Ritröð Guðfræðistofnunar - 01.09.2006, Qupperneq 65

Það er ekkert sem angrar mig og ég hefekki lent í neinu. “ Nokkur nefna að
þeim líði misvel í skólanum. Síðan voru þau spurð um hvaða tilfinning-
ar vakni þegar þau hugsi um skólann. Stúlkurnar eru almennt jákvæðari
gagnvart honum en drengirnir.
Dæmi um jákvæða afstöðu til skólans er eftirfarandi svar stúlku úr
Reykjavík er hún segir: „Finnst rosalega gaman ískólanum og rosalega gam-
an að lœra. “ Nokkrir drengir hafa neikvæðar tilfinningar í garð skólans en
slíkan tón er ekki að finna hjá stúlkunum. Drengur úr skóla í Reykjavík
segir: „Oftast hlakkar mig ekkert til að fara í skólann.“ Nokkur kvarta yfir
þreytu og að þau langi stundum ekkert sérstaklega í skólann á morgnana.
Þau voru einnig spurð að því hvort skólinn hjálpi þeim eitthvað að tak-
ast á við lífið og þá hvernig. Langflest voru á því að skólinn búi þau vel
undir lífið. Þau nefndu ýmsar námsgreinar sem hjálpi þeim í framtíðinni
og sum að þau læri samskipti og kynnist mörgum krökkum í skólanum og
það hjálpi þeim að takast á við lífið. Drengur úr skóla í Reykjavík telur að
skólinn: „... agi og kenni manni margt.“ í huga sumra er það óljóst hvað
skólinn hjálpi þeim með en þau eru samt á því að þau læri ýmislegt í skól-
anum sem eigi eftir að hjálpa þeim síðar meir. Nokkur í hópnum telja að
skólinn hjálpi þeim lítið við að takast á við lífið en þau skýra það ekkert
frekar. Unglingarnir voru einnig spurðir að því hvað þeir vildu helst læra
í skólanum. í svörum sínum nefna þeir ýmsar námsgreinar sem þegar eru
kenndar og síðan nokkrar námsgreinar sem eru ekki í námskrá skólans.
Þar má nefna leiklist, jassballet, hárgreiðslu, heimspeki og meira um bíla.
Það vekur athygli að hér nefna þau meira skapandi og verklegar greinar.
Þegar þau voru spurð að því hvernig þau vildu helst nýta frítímann sinn
nefndu þau langflest samveru með vinum. Aukþess nefna strákarnir íþrótt-
ir en stelpurnar nefna önnur áhugamál eins og lestur bóka og að teikna.
Þegar þau voru síðan spurð um það hvenær þeim fyndist illa farið með
tímann nefndu þau oftast þrásetur við tölvuna. Stúlka úr Reykjavík orðar
63