Dagblaðið Vísir - DV - 07.11.2014, Blaðsíða 39

Helgarblað 7.–10. nóvember 2014 Sport 39
Galácticos leiddir til Glötunar
n Illa farið með margar hollenskar stjörnur sem fengu síðar uppreisn æru n Aðrir ekki eins heppnir
 Nicolas Anelka
n Franski „fýlupúkinn“ státar af einum
skrautlegasta félagaskiptaferli sögunnar.
En alltaf hefur hann skorað mörk, nema
kannski hjá Real Madrid. Eftir að hafa slegið
í gegn sem unglingur hjá Arsenal varð hann
einn dýrasti ungi leikmaður heims þegar Real
keypti hann sumarið 1999 á 22,3 milljónir
punda. Hann byrjaði ágætlega en lenti með
hroka sínum, ósveigjanleika og fúllyndi fljótt
upp á kant við stjóra liðsins, Vicente del
Bosque, og stuðningsmenn. Hans fyrsta og
eina tímabil hjá Real olli miklum vonbrigðum
þó að hann hafi endað það ágætlega. Hann
skoraði í báðum undan úrslitaleikjum Meist-
aradeildar Evrópu og var í byrjunarliðinu í
úrslitaleiknum sem Real vann. Anelka hélt
til PSG í Frakklandi árið 2000 og hefur síðan
flakkað milli níu liða, þar á meðal fjögur ár
hjá Chelsea þar sem hann vann nokkra titla.
Dýru verði keypt
Árangurinn er vanalega
dýru verði keyptur þegar
Real Madrid er annars
vegar. Liðið kaupir
reglulega dýrustu og
bestu leikmenn veraldar
en það hafa ekki allir
slegið í gegn sem keyptir
hafa verið á Santiago
Bernabéu. MynD ReuteRs
Hvað er
Galácticos?
Galácticos er stefna
sem í seinni tíð er
iðulega kennd við
Florentino Pérez,
núverandi for-
seta Real Madrid,
og fyrri stjórnartíð
hans frá árinu 2000
til 2006. Þessi stefna
gengur út á það, eins og nafnið gefur
til kynna, að kaupa heimsþekktar
stórstjörnur til liðsins, sama hvað þær
kosta. Hugmyndin er að stórstjörnurnar
borgi sig upp á skömmum tíma með
treyjusölu og auglýsingatekjum.
Galácticos-tímabilið hjá Perez beið
að margra mati skipsbrot þar sem
árangurinn var þrátt fyrir að hafa keypt
Figo, Zidane, Ronaldo, Beckham og
félaga, langt undir væntingum.
Hugtakið hefur að vissu leyti snúist upp
í andhverfu sína og er nú bæði notað í
jákvæðri og neikvæðri merkingu. Fyrst
var það til að undirstrika uppbyggingu
á stjörnum prýddu heimsklassaliði
en síðar tengt prímadonnum og til að
hallmæla innkaupastefnu liða sem í
krafti fjárhagslegra burða sinna soga til
sín alla bestu leikmenn heims.
Raunar má rekja uppruna Galácticos-
stefnunnar aftur til sjötta áratugar síð-
ustu aldar, til stjórnartíðar Santiagos
Bernabéu Yeste, sem leikvangur Real er
nefndur í höfuðið á. Þá voru leikmenn
eins og Alfredo Di Stefano, Ferenec
Puskás, Raymond Kopa og fleiri keyptir
á gullaldartíma liðsins.
Real Madrid hefur meira eða minna
alltaf lagt sig fram við að fá bestu
leikmenn í heimi.
 Javier Saviola
n Þú þarft hugrekki til að skipta úr
Barcelona yfir í Real Madrid en það gerði
argentínski framherjinn árið 2007. En það
voru stuðningsmenn Barcelona sem á
endanum hlógu dátt því Saviola náði aldrei
að leika eftir afrek sín á Bernabéu. Á fyrstu
þremur leiktíðum sínum með Barca skoraði
Saviola 21, 20 og 19 mörk áður en honum
sinnaðist við Frank Rijkaard. Var hann
sendur á láni til Monaco og Sevilla áður en
Real taldi sig hafa not fyrir hann. Þar fékk
hann fá tækifæri og eftir aðeins 28 leiki og
fimm mörk á tveimur árum var hann seldur
til Benfica í Portúgal.
