Bændablaðið - 05.06.2014, Blaðsíða 45

45Bændablaðið | Fimmtudagur 5. júní 2014
Sérstakt áhugasvið dr. Jóhannesar
Kára Kristinssonar, augnlæknis
og sérfræðings í laser-aðgerðum,
er þau óþægindi sem fólk hefur
hér á landi út af þurrum augum
og hvarmabólgu. Telur hann að
orsökina geti m.a. verið að finna
í útstreymi brennisteinsvetnis út í
andrúmsloftið frá hverasvæðum.
Út af þessum vanda hefur hann
stofnað þurraugnaþjónustu hjá
Augljós og fyrirhugaðar eru
sérstakar rannsóknir á þeim
vanda.
„Þarna er um algerlega vanrækta
sjúkdóma að ræða í íslensku
þjóðfélagi,“ segir Jóhannes. „Ég finn
að úti í þjóðfélaginu er mjög margt
fólk sem gengið hefur í fjölda ára
með þurr augu og hvarmabólgu án
þess að fá úrlausn sinna mála.“
Hann segir að til að bæta líðan
fólks með þurr augu hafi menn
notað gervitár sem á síðustu tíu
árum hafi þróast mjög og séu nú til
í talsverðu úrvali. Bendir hann á að
svo furðulegt sem það kunni að vera
viti menn í dag allt um Kárahnjúka
en nánast ekkert um þurr augu og
hvarmabólgu sem hrjái um 20-30%
landsmanna.
Hvarmabólgan mjög skæð
„Hvarmabólgan er mjög skæð hér á
landi og mig grunar að það sé eitthvað
sérstakt við Ísland og loftslagið hér
sem veldur því að fólk er oft með
sviða í augu og slæma hvarmabólgu.
Það er til dæmis ekki einleikið að
fólk sem þjáist af ertingu í augum
og hvarmabólgu, líður mun betur
þegar það fer erlendis, svo maður
tali ekki um til sólarlanda. Ég held að
sundlaugarnar hér á landi séu partur
af þessum vanda og líka hversu
mikið er af dísúlfíðsamböndum
í loftinu í kringum okkur. Þar er
með öðrum orðum um að ræða
brennisteinsvetni sem kemur frá
okkar heitu hverum. Það er ertandi
fyrir augun og sérstaklega fyrir fólk
með hvarmabólgu. Þetta er eitthvað
sem við verðum að skoða betur, því
þar gæti verið að finna skýringuna á
því hvers vegna þetta er svona mikið
vandamál á Íslandi.“
Jóhannes segir mjög erfitt að
mæla og meta orsakir sviða í augum.
Þá varði þetta líka menningarlegt
uppeldi því Íslendingar séu ekki
mikið að kvarta yfir sviða í augum
þó hann sé óþægilegur.
„Það sem ég hef þó orðið var við
er að einstaklingur með slík einkenni
verður einkennalaus þegar hann fer
úr landi. Þegar komið er til baka
hefst síðan aftur sviði í augum og
hvarmabólgueinkenni. Hugsanlega
mætti skoða ákveðin landsvæði
með þetta í huga og bera saman
þessi einkenni á landsvæðum þar
sem lítið dísúlfít er í lofti við svæði
þar sem meira mælist af því. Það
má hugsanlega líka sjá þetta í sölu
á gervitárum og öðru á mismunandi
stöðum á landinu. Slík athugun hefur
þó aldrei farið fram, en nú stendur til
að skoða þetta betur.“
Kennir fólki að tileinka sér
ókeypis meðferð
Eins og flestir vita sem kynnst hafa
hvarmabólgu hafa læknar oftar en
ekki vísað fólki á sýklalyf til að bæta
úr ástandinu. Jóhannes segir slíkt þó
vera ranga nálgun á vandamálinu.
Sýklalyfin minnki aðeins bakteríur
á hvörmunum tímabundið en þær
komi fljótt aftur þar sem veröldin
sem við lifum í sé full af bakteríum.
„Það er merkilegt hversu
fáir hér á landi kunna meðferð
við hvarmabólgu miðað við það
sem ég kynntist þegar ég var við
nám í Bandaríkjunum. Ég hef
stundum sagt í gríni við sjúklinga
að það versta við meðferðina sé
að hún er ókeypis því fólk getur
framkvæmt hana sjálft. Það þarf
þó mikla þolinmæði við þetta, sem
Íslendingar hafa gjarnan ekkert of
mikið af.
Þvottapoki og sápa er málið
Málið er að fólk þarf aðeins að
taka þvottapoka og bleyta hann í
vel heitu vatni og leggja pokann
yfir augun í svona eina mínútu.
Síðan eru settir einn til tveir dropar
af t.d. Neutral barnasjampói í
þvottapokann og augnhvarmarnir
þrifnir með því einu sinni eða
tvisvar. Ef fólk gerir þetta einu sinni
á dag er þar um að ræða magnaða
meðferð við hvarmabólgu. Með því
að beita þessari aðferð reglulega
drepum við bakteríurnar sem valda
hvarmabólgunni.
Þetta er aðferð sem þjóðin þarf
einfaldlega að tileinka sér, líkt og
þegar tannlæknar fengu okkur til að
bursta tennurnar á hverju kvöldi.“
Jóhannes segir hvarmabólgu
vera mjög algenga hér á landi.
Viðvarandi hvarmabólga valdi því
að augnlokin þykkni og augnhárin
geti farið að vaxa inn á við, sem geti
verið mjög slæmt fyrir augun.
/HKr.
Þurr augu og hvarmabólga er
sérstakt vandamál á Íslandi
– Dr. Jóhannes Kári Kristinsson telur líklegt að brennisteinsvetni í lofti geti verið orsök
Mynd / HKr
DALVEGI 16c · 201 KÓPAVOGI
SÍMI 568 6411 · WWW.RAFVORUR.IS
· Tekur heitt vatn > sparneytin
· Stórt op > auðvelt að hlaða
· Þvotta og orkuklassi A
· Engin kol í mótor
12 kg
Þvottavél
Amerísk
gæðavara
Hýsi - Merkúr hf. / Völuteigi 7 / 270 Mosfellsbær / Sími 534 6050 / hysi@hysi.is / www.hysi.is
SAMLOKUEININGAR
FYRIR ÞAK OG VEGGI
• Áfellur og skrúfur
• Betra verð en þú heldur......
• Nánar á www.hysi.is
New Holland TS125A
Árg. 2005. Með Alö tækjum og
nýjum framdekkjum.
Verð: kr. 4.850.000,- án vsk.
New Holland TS110A
Árg. 2005. Með Alö tækjum
og nýjum framdekkjum.
Verð: kr. 5.290.000,- án vsk.
New Holland 7635
Árg. 1998. Með Alö tækjum.
Verð: kr. 2.590.000,- án vsk.
McCormick C105 Max
Árg. 2006.
Verð: kr. 3.490.000,- án vsk.
Zetor 7211
Árg. 1985.
Verð: kr. 390.000,- án vsk.
Til sölu
notaðar vélar
Dalvegur 6-8 / 201 Kópavogur
Draupnisgata 6 / 603 Akureyri
Sími 535 3500
www.kraftvelar.is
kraftvelar@kraftvelar.is
New Holland TS100
Árg. 1999. Með Stoll tækjum.
Verð: kr. 2.990.000,- án vsk.