurbætt, og er nú 260 m2 að stærð
í góðu ástandi. Fyrir utan að henta
vel til leiksýninga er húsið kjörinn
staður fyrir fundi, veislur, ættarmót
og hvers konar mannfagnaði.
/MÞÞ
Aðalfundur Veiðifélags Þjórsár:
Lýsir yfir vonbrigðum með
fyrirhugaða Hvammsvirkjun
„Hvammsvirkjun hefur verið færð
úr biðflokki í nýtingarflokk af
Verkefnisstjórn Rammaáætlunar.
Ekki eru til nein vísindaleg rök
fyrir þessari breytingu,“ segir í
ályktun aðalfundar Veiðifélags
Þjórsár sem haldinn var í
Brautarholti 3. apríl 2014.
„Verði Hvammsvirkjun byggð
mun lífsskilyrðum fiska ofan við
Búða verða stefnt í hættu. Boðaðar
mótvægisaðgerðir eru ólíklegar
til árangurs og hafa erlendir
vísndamenn með sérþekkingu á
þessum málaflokki bent á fjölmörg
tilfelli þar sem lausnir eins og
þær sem Landsvirkjun boðar við
Hvammsvirkjun hafa brugðist að
heita má algjörlega. Ekki hefur
tekist að fá upplýsingar um eitt
einasta tilfelli þar sem virkni er
ásættanleg.
Á síðustu áratugum hefur
laxgengd fyrir ofan Búða aukist
mjög og hrygning margfaldast.
Í niðurstöðum rannsókna
starfsmanna Veiðimálastofnunar
á vatnasvæði Þjórsár ofan Búða
kemur skýrt fram hversu mikilvægt
þetta svæði er orðið fyrir laxastofn
Þjórsár í heild sinni. Rannsóknir
sýna að Hvammsvirkjun mun raska
68% búsvæða ofan Búða.
Sá fiskur sem elst upp ofan
við Búða gengur í Þverá, Sandá
og Fossá. Fiskur klakinn út í
þessum hluta árinnar leitar um
allt vatnasvæðið og á eftir að gefa
eigendum sínum auknar tekjur og
þar með styrkja búsetu í sveitum
við Þjórsá fái áin að vera í óbreyttu
ástandi.
Það eru okkur mikil vonbrigði
sem eigum veiðirétt í Þjórsá að
ræktunarstarfi síðustu áratuga skuli
vera stefnt í svo mikla óvissu.“
Þjórsá nokkru ofan við fyrirhugaða Hvammsvirkjun. Mynd / HKr.
Tollkvóti vegna innflutnings
á nautakjöti er opinn og hefur
verið það síðan 28. febrúar
síðastliðinn. Það þýðir að
innflytjendur geta flutt inn
nautakjöt á 45 prósentum af
þeim magntolli sem myndi
leggjast á ef kvótinn væri ekki
opinn. Athygli er vakin á þessu
á heimasíðu atvinnuvega- og
nýsköpunarráðuneytisins, vegna
umræðu um skort á nautakjöti
og innflutning upp á síðkastið.
Auk magntollsins leggst 30
prósenta verðtollur á kjötið. Sem
dæmi má nefna að tollur á hakkefni
er 270 krónur sem er 45 prósent
af leyfilegum magntolli. Væri
tollkvótinn ekki opinn myndi
tollurinn verða 30 prósent af
innflutningsverði auk 599 króna.
Þegar tollkvóti er opinn, eins
og núna, hefur verðhækkun á
innlendu nautakjöti engin áhrif á
innflutningsverðið, að því er fram
kemur í frétt ráðuneytisins. /fr
Tollkvóti fyrir nautakjöt opinn
„Það er frábært að vera komin
á Selfoss enda eigum við marga
viðskiptavini á svæðinu þar
í kring. Ekki spillir fyrir að
starfsmaður okkar, Margrét
Lilliendahl, býr á staðnum og mun
sinna nýja útibúinu,“ segir Óðinn
Elísson hrl., sem er eigandi og
framkvæmdastjóri Fulltingis, en
hann er sjálfur búsettur í Kjósinni.
Fulltingi hefur mikla sérhæfingu
í slysa- og skaðabótamálum
og uppgjörum slysabóta við
tryggingafélög. „Við hvetjum fólk
sem lent hefur í slysum að koma
við á skrifstofu okkar og leita
sér upplýsingar um rétt sinn hjá
sérhæfðu starfsfólki þar sem fólk
lendir í slysum veit oft ekki rétt sinn
sem oft kann að vera meiri en það
ætlar í fyrstu. Best er að koma sem
fyrst eftir að slys hefur orðið til að
fá ráðgjöf,“ segir Margrét og bætir
því við að Fulltingi bjóði Selfyssinga
og aðra nærsveitamenn hjartanlega
velkomna. Skrifstofan er til húsa við
Austurveg 42, 2. hæð á Selfossi, fyrir
ofan Nettó. Hjá fyrirtækinu starfa um
20 starfsmenn. /MHH
Fulltingi opnar útibú á Selfossi
Margrét Lilliendahl og Óðinn Elísson
á nýju skrifstofunni á Selfossi.
Axel Vatnsdal, formaður Leikfélagsins, Jónína Björg Grétarsdóttir, formaður Kvenfélagsins, og Guðmundur
Sigvaldason sveitarstjóri takast í hendur við undirritun samningsins um félagsheimilið Mela.
