Tímarit hjúkrunarfræðinga - 01.11.2009, Blaðsíða 17

Tímarit hjúkrunarfræ›inga – 5. tbl. 85. árg. 2009 13
sat námskeiðið í Endurmenntunarstofnun
2003. „Það sem ég lærði þar hefur
gagnast mér vel í samstarfinu við
fjölskyldur barnanna og ég hef svo áttað
mig á að Calgary­hugmyndafræðin
hentar ekki síður vel á öllum klínískum
deildum,“ segir Elísabet.
Elísabet lauk meistaranámi 2007 og
tengdist lokaverkefni hennar Calgary­
hugmyndunum. Á sama tíma var Anna
Stefánsdóttir búin að ákveða að taka
upp fjölskylduhjúkrun á Landspítala og
var að leita að verkefnisstjóra. Staðan
er hlutastarf sem hentar Elísabetu vel.
„Ég hafði mjög mikinn áhuga á því
að breiða út boðskapinn og tók að
mér að stýra verkefninu en ég vildi
alls ekki hætta í klíníkinni. Þaðan fæ
ég tenginguna við fræðin og það er
afskaplega hjálplegt þegar kemur að því
að fá aðra hjúkrunarfræðinga til fylgis við
þessar hugmyndir. Ég finn mig fyrst og
fremst í klíníkinni.“
En hvað kom til að ráðist var í þetta
verkefni? Eins og fyrr segir hafði verið
byrjað að nota Calgary­líkanið nokkrum
árum áður á krabbameinsdeildum. Önnu
Stefánsdóttur leist mjög vel á þann
árangur sem náðist þar. „Árangurinn af
þessu verkefni á krabbameinsdeildum
var þess eðlis að ég ákvað í samvinnu við
sviðsstjóra hjúkrunar að innleiða þetta á
öllum sviðum Landspítala,“ segir Anna.
„Eitt atriði, sem hafði mikil áhrif á að ég tók
þessa ákvörðun, var að ég átti samtal við
hjúkrunarfræðing á 11E sem sagði mér
að í hennar huga væri fjölskylduhjúkrun
kjarni hjúkrunar. Að hennar sögn hefði
það að innleiða fjölskylduhjúkrun á
deildina verið það besta sem hafði gerst
í hjúkrun á deildinni. Svo hitti ég Lorraine
Wright og ræddi við hana. Þegar ég
sagði að ég væri að hugsa um að innleiða
fjölskylduhjúkrun á öllum spítalanum varð
hún alveg uppnumin.“
„Hjúkrunarfræðingurinn á 11E sagði
mér líka að það bætti mikið samskipti
við fjölskyldur og sparaði tíma að nota
þessa hugmyndafræði. Fjölskyldan
fengi betri þjónustu og samt sparaðist
tími í samskiptum. Hún hefur sagt mér
þetta oftar en einu sinni og nú síðast
á ráðstefnunni í júní. Það er svo mikil
hjúkrun í þessu líkani. Það fjallar um
nærveru, samskipti og umhyggju þannig
að mér fannst það svo satt að þetta sé
kjarni hjúkrunar. Svo fannst mér að við
þyrftum á því að halda að koma með
eitthvað sem hjúkrunarfræðingum fyndist
vera fyrir okkur og við gætum byggt á,“
segir Anna.
Allir hjúkrunarfræðingar noti
aðferðir fjölskylduhjúkrunar
Elísabet var ráðin til fjögurra ára og
gengur verkefnið vel. Fyrir hana hefur
verkefnið verið mikil og góð reynsla.
„Það hefur verið afar ánægjulegt fyrir
Elísabet Konráðsdóttir er verkefnisstjóri fyrir innleiðingu fjölskylduhjúkrunar á Landspítala.
mig að fá að taka þátt í þessu verkefni.
Ég, sem nær eingöngu hef starfað á
barnasviði, hef nú fengið tækifæri til að
kynnast hjúkrunarfræðingum á öðrum
deildum og sviðum og því fjölbreytta og
frábæra starfi sem þar fer víða fram,“
segir Elísabet. Verkefnið fékk gæðastyrk
frá Landspítala og heilbrigðisráðuneytinu
2008 og hafa þessir styrkir meðal
annars staðið undir kostnaði við
gerð kynningarefnis. Markmiðið með
verkefninu er að allir hjúkrunarfræðingar
spítalans þekki og noti fjölskyldumats­ og
meðferðarlíkanið. Í því felst að geta búið
til svokallað fjölskyldutré og framkvæmt
stutt meðferðarsamtal. Að sögn Önnu
Stefánsdóttur styður fjölskylduhjúkrun
vel við það markmið spítalans að bæta
gæði þjónustunnar og um leið stytta
legutíma. „Vegna þess að samskipti við
fjölskyldur batna þá byrjar fjölskyldan
fyrr að undirbúa sig fyrir útskrift og
þetta hjálpar spítalanum að ná sínum
markmiðum við að útskrifa sem fyrst,“
segir Anna. Önnur markmið eru að
bæta skráningu og auka rannsóknir
innan fjölskylduhjúkrunar. Stefnt er
að því að í lok verkefnisins liggi fyrir
niðurstöður 20 rannsóknarverkefna og
í leiðinni hafi nokkrir hjúkrunarfræðingar
lokið meistara­ og doktorsnámi þar sem
fjölskylduhjúkrun er í brennidepli.
Síðastliðið ár hafa um 800 hjúkrunar­
fræðingar farið á samtals 21 námskeið.
Um 5­600 hjúkrunarfræðingar eiga eftir
„Þetta er það besta sem hefur gerst í hjúkrun á
minni deild,“ sagði hjúkrunarfræðingur við Önnu
Stefánsdóttur og hafði það mikil áhrif á ákvörðun
hennar að taka upp Calgary­fjölskyldumats­ og
meðferðarlíkanið á Landspítala.