 Wesley Sneijder
n Þessi hæfileikaríki miðjumaður kom til Real í hollensku byltingunni árið 2007, ásamt
Robben og Drenthe. Hann var keyptur frá Ajax á 27 milljónir evra og varð næstdýrasti
Hollendingur sögunnar. Hann átti frábært fyrsta tímabil þegar Real vann deildina en missti
verulega dampinn á sínu öðru tímabili og fékk aldrei tækifæri til að bæta þar úr. Hann var,
líkt og Robben, seldur til að rýma fyrir Ronaldo og Kaká en Inter Milan keypti hann árið
2009 á 15 milljónir evra. Þvílíkur happafengur sem hann reyndist vera. Hann varð einn besti
sóknarmiðjumaður Evrópu og var lykilmaður í Inter-liði Joses Mourinho sem vann þrennuna
það tímabil. Real-menn nöguðu sig í handarbökin og reyndu meira að segja að kaupa hann
aftur þegar Mourinho tók við Real árið 2010. Ekkert varð úr því. Sneijder lék með Inter til 2013
og er nú hjá Galatasaray í Tyrklandi. Hann stendur á þrítugu og hefur fjarað verulega undan
ferli hans á undanförnum árum.
 Michael Owen
n Hann var einn besti framherji Evrópu hjá
Liverpool, vann Ballon d'Or-verðlaunin 2001
og var markahæsti leikmaður liðsins sjö
tímabil í röð. Eftir að hafa byrjað ungur þá
glímdi Owen ávallt við meiðsli og var ekki
lengur aðalmaðurinn hjá liðinu árið 2004
þegar Real Madrid fékk hann á útsöluverði,
átta milljónir punda. En það er ekkert grín að
keppa um eina framherjastöðu við leikmenn
á borð við Raúl og hinn brasilíska Ronaldo.
Owen mátti sætta sig við algjört aukahlut-
verk á Bernabéu þrátt fyrir að skora nánast
í hverjum leik sem hann kom inn á, þrátt
fyrir að fá aðeins nokkrar mínútur. Skoraði
hann heil þrettán mörk á sínu fyrsta og eina
tímabili með Real sem er þar að auki besta
hlutfall marka per mínútu í sögu félagsins!
Real ákvað að losa sig við hann og seldi
hann, aldrei þessu vant, með fínum hagnaði
til Newcastle sumarið 2005. Allt til loka
ferilsins plöguðu meiðsli þennan frábæra
framherja en margir vilja meina að á þessu
eina tímabili hafi Real tekist að eyðileggja
einn besta enska framherja sögunnar. Við
tökum þó ekki svo djúpt í árinni.
 Klaas-Jan Huntelaar
n Hann var hinn nýi Ruud van Nistelrooy og stjórar á borð við Louis Van Gaal hafa sagt hann
besta leikmann heims í vítateig andstæðinganna. Einhverra hluta vegna voru stórlið Evrópu
alltaf hikandi við að taka áhættuna og kaupa hann og lék Klaas með Ajax í heimalandinu þar
til hann var 26 ára. Þá, í janúar 2009, keypti Real hann á 20 milljónir evra eftir að hann hafði
raðað inn mörkum á öllum vígstöðvum í Hollandi. En Huntelaar entist ekki einu sinni heila
leiktíð á Spáni og varð enn eitt fórnarlamb hollensku hreinsunarinnar hjá Real sumarið 2009.
Þrátt fyrir að hafa skorað átta mörk í aðeins þrettán byrjunarliðsleikjum með Madrid var
hann seldur til AC Milan. Þar lék hann eitt tímabil með sambærilegum árangri áður en hann
hélt til Schalke í Þýskalandi þar sem hann hefur skorað 62 mörk í 107 leikjum síðan 2010.