Dagblaðið Vísir - DV - 07.11.2014, Blaðsíða 12

Helgarblað 7.–10. nóvember 201412 Fréttir
Í
slenska útgerðarfélagið Sam­
herji er gagnrýnt í nýrri skýrslu
frá náttúruverndarsamtökunum
Greenpeace vegna veiða við
Svalbarða. Skýrslan fjallar um
veiðar verksmiðjutogara sem bera
fána Evrópusambandsins og er
Samherji tengdur við eignarhald
tveggja þeirra togara sem rætt er um
í skýrslunni, Normu Mary og Sögu.
Í skýrslunni segir meðal annars
að Norma Mary hafi verið við veið­
ar innan þjóðgarðsmarka á Sval­
barða. „Ummerki eftir Normu Mary
benda til að árið 2012 hafi togarinn
verið við veiðar í firði á Svalbarða,
meðal annars innan marka eins
þjóðgarðsins. […] Sú veiðiaðferð
togarans að notast við botnvörpu
er mjög skaðleg og gæti hún valdið
miklum skaða á viðkvæmu og til­
tölulega lítt þekktu lífríki Norður­
skautsins. Með því að notast við
botnvörpu leggur Norma Mary sitt
af mörkum til fiskveiða sem valda
skaða í heiminum.“
Segir svæðið öllum opið
Þorsteinn Már Baldvinsson, for­
stjóri Samherja, segir að útgerðar­
fyrirtækið hafi ekki veitt í óleyfi
við Svalbarða. Svæðið sé öllum
opið og Norma Mary hafi verið þar
við rækjuveiðar í sjö daga. „Það
er sagt frá því að hann hafi farið
inn á svæði við Svalbarða sem er í
raun svæði sem er opið fyrir veið­
ar. Þessu svæði er stjórnað í raun af
Norðmönnum, Rússum og Evrópu­
sambandinu sameiginlega. Þetta
svæði er opið skipum til rækju­
veiða. Við fórum inn á þetta svæði í
sjö daga í lok ágúst árið 2012,“ segir
Þorsteinn Már.
Benda á 20 stærstu skipin
Inntakið í skýrslu Greenpeace er
að nafngreina fjölda verksmiðju­
togara sem veitt hafa um árabil
undir fánum Evrópusambands­
ins á svæðum sem þeir ættu ekki
að veiða og þar sem þeir valda
skaða á vistkerfum. Markmið
Greenpeace, að sögn samtak­
anna í skýrslunni, er að hjálpa
Evrópusambandinu að bera
kennsl á 20 stærstu skipin sem
hvað mestum skaða valda.
Einkum eru það botnvörpu­
veiðar sem Greenpeace telur
vera skaðlegar.
Þorsteinn segir að
auðvitað sé ákveðinn
tilgangur með slíkri
skýrslu. „Auðvitað
er ákveðinn tilgang­
ur með skýrslunni.
Það er alveg ljóst.
Markmið Green­
peace er að
hafa áhrif á
stjórn­
málamenn. Það
er ykkar að lesa
og okkar að
svara.“
Eignarhaldið
óljóst
Samherji
er einnig
gagnrýnt
vegna togarans Sögu sem Green­
peace ýjar að að sé í eigu Sam­
herja í gegnum þýska dótturfélag­
ið DFFU sem aftur á pólska félagið
Atlantex Sp.z.o.o. sem Greenpeace
segir að reki skipið. Þorsteinn seg­
ir hins vegar að Samherji eigi ekki
umrætt skip. „Við eigum þetta skip
ekki nei; við leigjum þetta skip,“
segir Þorsteinn Már.
Í skýrslunni segir orðrétt um
þessa aðkomu Samherja að rekstri
skipsins. „Nýjar upplýsingar sýna
að 100 prósent af bréfum Atl­
antex eru í eigu félagsins Esja
Shipping Ltd. á Kýpur. Mik­
il tengsl eru á milli Esju
Shipping Ltd. og Sam­
herja. Samherji kann að
spara sér skattgreiðslur
með því að hafa dóttur­
félag sitt á Kýpur. Á sama
tíma kann að vera að
pólska dótturfélagið
flytji mest af hagnaði
sínum aftur til Íslands
og að aðeins lítill hluti
af peningunum verði
eftir í Póllandi.“ n
Samherji gagnrýndur
í skýrslu Greenpeace
n Sagður hafa veitt innan þjóðgarðsmarka á Svalbarða
Ingi Freyr Vilhjálmsson
ingi@dv.is
„Þetta
svæði
er opið skipum
til rækjuveiða
Segir tilganginn pólitískan
Þorsteinn Már segir að tilgangur
skýrslu Greenpeace sé að reyna
að hafa áhrif á stjórnmálamenn
innan Evrópusambandsins.
