Skírnir - 01.01.1972, Blaðsíða 12

10
ÞORB.JORN BRODDASON
SKIRNIR
fyrir að svarandinn átti erfitt með að svara öllum spurningunum
fyrir „hinn“ aðilann. Þeir hafa ef til vill fyllt út strax þau svör,
sem þeir gátu sjálfir veitt, en dregið að senda listana þar til þeir
næðu tali af „hinum“, en það síðan dregizt þar til spurningalistinn
var gleymdur eða týndur.
Nú verður vikið að niðurstöðum rannsóknarinnar.
KYNBUNDINN BÓKASMEKKUR
Tafla 2 sýnir hlutföllin milli karla og kvenna meðal kaupenda
hókanna. Þær niðurstöður að kaupendur Innlanda og Önnu séu að
meirihliíta karlmenn komu heim við þær hugmyndir, sem við höfð-
um gert okkur fyrirfram. Hitt kom heldur ekki á óvart að í álög-
um skyldi fremur keypt af konum en körlum.
í hugum manna munu Innlönd og Anna naumast vera tengdar
karlmönnum sérstaklega, en eigi að síður virðast kaupendur þeirra
koma að miklum meirihluta úr þeirra hóp. í álögum aftur á móti
mun af flestum vera talin dæmigerð kvennalesning.
Að Teresu undanskilinni eru kaupendur allra sænsku bókanna
að meirihluta karlmenn. Ég vil sérstaklega benda á samsvörunina
milli Innlanda og Partitur.
Margar ástæður munu leggjast á eitt til að valda þessum kyn-
bundna bókasmekk, sem hér kemur fram, og þessi könnun er ekki
nógu umfangsmikil til að veita ótvíræð svör um hlutfallslegt mikil-
TAFLA2
Hlutfallsleg skipting kaupenda bókanna eftir kynjurn (skrijleg svör):
Innlönd í álögum Anna Legion- árerna Teresa Best- sellern Partitur
Karlar 77% 41% 77% 55% 36% 58% 71%
Konur 23% 59% 23% 45% 64% 42% 29%
Samtals (kaupendur) 201 134 196 102 66 72 214