Garðyrkjustöðin Akur verið án vottunar frá áramótum:
Hefur samt merkt vörur sínar með vottunarmerkinu
– ástæðan sögð ágreiningsmál um gildi samningsins við Vottunarstofuna Tún
Eins og greint var frá í síðasta
Bændablaði hefur Garðyrkjustöðin
Akur ekki lengur lífræna vottun
frá Vottunarstofunni Túni.
Bændur þar héldu áfram að nota
svokallaðan svepparotmassa
sem áburðargjafa en hann hefur
verið bannaður í lífrænt vottaðri
ræktun. Því var vottunin ekki
endurnýjuð hjá Akri um síðastliðin
áramót – þegar gildistíminn rann
út. Engu að síður hefur Akur,
sem var einn stærsti framleiðandi
á vottuðu lífrænt ræktuðu
grænmeti á Íslandi, áfram notað
vottunarmerki Túns á vörum
sínum.
Í samtölum Bændablaðsins við
Þórð Halldórsson, garðyrkjubónda
á Akri, hefur komið fram að á milli
Vottunarstofunnar Túns og Akurs
sé ágreiningur um gildi samnings
þeirra á milli.
Þórður vildi ekki greina nánar frá
þeim málum á þessu stigi málsins.
Hann hefur þó upplýst að í ljósi
afstöðu Túns til starfsumgjarðar
lífrænnar ylræktar munu vörur
frá Akri ekki lengur merktar
vottunarmerki Túns. Á Akri mun þó
haldið áfram héðan í frá sem hingað
til að rækta með þeim hætti sem
gert hefur verið – í lífrænum anda.
Slæm þróun
fyrir lífrænt vottaða framleiðslu
Guðrún Arndís Tryggvadóttir er
framkvæmdastjóri Náttúran.is, einn
stofnenda Samtaka lífrænna neytenda
og situr þar í framkvæmdanefnd.
Hún harmar hvernig þessi mál
hafa þróast og segir þau ekki
vera til hagsbóta fyrir lífræna
vottun í landinu. „Ég hef lagt
gríðarlega vinnu í að vinna lífrænni
hugmyndafræði brautargengi og
halda gagnagrunn um hverjir hafa
vottun á Íslandi og fyrir hvað. Bæði
gefið út prentað kort og vefkort á
vef mínum Náttúran.is til marga
ára. Því tekur mig mjög sárt að
einn aðili skuli reyna að sverta
starfshætti Vottunarstofunnar Túns
með þessum hætti og láta líta út
fyrir að Tún sé að skemma fyrir
lífrænni vottun með því að vilja
hlíta alþjóðlegum viðmiðum.
Akur hefur haldið áfram að selja
vörur sínar með vottunarmerki
Túns, sem brýtur í bága við allar
reglur. Þórður Halldórsson er ekki
vottunaraðili yfir sjálfum sér og
hann verður að gera sér grein fyrir
að sömu reglur gilda fyrir hann
og alla aðra. Verst er þetta fyrir
orðspor lífrænnar ræktunar. Það er
skylda mín að hylma ekki yfir þegar
vottunarmerki eru misnotuð, í þeirri
von að enginn fjalli um málið – en
það er nákvæmlega það sem Þórður
hefur gert síðastliðið hálft ár.
Fyrir tveim dögum var ég í
Krónunni á Selfossi og sá þá í
fyrsta skipti að vottunarmerkið var
ekki sýnilegt á vörunum hans en
hann hefur nú límt Akur-límmiða
yfir vottunarmerkið. Merkið er þó
sýnilegt hinum megin á plastinu.
Það getur varla verið lögum
samkvæmt að afgreiða málið með
svo ódýrum hætti þegar upp hefur
komist að vottunin sé ekki lengur til
staðar og halda svo áfram að selja til
verslana – sem eru ekki meðvitaðar
um staðreyndir málsins.“
Í vettvangsferðum Bænda-
blaðsins í verslanir á undan förnum
dögum kom í ljós að enn mátti sjá
vottunarmerki Túns á vörum Akurs,
þó í flestum tilvikum sé búið að
líma yfir það með merki frá Akri.
Hvetur Guðrún eigendur Akurs
til að hefjast handa við nauðsynlegar
úrbætur – sem aðrir ræktendur hafi
þegar gert – og hefji aftur lífrænt
vottaða framleiðslu.
Í upplýsingum frá Vottunar-
stofunni Túni, vegna fyrirspurnar
um hvernig eftirliti með
vottunarmerkinu sé háttað, kemur
fram að eftirlit af hálfu Túns á sér
stað í úttektum hjá framleiðendum
eða með öðrum áreiðanlegum hætti.
Berist upplýsingar um merkingar
sem ekki samrýmast reglum, er
kannað hvort slíkar upplýsingar
eigi við rök að styðjast.
Ef framleiðandi verði uppvís að
misnotkun á vottunarmerki Túns,
er haft samband við viðkomandi
og honum bent á, að um óheimila
notkun á merkinu sé að ræða. Hingað
til mun sú staða ekki hafa komið
upp að nauðsynlegt hafi verið að
leita til hærra yfirvalds, en í slíkum
tilvikum væri Matvælastofnun það
yfirvald sem málinu yrði vísað til.
Upplýsingar framleiðendur ekki
birtar opinberlega
Vottunarstofan Tún vildi hins vegar
ekki svara því beint hvort athugasemdir
hefðu verið gerðar varðandi
notkun Akurs á vottunarmerkinu –
upplýsingar um frávik frá reglum hjá
einstökum framleiðendum væru ekki
birtar opinberlega. /smh