Við Svalbarða Greenpeace segir
Samherja hafa veitt innan þjóðgarðs-
marka á Svalbarða. Þorsteinn Már
segir svæðið öllum opið.
N
ei, ég fékk ekki,“ segir rúm­
lega fimmtugur heimilis­
laus maður, sem DV fjallaði
um á dögunum, aðspurð­
ur hvort hann hafi fengið úthlut­
að félagslegu húsnæði hjá Reykja­
víkurborg í síðustu viku. Maðurinn
glímir við alvarlegan hjartasjúk­
dóm og hefur læknisvottorð upp á
það að hann geti ómögulega ver­
ið húsnæðislaus sökum veikinda
sinna.
Hann hefur verið á biðlista hjá
borginni síðastliðin sex ár án þess
að fá úthlutað íbúð og hefur verið
heimilislaus á því tímabili. Eins og
fram kom í forsíðufrétt DV þann
28. október kvíðir hann vetrinum
og efast um að hann hafi heilsu til
að þola annan harðan vetur á göt­
unni í sínu ástandi.
Maðurinn, sem átti hamingju­
samt fjölskyldulíf áður en ógæf­
an dundi yfir, er ekki í óreglu en
hann hefur ítrekað verið tilnefnd­
ur af sinni þjónustumiðstöð í laust
félagslegt húsnæði hjá borginni.
Alltaf virðist þó gengið fram hjá
honum og einhver metinn í meiri
forgangi.
Eins og DV fjallaði um á dögun­
um forgangsraða sex þjónustu­
miðstöðvar borgarinnar fólki og
tilnefna í húsnæði. Miðlægur
fundur á skrifstofu velferðarsviðs
tekur síðan þessar sex tilnefningar
fyrir frá hverri miðstöð, fyrir hverja
íbúð fyrir sig og þar er endanlega
ákveðið hverjir fá úthlutað.
„Það er búið að tilnefna mig átta
sinnum núna,“ segir maðurinn í
samtali við DV en úthlutun þar
sem hann var enn á ný tilnefnd­
ur fór fram um miðja síðustu viku.
Enn þarf hann því að bíða, fastur
á biðlista borgarinnar, að verða úr­
kula vonar eftir ítrekaða höfnun. n
mikael@dv.is
Heimilislausum manni hafnað
Alvarlega hjartveikur og heimilislaus á biðlista í borginni í sex ár
Ólafsfirðingar
fá réttlæti
Síðastliðinn ágústmánuð fjall­
aði DV ítrekað um innbrota­
hrinu á Ólafsfirði sem staðið
hafði þá um nokkurt skeið. Síð­
ar kom í ljóst að flest öll innbrot
voru runnin undan rifjum einn­
ar ungrar konu. Hún bað bæjar­
búa afsökunar í einlægu viðtali
við DV þar sem hún skýrði frá
því að hún hefði verið í mikilli
neyslu, fyrst og fremst e­pillum
merktum hakakrossinum, þegar
hún stal öllu steini léttara.
Síðastliðinn þriðjudag var
konan dæmd í fjörutíu daga
skilorðsbundið fangelsi fyrir
gripdeild sína. Mikill hiti var í
Ólafsfirðingum vegna innbrot­
anna á sínum tíma
og höfðu sumir
orð á því að
þeir ætluðu
að taka lög­
in í eigin
hendur.
Konan
var dæmd
fyrir þrjú atvik,
sem DV fjallaði um. Í fyrsta lagi
var hún dæmd fyrir að hafa
sunnudaginn 27. júlí farið inn
í íbúð og stolið þaðan „trú­
lofunarhring úr silfri og með
demöntum, armbandi, hálfum
viskípela og andlitskremi og
maskara.“ Í öðru lagi var hún
dæmd fyrir að hafa þann 22. júlí
ruðst inn í íbúðarhús þar sem
aðeins tólf ára stúlka var heima.
Þar stal hún tveimur bjórum
úr ísskáp og einu pari af skóm.
Þriðja atvikið var þann 24. júlí
en þá braust hún inn í þriðja
íbúðarhúsið og stal þaðan „10
bjórum af gerðinni Thule Ex­
port, þrennum síðum íþrótta­
buxum, tveimur stutterma­
bolum, einum hlífðarjakka frá
66 gráðum norður, einu karl­
mannsúri af gerðinni Diesel,
einu sjali, lítilli snyrtitösku úr
silki, snyrtivörum (Body lotion,
sólvörn og naglalakkleysir),
augnháratöng, einu málmarm­
bandi með fjólubláum stein­
um og einni fartölvu af gerðinni
Toshiba Europe.“
Það var mat dómsins að þar
sem konan hafði játað verknað­
inn, skilað mununum, sem og
farið í meðferð, að dómurinn
yrði skilorðsbundinn.