Tímarit hjúkrunarfræðinga - 01.11.2009, Blaðsíða 30

Tímarit hjúkrunarfræ›inga – 5. tbl. 85. árg. 200926
Dagana 20. til 22. ágúst 2009 sóttu
níu hjúkrunarfræðingar af hjarta­ og
lungnaskurðdeild og tveir skurð hjúkrunar­
fræðingar í hjartateymi Landspítala ráð­
stefnu í Stokkhólmi. Um nokkuð sögu­
legan viðburð var að ræða þar sem ráð­
stefnan var sú fyrsta sem haldin var undir
sameiginlegu merki félags skurðlækna
(SATS), sérfræðinga á hjarta­ og lungna­
vél (SCANSECT) og nýstofnaðs félags
hjúkrunarfræðinga á Norðurlöndum
(SATNU, Scandinavian association of
thoracic nurses) sem sinna sjúklingum
sem þurfa á brjóstholsskurðaðgerðum
að halda.
Forsaga stofnunar SATNU er sú
að fram til ársins 2006 höfðu úr hópi
hjúkrunarfræðinga nær eingöngu skurð­
hjúkrunarfræðingar sótt árlegar ráð­
stefnur SATS og SCANSECT. Þegar
ráðstefnan var haldin á Íslandi það ár var
lögð fram tillaga um að stofna formlega
samtök allra hjúkrunarfræðinga sem taka
þátt í umönnun þessa sjúklingahóps.
Vel var tekið í þá hugmynd og ári seinna
höfðu nokkrir hjúkrunarfræðingar myndað
vinnuhóp sem hittist í Helsinki og var
ákveðið að þróa hugmyndina áfram og
hafa félög skurðlækna og sérfræðinga
á hjarta­ og lungnavél sem fyrirmynd.
Árið 2008 var síðan SATNU stofnað
á ráðstefnu SATS og SCANSECT
í Kaupmannahöfn og er það félag
ætlað skurðhjúkrunarfræðingum, gjör­
gæsluhjúkrunarfræðingum og hjúkrunar­
fræðingum á legudeild sem sinna
sjúklingum sem fara í brjóst hols aðgerðir.
Við stofnun félagsins í Kaupmannahöfn
voru kjörnir fulltrúar í stjórn, einn
hjúkrunarfræðingur frá hverju Norður­
landanna, og fengu þeir það verkefni að
semja lög og reglur félagsins svo og að
undirbúa og velja fyrirlestra fyrir næstu
ráðstefnu. Stjórnin hafði lítil fjárráð og
því var ákveðið að stjórnarmenn myndu
hittast á fundum í samskiptaforritinu
Skype á fyrirframákveðnum tíma. Voru
haldnir um átta fundir þar sem lagðar
voru línurnar fyrir reglur og starfsemi
SATNU sem bera skyldi undir aðalfund
sem haldinn yrði eftir ráðstefnuna í
Stokkhólmi 2009. Að auki var nýtt
merki félagsins hannað og vefsíða þess
smíðuð. Á árinu var einnig stofnuð
vísindanefnd innan SATNU sem hefur
það hlutverk að velja fyrirlestra og
kynningar á ráðstefnur og situr einn
aðili frá hverju landi í henni. Við stofnun
félagsins nutum við mikils stuðnings frá
félögum lækna og sérfræðinga á hjarta­
og lungnavél og gátum við nýtt okkur
reynslu þeirra af myndun slíks félags.
Díana Dröfn Heiðarsdóttir, dianadh@landspitali.is
RÁÐSTEFNA UM BRJÓSTHOLSSKURÐAÐGERÐIR
Vinna stjórnarmanna SATNU næsta
árið mun felast í að afla félagsmanna
í félagið og leggja enn frekari línur
um hvað slíkt félag getur gert fyrir
félagsmenn sína. Slíkt félag er mikilvægt
þar sem tengsl milli hjúkrunarfræðinga
á Norðurlöndunum skapast og eflast og
þeir fá vettvang á ráðstefnum sem og á
heimasíðu félagsins til að kynna verkefni
sín og vinnu hver fyrir öðrum. Fyrir
Íslands hönd sitja nú í félaginu þær Díana
Dröfn Heiðarsdóttir sem stjórnarmaður
og Brynja Ingadóttir í vísindanefnd
SATNU. Gerast má meðlimur í félaginu
á heimasíðu þess, www.satnu.org.
Ráðstefnan í Stokkhólmi var vel sótt og
komu um 300 hjúkrunarfræðingar á hana.
Fyrirlestraskráin og veggspjaldasýningin
voru mjög góðar og metnaðarfullar og
komu inn á margt sem snýr að hjúkrun
sjúklinga sem fara í brjóstholsaðgerð.
Meðal annarra kynnti Heiða Steinunn
Ólafsdóttir, hjúkrunarfræðingur á hjarta­
og lungnaskurðdeild LSH, niðurstöður
rannsóknar sem unnin var undir stjórn
dr. Herdísar Sveinsdóttur um reynslu
hjartaskurðsjúklinga af veittri fræðslu
og mat þeirra á fræðsluþörf fyrir og eftir
aðgerð og nefndist fyrirlestur hennar
Patient education in a representative
sample of patients having elective
Steinunn Arna Þorsteinsdóttir við veggspjaldið sitt á ráðstefnunni í Stokkhólmi.
Stofnað hefur verið félag hjúkrunar­
fræðinga á Norðurlöndum sem
sinna sjúklingum sem þurfa að
fara í brjóst hols skurðaðgerð. Hér
er sagt frá stofnuninni og sam­
eiginlegri ráðstefnu lækna, sér­
fræðinga á hjarta­ og lungna vél og
hjúkrunarfræðinga í Stokkhólmi.