Tímarit hjúkrunarfræðinga - 01.11.2009, Blaðsíða 28

Tímarit hjúkrunarfræ›inga – 5. tbl. 85. árg. 200924
að við hjá AstraZeneca fórum að hugleiða
hvað fyrirtækið gæti gert til að aðstoða
heilbrigðisfagfólk við að koma fræðslunni
til sjúklinga og aðstandenda þeirra.
Þegar heim kom ákváðum við að bera
málið undir Davíð Ingason, markaðstjóra
AstraZeneca, og Ásgeir Þór
Árnason, framkvæmdastjóra
Hjartaheilla, en við vissum
að Hjartaheill höfðu áhuga
á að taka þátt í gerð
fræðslumyndar. Ákveðið
var að slá til samstarfs við
gerð myndarinnar Grettis.
Við gerð faglega hlutans
fengum við til liðs við okkur
heimilislæknana Emil Sigurðsson
og Guðrúnu Gunnarsdóttur ásamt
Karli Andersen hjartasérfræðingi. Í Gretti fer
hjartalæknirinn, Þorbjörn Guðjónsson, með
hlutverk læknisins og Jóhann Sigurðarson
leikari er Grettir. Auk þess er Ásgeir Þór frá
Hjartaheillum með innlegg í myndinni.“
Mikið kynningar og fræðslustarf
Báðar hafa þær Andrea og Ransý unnið
ötullega að því að koma fræðsluefninu á
framfæri. Þær hafa haldið kynningarfundi
með sérfræðingum og ýmsum aðilum úr
heilbrigðisstéttum, sjúklingum og aðstand­
endum þeirra. Þá hefur t.d. stuttmyndin
Grettir verið sýnd tvisvar á dag á hjartadeild
Landspítalans þar sem fjölmargir hafa átt
þess kost að sjá hana.
„Rebbi og græni frakkinn og Grettir eru
forvarnaverkefni. Forvarnir eru mjög mikil­
vægar fyrir okkur sem hjúkrunar fræðinga,“
segja þær, „og það var ótrúlega gaman
að fá að vinna að þessum verkefnum.
Segja má að við höfum báðar alist upp
á Landspítalanum þar sem unnið er
mikið fræðslu­ og forvarnastarf. Það var
mjög gaman að við skyldum fá þetta
tækifæri sjálfar og vinna svo að því að
kynna verkefnin hjá viðeigandi
markhópum. Svona fræðslu­
efni má hvorki vera of langt,
of þungt eða of fræðilegt
svo fólk nenni að kynna
sér það og Grettir er ekki
nema 12 mínútur og er því
stutt og hnitmiðuð fræðsla
á mannlegum og um leið
gamansömum nótum.
Hvorki er minnst á einstök lyf
í bókinni né myndinni heldur er
áhersla lögð á skilning á sjúkdómunum
og viðbrögð við þeim.“ Rebbabókin er
fagurlega myndskreytt og stutt aflestrar.
Þróar og vinnur að eigin
verkefnum
– Hvað finnst ykkur um að starfa sem
sölufulltrúar eins og þið hafið gert hjá
AstraZeneca?
„Fyrir mig var mikil breyting að fara
úr ríkisgeiranum og í allt öðru vísi
vinnuumhverfi,“ segir Ransý. „Þar á maður
sín verkefni, þróar þau og vinnur – og
enginn gengur í verkin manns. Á spítalanum
kemur alltaf einhver og tekur við af manni
eftir vaktina. Það er gaman að prófa nýjan
vettvang og aðrar vinnuaðferðir.“
Andrea tekur við og segir: „Það er svo
gaman að vinna hjá fyrirtæki þar sem
maður fær að sjá hugmynd sína verða
að veruleika og dafna.“ Og Ransý heldur
áfram: „Það er ekki nóg að hafa góð lyf til
að kynna – það veltur ekki síður á manni
sjálfum hvernig til tekst.“
Ransý og Andrea eru sammála um
að þær séu ekki bara í sölumennsku
sem sölufulltrúar. „Það er ekki hægt
að segja að við seljum lyf. Við sjáum
eingöngu um kynningu á niðurstöðum
vísindarannsókna og öllu því sem
viðkemur okkar lyfjum en svo er það
auðvitað læknanna að ákveða hvaða lyf
henta best þeirra sjúklingum.
Starf okkar er svo margþætt, við
sjáum um öflun upplýsinga og alla
grunnvinnu á kynningarefni og komum
því í framkvæmd, hvort sem það lýtur að
sölukynningu, fundum, ráðstefnum eða
öðru. Við erum mjög sjálfstæðar í starfi
og árangur okkar veltur á okkur sjálfum.“
Framtíðin bíður þeirra Andreu og
Ransýjar. Andrea er að takast á við
nýtt og vandasamt verk þar sem hún
er nýtekin við nýjum lyfjaflokki og þar
með nýjum skjólstæðingahópi. Hún tekur
við geðlyfinu sem Ransý hefur unnið
með og tekur þar við góðum grunni frá
henni. Að auki mun Andrea fylgja Gretti
áfram og annast kynningar á myndinni.
Ransý horfir björtum augum á starf sitt
í útskriftarteymi LHS en leggur áherslu
á að hún hefði ekki viljað missa af þeirri
reynslu sem hún fékk hjá AstraZeneca.
Þetta hafi ekki verið auðvelt starf en
þroskandi, segir hún með áherslu.
Andrea Ingimundardóttir útskrifaðist sem hjúkrunarfræðingur árið 1998
frá Háskóla Íslands. Þær Ransý, ásamt vinkonum sínum, Sólborgu
Ingjaldsdóttur og K. Stellu Ingvarsdóttur, unnu saman að lokaritgerðinni,
um hlutverk og störf skólahjúkrunarfræðinga á Stór­Reykjavíkursvæðinu.
Eftir útskriftina fór Andrea á kjörár og fékk tækifæri til að vinna á þremur
mismunandi deildum Landspítalans. Á barnadeildinni fann hún sig vel
og vann þar í þrjú ár. Eftir það vann hún eitt ár við ungbarnaeftirlit á
Seltjarnarnesi. Andrea var flugfreyja hjá Icelandair næstu fimm árin og
vann jafnframt í hlutastarfi við hjúkrun alzheimer­sjúklinga á Sóltúni. Hún
hefur unnið hjá AstraZeneca í þrjú ár og séð um hjartalyfin en tekur nú
við geðlyfinu sem Ransý vann með áður en hún hætti.