Tölvumál - 01.10.2012, Blaðsíða 5

5
Innlendir fjárfestar mega gjarnan kynna sér þennan iðnað betur,
bæði hvað varðar áhættu og tækifæri. Stjórnvöld mega sjá að
þarna er á ferðinni geiri sem spinnur saman sagnahefðina, hugvit
og gríðarlega þörf okkar á að skapa vel launuð störf sem stuðla að
auknum gjald eyristekjum. Það er margt sem ýtir undir þá hugmynd
að tölvuleikir geti orðið styrk stoð til frambúðar í íslensku atvinnulífi,
á sama hátt og kvikmyndaiðnaðurinn virðist vera að gera um
þessar mundir.
Það er ánægjulegt að taka þátt í þessari þróun. Auðvitað munu
einhver áföll verða og einhverjar tilraunir munu ekki takast en
þannig er það alltaf. Það er hins vegar mikilvægt að láta það ekki
stöðva þann mikla og góða árangur sem hefur þegar náðst og að
öllum líkindum munu nýir sprotar spretta upp frá því sem ekki
gengur. Þá verður frábært þegar landið nær þeim stalli að allt það
góða fólk, sem hefur flutt út í heim, ákveður að snúa aftur og opna
fyrirtæki hér eða jafnvel stuðla að því að erlend félög ákveði að
hafa hér aðsetur. Hvað sem öðru líður er engum blöðum um það
að fletta, að á Íslandi er í dag blómlegur tölvuleikjaiðnaður og
framtíðin er björt.
Þetta eru spennandi tímar. En það þarf að byggja á þeim árangri sem hefur
náðst. Gæta að því að sá grunnur sem er til staðar sé nýttur með
skynsamlegum hætti. Í dag skapar þessi iðnaður milljarða í gjaldeyristekjur og
það er ekkert því til fyrirstöðu að þær tekjur geti vaxið margfalt.
Skýrslutæknifélag Íslands, í daglegu tali nefnt Ský, er félag
einstaklinga, fyrirtækja og stofnana á sviði upplýsingatækni. Ský er
rekið án hagnaðarmarkmiða og starfar einn starfsmaður hjá
félaginu.
Aðild er öllum heimil og bjóðum við ungt fólk í tölvugeiranum
sérstaklega velkomið.
Starfsemi félagsins er aðallega fólgin í, auk útgáfu Tölvumála, að
halda fundi og ráðstefnur um sérhæfð efni og nýjungar í
upplýsingatækni.
Tilgangur Ský er að miðla þekkingu milli þeirra sem starfa við eða
hafa áhuga á upplýsingatækni.
Hlutverk Ský er að bjóða uppá fjölbreytta og metnaðarfulla
viðburði í formi fræðslufunda og ráðstefna um upplýsingatækni og
hlúa að því öfluga þekkingar- og tengslaneti sem myndast hefur
innan félagsins og veita þannig félagsmönnum sínum virðisauka
og vegsemd.
maRkmið ský eRu:
• að breiða út þekkingu á upplýsingatækni og stuðla að
skynsamlegri notkun hennar
• að skapa vettvang fyrir faglega umræðu og tengsl milli
félagsmanna
• að koma fram opinberlega fyrir hönd fólks í upplýsingatækni
• að stuðla að góðu siðferði við notkun upplýsingatækni
• að styrkja notkun íslenskrar tungu í upplýsingatækni
Innan Ský starfa fjölmargir faghópar ásamt ritnefnd,
orðanefnd og siðanefnd:
• Faghópur um vefstjórnun
• Faghópur um rafræna opinbera þjónustu
• Faghópur um öryggismál
• Faghópur um fjarskiptamál
• Faghópur um hugbúnaðargerð
• Faghópur um rekstur tölvukerfa
• Fókus, faghópur um upplýsingatækni í heilbrigðisþjónustu
• Öldungadeild, ætluð þeim sem hafa starfað lengur en 25 ár í
UT geiranum
ÁvinninguR aF Félagsaðild:
• Lægri ráðstefnugjöld á ráðstefnur félagsins fyrir félagsmenn
• Áskrift að Tölvumálum, fagtímariti með efni tengdu
tölvunotkun og upplýsingatækni
• Leið að faghópastarfi innan félagsins
• Hafi félagsmenn áhuga á að stofna faghóp eða tengslanet
myndi félagið aðstoða við það
• Félagsmönnum er gefið tækifæri til að starfa í/með
undirbúningsnefndum ráðstefna og funda félagsins
• Tengslanet, fræðsla, tengslanet, fræðsla, tengslanet ...
Nánari upplýsingar er að finna www.sky.is og á skrifstofu Ský.
viltu ganga í ský?